¹ Ijõ itxerena, Deuxu wadee riteòsinyre Deuxu deòdu Josue ruruna weribi ratximyhȳrexiywinymy aõ riwinykre-my ibinabina. ² Josue tyy-di rexityynymy irule ityy isure, (obs:lmahyy) ratximyhȳratximyhȳ ȳju kotxi. ³ Deuxu ȳju tahe rarybere ȳnyxiwe-ò: — Deuxu heka ararutakre, ȳnyxiwe! Jiarȳ Deuxu heka retare Jerusalẽ, tahe ararutakre! Kaa hãbu heka riwinykre tii nade heòty ribi. ⁴ Tahe ȳju rarybere tawiòdȳȳdu-ò bitake Josue tyy iribi tahe ararykre. — Kiawese-ki aritakre aòraruna aribi wiji tahe arexityynykre ixena tyydi. ⁵ Ire-my tahe, ȳju diteònyde tawiòhedȳȳdu mahãdu-ò awikeki Josue rati rataana tawy ritidike-my awihikȳ-my. Tahe ritidirenyre rataana irati-ò tahe rityynyrenyre ixena tyydi; kia tahe Deuxu ȳju (obs:lmahyy) rȳi-my raremyhȳ. ⁶ Tii rarybere Josue-ò. ⁷ — Deuxu ruruterehekȳkawese rarybereri; Kai aõbo bitynykre wana warybe òraru tule biwatyhynykre wana ahõrõ ariwinykre araywinykre, kai heka wedu-my matxikre Deuxu wedu-my. Ibutu-my idi betekre aõbo awihikȳ-di tule ibutu-my heto wityretyre-di, kia wahe ȳju kaki ratxirenyreri wahe, kai iwestyhyle atyhyna ratxikre ibutudee. ⁸ Tai tahe boholakre, kia Josue hãbunihikȳ Deuxu xiwena-my rybedu, boholabenyke tule kaiboho xiwe wahidȳȳdu kia awanareny ratxireri. Kaiboho ibutu-my erysyna wese-my toite kia adeereny ariteònykre waijoireny tule warybe-my rybedu kia heka inire (obs: “hamo itmora.”) ⁹ Retidire akorenytxi “Josue kotxi sohoji mana tai deboinatxi reurò wiribiribi. Jiarȳ Deuxu ruruterehekȳ, ariyriburunykre ini tamy tahe sohoji sohoji iòraru aritakre kia bedebede ribi.” ¹⁰ Kia txuu iny sohoji sohoji riteòwarinykre tabire ludu kodoidenykre ixideewi-my kia alòbròna (obs:lterehe) rawo-txi. Jiarȳheka Deuxu ruruterehekȳ, rarybereri.