1 Ijõdire iwitxira itxerena-my wahe. Hãbu-my rabire kia urihixina rimymyhȳ-my. 2 Tamy rȳraxire: — Titxibo kai makre? Tii rirawyònyre. — Jiarȳ Jerusalẽ hãwã rehe ariurihikre tule (obs: iwebse) ariurihikre. 3 Tahe rabire kia ȳju wawana rarybereri-my tii wana rahonyramy. Kia tahe ijõ ȳju nade tii wana witxi reakre-my. 4 Kia ȳju juhuludu rarybere: — Beake wylemy tamy marybeke weryrybo-ò kia urihixina-di ratxireri-my; Jerusalẽ hãwã-my sȳdu mahãdu ixyby rasȳnykre, tule sõwe-my iny tai rasȳnykre tule sõwe-my iròiròdu tai rasȳnykre tii heka tiu raroorehenyõtyhy iòtity widȳȳhãwã werura-di. 5 Deuxu heka tuu ritidyre tule heka hãwã rurawona-my rexitidikre heòty west-my Jerusalẽ hãwã werura-di taile rasȳnykre tai tahe ariteòsinykre itxerena tyhy. 6-7 Deuxu tahe rarybere tasȳdu mahãdu-ò: — Ywimy! Ywimy! Kaiboho heka wetxy-my toitemyhȳ Babilonia-ki bihebenyke. Bihenybenyke kia ibedewebrò hãwã ribi! Jiarȳ tahe ariuberanykre bedebede-my, tahe rehemynyra itxu-ò kaiboho bokesebenykre-my Jerusalẽ-ò. 8 Taruru-my, tii Deuxu Rurutehekȳ diwateònyde adeereny ariwahinykre-my rybe kia bedebede mahãdu riwyrenyre atyhynareny ibutu-my. — Mobo tahe waijoire-ò ryrykre moõbo hirari riurityyhekre. 9 Tai tahe, jiarȳ adesukre aòludureny-my. Ibutu-my atyhyreny riwyrenykre tiiboho heka juhuu awetxireny roire. Tiiboho kia rȳikreu, tiiboho rieryrenykre Deuxu Ruruterehekȳ diteònyde. 10 Deuxu rarybere: — Jerusalẽ-ki sȳdu mahãdu, mawinybenyke deysa-my, iribi tahe jiarȳawanareny arakre sȳ-my. 11 Kia txuu tahe, inyõ wehekȳrexibutunykre Deuxu-ò, tahe Deuxu heka iijoireny-my rarekre, tii akireny rasȳnykre. Tai tahe Israeli mahãdu rieryrenykre kia Deuxu Ruruteherekȳ wadee diwahinyde adeereny ararybekre-my. 12 Ixyby kia Juda su heka awityhy-my ratxikre Deuxu sȳtyhyhymy awihikȳ-my, tule Jerusalẽ hãwã ixyby (obs: itmoranykre) ixidee wimy ritakre. 13 Ibutu-my boholabenykre Deuxu ratxihyymyre-ò, tii heka namyhȳde titxibo ratxireri-my ihȳre ribs namyhȳde tasȳawihikȳribi awanareny rasȳnykre-my.