¹ ȳju wadee rarybere juhuu ròòsereri tii riwaixixanyre wese tȳhi ribi. ² Tii wadee rȳȳraxire. — Aõmybo kai tabiteri? Rerarywyònyre. — Rabireri sohoji womati (obs:trȳrȳhȳ-my) hynaroki ityreki tahe rȳireri azeitxi be, deboinatxi reurò-my txuerysyna-ki tule deboinatxi hyna-my tamy azeitxi lòòsona-ò rehemynyke-my. ³ Ahãdu-di riranaki iòhò-my, rabireri inatxi lòbrònamy olivera inire sohoji sohoji wiwyòna-my. ⁴ Tai tahe rȳȳraxire ȳju dee: — Wadeuxu, aõbohe kia rare? ⁵ — Kai teeryõte aõbo? — Tii rȳȳraxire. — Aõkõre Deuxu — rerawyònyre. ⁶ Iribi tahe, ȳju diteònyde tamy ariwahinykre-my Jò Zorobabeo-ò kia Deuxu rybe wahe. — Aõ inykireny aõkõ dinodu ruruterehekȳtule arurutere-my tatxiteri tiu biwinyõtyhy tahe ariwinykre watyhyna òraru-ki. Jiarȳ heka rare Deuxu ruruterehekȳ, moõbo rarybereri. ⁷ Zorobabeo kotxi, hãwãlo rarietyhyre robikre bedero ijena wese-my. Tiu tahe kidiwykre mana awityhy Deuxu heto ribi, kia tahe iny mahãdu kidirajuakre aõherewe sòe! Aõherewe sòe! ⁸ Ixyby Deuxu wadee rarybera. ⁹ Tii rarybera: — Zorobabeo heka Deuxu rybena hetotira tule rahukre. Tiubo kia rȳikreu tiibohe rieryrenykre tahe Deuxu ruruteherekȳriteònyreri adeereny tuu tamyreny marybebenykre-my. ¹⁰ Kia heka tamyreny aõaõkõ rare tahe iòraruu tiiboho teusa-my lai raharenykre tiubo Zorobabeo-my robirenyreri kia Deuxu dohodȳȳna heto widȳȳrahumy. — Deboinatxi reurò-my lòòsona heka rikewesenanyre Deuxu rue deboinatxi reurò-my kia heka ibutu-di retehekre rakre bedebede-di ibutu-my. ¹¹ Tai tahe jiarȳ rȳȳraxire. — Aõbo tahe tiiboho raryberenyre kia inatxi beleraty-my, sohoji sohoji-my wiwyõna-my hynaro-ki? ¹² Tule rȳȳraxire. — Aõbo tahe tiiboho raryberenyre kia inatxi lòbròna òteti tahe inatxi hyna ribi iòhò-my rȳire kia womati (obs:trȳrȳhykȳ) kia azeitxi be idi reamyhȳre-ki? ¹³ Kai teeryõte? — Tii rȳȳraxire. — Aõkõ, Deuxu! — rerawyònyre. ¹⁴ Tahe tii (obs:ritnynyre). — Kia heka inatxi hãbu rikewesenanyre tiiboho roirenykre tarasa-my tule ibutu dee awi-my Deuxu ruruterehekȳ-ò tule ibutu-my bedebede-ò.