¹ Juhu bedeu, tiu iny mahãdu rarybemy rỹiramyhỹ Efraĩ ijoi mahãdumy, kia iny witxira ijoi mahãdu ilaureny ruberumyhỹrenyre, kiemy ibutumy eframita mahãdu rityhynyrenymy rỹirenyramyhỹ. Ka tii boho tahe rexiòrarunyrenymy Bali (Baal) ỹnyxiwemy rerinanyrenymyhỹ iurenana heka rururenykre. ² Kia òraruna ixyby riwinymyhỹrenyre, kia womati ritxoo riwinymyhỹrenyre tuu rerinanyrenykremy; kaa mana rỹsỹ òtaòta heka iny widỹỹna rare, kia heka hãbu mahãdu riwinyrenyre, kiaremy tii boho rarybemyhỹrenyre: “Tamy xiwena biwahinybenyke!” Kia tahe iryò dori ruòmyhỹrenyre kaa broreni riòre womati-ò! ³ Iurenana heka kaa iny mahãdu riõrenykre biu bede luru txuu ròhònymyhỹre wesemy, yda nonoe wylemy rarubumyhỹre wesemy rudiu, yda horeru wese kia yhy ridymyhỹre wese, yda wàdàsi wese heranawo-ribi ròhònymyhỹre wesemy. ⁴ Deuxu Tyhyhykỹ rarybere: — Diarỹ, Deuxu Tyhyhykỹ, aDeuxureny rare kia Egitu-ribi anatadenydeuhukỹle; diarỹ heka Deuxu sohojihyy rare kai boho teerymyhỹtenyte, kia Deuxu sohojihyy arahedỹỹnyrenyre. ⁵ Diarỹ adireny warukimy raremyhỹ kia bedero tyahãkỹ-ki toitemyhỹ bedeu, kua suu ibe ijõdike aõkõre. ⁶ Kia su wihikỹ-ò terònytenyteu, kai boho arỹsỹnareny rohenymy teitemyhỹ kia awimy atxitenyte; tai tahe aworeny rỹxirenyre ixityhytyhydỹỹnareny-di, kia kai boho tahe waribi õhõtireny rusarenyre. ⁷ Kiaremyta, arahurenykre hãlòe wesemy; kia hãluu ijò-ki aratxirekre ahula wesemy. ⁸ Kia ursa wesemy kia iriòrereny tewasinytenyte, diarỹ aòludurenymy aratxikre kiata awitxitireny arikrokre. Kia hãlòe wese, diarỹ araròrenykre kuakityhyle; kia iròdu deburehekỹ wesemy aradeykaykarenykre. ⁹ Israel iny mahãdu, diarỹ heka arahurenykre; mobo tahe arahedỹỹnyrenykre? ¹⁰ Kai boho wadee texitòenytenyte adeereny iòlòõ ariwahinykremy kia tule awedurenymy ibutumy hãwa hãwa wedu wedurenymy. Ka timybo tahe tii boho rahenyrenykre? ¹¹ Wakyaramy adireny rare iurenana heka adeereny iòlò boho rewahinyrenyre; kia wakyarahyymy adireny watxire, kiata diarỹ aribireny retare. ¹² –Israel òrarunareny heka raritidỹỹmy roire, iaõna binabinareny tyyriti-ò relemy roire. ¹³ –Kiahe tamy bede rehemynyra Israel ixyby irumy roirekremy, ka Israel tahe teralemy reareri kiemy dori tõhõti roholaõhyyreri; kia iwese uladu iijara iòhòmy roimyhỹre wesemy kiata òlò deramy reamyhỹre wesemy. ¹⁴ Taita diarỹ aõbohe wasỹreny waijoireny rubu-ribi arihedỹỹnyrenykre? Kia aõbo aritarenykre rubu bedehekỹ-ribi? Rubu heka taõhỹỹhỹỹ-ribi namyhỹde, kia tararytxyna-di namyhỹde! Diarỹ heka idireny waiwobrudỹỹ ihoõkre kaa iny mahãdu-di! ¹⁵ Kia Israel raumynyke hãre viçosa bederade wesemy Deuxu Tyhyhykỹ iditeònykre iòludureny txuròtena weribi-ribi, kia yhytòtee bedero tyahãkỹ-ribi ramyhỹre wesemy, kia ibutumy raruburenykre bee òlòna mynamyna. Ibutumy hãwakỹ aõnaõna tyhytyhyhyhykỹ rawyrenykre. ¹⁶ Samaria iny mahãdu rararytxyrenykre kiemy dori Deuxu òludumy rekoarenyre. Hãbu mahãdu rururenykre wounanakre, ulada mahãdu tahe rayreyrerenykre. kia hãwyy mahãdu botomy ryimyhỹrenyre iwereny ratxuatxuarenykre. Hãbu mahãdu rururenykre wounanaki, uladu mahãdu tahe rayreyrerenykre, kia hãwyy mahãdu bòtòmy rỹimyhỹrerenyre iwereny ratxuatxuarenykre.