¹ Israel iny mahãdu aõnaõna binabinale riwinymy ratximyhỹrenyre kia txuu idireny ralòmyhỹre aõnaõna tyhy aõkõ riwinyrenymy. Roi bededỹỹnana rubu bededỹỹnana ire rasõemy namyhỹde. Israel heka rybe widee riwinyrenyre Assiria-wana kia aõòlỹre riwahinyre Egitu dee. ² Deuxu Tyhyhykỹ irybe ijõdireri Juda iny mahãdureny òludumy kiata Israel iny mahãdu rirarytxynykre iòrarureny òraruki. ³ Ijaò (Jacó) ihỹỹnareny resure taseriòre Esau-wana kia tii boho tadiwewoki ratximyhỹrenyu, Kia hãbu raumynyre Ijaò resure Deuxu-wana; ⁴ tii ỹju-wana resure kiata iribi ròtare. Taita rahinyre kia ỹju-ò rexitòenyre tarybewihikỹ tamy riwahinykemy. Deuxu itxi reare Betel-ki kiata tai tamy rarybere. ⁵ Deuxu Tyhyhykỹ, Deuxu Ibutumy abedeeryre: kaa heka ani rare! ⁶ Kiaremyta Israel iny mahãdu, ixybyle bòdòòsedenyke aDeuxureny dee, aõnaõna wiwi kia òbitimy biwinybenyke kiata tiihyy bityhynybenyke ikiemy. ⁷ Deuxu Tyhyhykỹ rarybere: — Israelita mahãdu heka kananeu mahãdu wesena roire: òbitimy nodu aõkõ roire kia utxiena roihikỹlemy riuhemyhỹrenyre iny witxira ribònyrenykremy. ⁸ Tii boho rarybemyhỹrenyre: “Inatyhymy iny boho iaõdirenymy ityhyreny roire, kia aõnaõna sõemy iny boho ributunymyhỹrenyre iny roireny-di.” ⁹ Kiaremy diarỹ, Deuxu Tyhyhykỹ heka aDeuxureny rare kia Egitu-ribi anatadenydeuhukỹle; diarỹ arasỹnyrenykre kai boho heto riòre-ki ixyby masỹnybenykre, iwese tuu tasỹnymy toitemyhỹ kia diarỹ atxireny reare bedeu bedero tyahãhãkỹ-ki. ¹⁰ –Diarỹ rarybere profeta mahãdu-ò kia sõemy riitxeredỹỹnyrenyre iruereny ritxuamy; kia urihina rybe reurihire kia rarybereu iny mahãdudeereny profeta mahãdu yhyra-ribi. ¹¹ Gileade iny mahãdu tatyhydỹỹnanarenymy rerinanymyhỹrenyre iurenana heka rururenykre. Gilgal-ki broreni hãbu mahãdu aròti xiwena denatyre rurumy roimyhỹre; iurenana heka xiwena denareny mana sõehekỹ ratòòmy rexirahorekre suu raaramy roimyhỹre bedeki. ¹² Iny hỹỹnareny Ijaò ixiwòtemy rare Mesopotamia bede-ò kiata budoeni-di tarurikidumy raõmysỹdỹỹnyre, hãwyy-my roikre òwymy. ¹³ Deuxu rybe-di Ijohodu yhyramy, Deuxu Tyhyhykỹ Israel iny mahãdu ditadenyde Egitu-ribi kiata idireny taruki raremyhỹ. ¹⁴ Kia taòrarureny-di Israel iny mahãdu riitxenanymy rikyaradỹỹnyre Deuxu Tyhyhykỹ; iurenana tii riwinykre riòwynyrenykremy kia rubudỹỹ riwinyrenyreki kia rirarytxynyrenykre iaõnaõna binabinareny òrarurenyki.