1
بِصَلئیل جی اَقاقیا چوب صندوقَ بساخت. اونِ درازا یک متر و بیست و پنج سانتی متر، و اونِ پهنا و بلندی هر کودام هفتاد و پنج سانتی متر بو.
2
و اونِ بودورون و بیرونَ طلایِ خالصِ اَمرَه بوپوشَأنی، و اونِ رِه ایتَه قاب جی طلا چَأکود.
3
صندوقِ چهار گوشِ رِه چهار تَه حلقه جی طلا چَأکود، یعنی دو تَه حلقه ایطرفِ رِه و دو تَه حلقه هم ایطرف دیگرِ رِه.
4
و دو تَه پیلدانه عصا جی چوبِ اَقاقیا بساخت و طلا اَمرَه روکش بیگیفت.
5
و صندوقِ اوسَأدِنِ رِه او عَصایانَ جی حلقه یَان ردَ کود.
6
و صندوقِ سرپوش، یعنی تختِ رحمتَ جی طلایِ خالص چَأکود، کی اونِ درازا یک متر و بیست و پنج سانتی متر، و اونِ پهنا هفتاد و پنج سانتی متر بو.
7
بازن تختِ رحمتِ رِه دو تَه فرشته مُجسمه یَ جی طلایِ خالص بِساخت،
8
ایتَه تختِ رحمتِ اَطرفِ رِه و ایتَه هم تختِ رحمتِ اوطرفِ رِه، و جوری چَأکود کی مُجسمه یَأن تختِ رحمتِ اَمرَه ایتَه بوبُستد.
9
فرشته یان همدیگرِ روبرو ایسَه بود و تختِ رحمتَ فَأندِرستد و اوشَأنِ بال صندوقِ جُرِ رو واز بو.
میز
10
و اون میزَ جی اَقاقیا چوب بِساخت، میزِ درازا یک متر، و اونِ پهنا نیم متر، و اونِ بُلندی هفتاد و پنج سانتی متر بو.
11
میزَ جی طلایِ خالص بوپوشَأنه و اونِ دؤرِ رِه ایتَه قاب جی طلا چَأکود.
12
میزِ لبه جَه ایتَه حاشیه چَأکود کی چهار اَنگوشت بلندی دَأشتِه و اونَ هم طلا اَمرَه روکش بیگیفت.
13
و جی طلا چهار تَه حلقه چَأکود و میزِ گوشه یانِ جَه، یعنی پایه هانِ جُرِ رو نصب بوکود.
14
اَ حلقه یانَ، میزِ حاشیه نزدیک وصلَ کود، و عصایانی وَسی بو کی میزِ جابجا کودَأنِ رِه ایستفاده بوسته.
15
و دو تَه عصا جی اَقاقیا چوب بِساخت و طلا اَمرَه روکش بیگیفت تا میزِ جابجا کودَأنِ رِه بکار بأیِه.
16
و ظرف و ظروفی کی میزِ رو شین بو، و هدایای فوکودَأنی رِه بکار اَمویِه، جی جام و پیاله، تا کاسه بشقاب، همه یَ جی طلایِ خالص چَأکود.
چراغدان
17
چراغدانَ جی طلایِ خالص بِساخت و اونِ بدنه و پایه یَ چُکش کاری بوکود. پایه و شاخه یان و جاچراغی یک تیکه بود.
18
و اونِ دو طرفِ جَه شیش تَه شاخه بیرون اَمویِه، سه تَه شاخه ایطرفِ جَه و سه تَه شاخه هم ایطرف دیگرِ جَه.
19
هر جا چراغی بادامِ شکوفه مَأنستَأن بو و هر کودام، گُل و گُلبرگ دَأشته و چراغدانِ هر شیش تَه شاخه هَطو بود.
20
خودِ چراغدان هم چهار تَه پیاله مرَه تزئین بوکود کی بادامِ شکوفه و اونِ گُل و گلبرگِ مَأنستَأن بو.
21
ایتَه جوانه اولی جفت شاخه یانِ جیر نَهَه بو، یعنی همۀ شیش تَه شاخه جیر هَطو بو.
22
چراغدان و اونِ پایه و همۀ شاخه یان یک تیکه و جی طلایِ خالص بود، و چُکش کاری بوبُستِه بو.
23
اونِ هفتَ چراغ و اونِ اَنبُر و اونِ سینی جی طلایِ خالص چَأکوده بوبُست.
24
اشَأنِ چَأکودَأنِ رِه ایته تیکه طلایِ خالص، کی سی و چهار کیلو وزن دَأشته بکار بوبورد.
مذبحِ بوخور
25
مذبحِ بوخورَ جی اَقاقیا چوب بِساخت. اونَ مربع بِساخت کی اونِ هر گوش نیم متر درازا دَأشته، و اونِ بُلندی هم یک متر بو، و چهار تَه شاخ هر گوشِ رو چَأکود کی همه یک تیکه بود.
26
و طلایِ خالصِ اَمرَه اونَ روکش بیگیفت، یعنی اونِ رویَ و اونِ دور تا دورَه. و ایتَه قاب جی طلا اونِ دورِ رِه بِساخت.
27
و طلا جَه دو تَه حلقه چَأکود و قابِ جیرِ جَه نصب بوکود، تا مذبحِ حمل و نقلِ رِه، عصایان اوشَأنِ میَأنِ جَه بوگذرد.
28
و جی چوبِ اَقاقیا عصایانَ بِساخت و طلا اَمرَه روکش بیگیفت.
29
و روغن مقدسَ و بوخورِ خالصَ کی عطرِ مَأنستَأن خوشبو بویَ آماده کود.