3
بی خدایی روزایِ آخرِ دورون
1
بدَأن کی روزهایِ آخرِ رِه روزگارِ سختی پیش اَیه.
2
چون مردمْ، خودخواه، پول پرست، لاف زن، مغرور، بددَهن، نسبتِ به خوشَأنِ پئر و مارْ نافرمان، ناشُکر، ناپاک،
3
بی عاطفه، بی رَحم، اِفتراگیر، بی بند و بار، وَحشی، خوبی مرَه دوشمن،
4
خیانتکار، لااُبالی، و خودپسند بود. و لذتَ ویشتر جی خدا دوس دَأرد،
5
هر چند ظاهراً خداپرستد ولی واقعیتَ اِنکار کوند، اَجور آدمانِ جَه دوری بوکون.
6
چون بعضی جی اَشَأند کی هزارجور دوز و کلکِ مرَه مردمِ خانه دورون راه پیدا کوند و زنانِ کم عقلِ مرَه دوست بهد و اوشَأنَ به چنگ اَورد، زنانی کی اوشأنِ شانه، گوناه بارِ جیر خمَ بوسته، و هَوس و شَهوت اوشَأنَ به هر طرف فَأکشه،
7
و با اَنکی همیشه تعلیم گیفتَأن درد، ولی هیچموقع حقیقتَ درک نوکوند.
8
هوطو کی «یَنیس» و «یَمْبْریس» موسی مرَه مخالفت بوکودد، اَ مُعلمینم کی فکری فاسد دَأرد و ایمانِ جَه وَأگردسته دَأرد، راستی و حقیقتِ مرَه مخالفت کوند.
9
ولی بدَأن نتَأند ویشتر جی اَن پیش بوشود و ایتَه روز اوشَأنِ نادانی همگی رِه آشکارَه بِه، هوطو کی «یَنیس» و «یَمْبْریسِ» حِماقت همه تَه نِ رِه آشکارَ بوست.
پولسِ نصیحت به تیموتائوس
10
ولی تو می تعلیم و می رفتار و می هدف و می ایمان و می صبر و می مُحبت و می تَحملَ،
11
و اون آزارانی کی بیدمَ و رَنجانی کی بکشمَ بیده ایی، و خبر دَأری شهرایِ اَنطاکیه و قونیه و لِستره میَأن چی می سر بأمو و چوطو اون زحماتَ تحمل بوکودم، ولی خداوند مرَه همۀ اون خطراتِ جَه نجات بدَه.
12
بله، همۀ کسانی کی بخأید واقعاً مطابق خدا اِراده زندگی بوکوند، مسیحِ دوشمنانِ جَه آزار دیند.
13
ولی مردمانِ شرور و شیّادانْ، روز به روز بدی جَه ترقی کوند و خیلیانَ فریب دهد و خودشانم شیطانِ فریبَ خورد.
14
ولی تو اونچی دورون کی تعلیم بیگیفته ایی و ایمان بأورده ایی قائِم بِئس، چون کی دَأنی چی کسایی جَه تعلیم بیگیفته ایی.
15
خودتَم جی کوچیکی کتاب مقدسَ یاد بیگیفته دَأری، اَ کتاب قادره ترَه حِکمت ببخشه تا بدَأنی کی نجات پیدا کودَأن، فقط جی راهِ ایمانِ به مسیحِ عیسی اِمکان دَأره.
16
همۀ کتاب مُقدس خدا اِلهامه، و تعلیم و تنبیه و اصلاح و تربیتِ وَسی و عدالتِ رِه مفیده.
17
تا خدا مردْ هر کارِ نیکو رِه کاملاً مجهز بیبه.