¹ ۔ حِکمَت کی دعوت حکمت نے اپنا گھر بنایا اَور اپنے سات ستُون تراشے ۔ ² ۔ اُس نے اپنےذَبیحوں کو ذَبح کِیا۔اُس نے اپنی مَے کو مِلایا اَور اپنا دستر خوان آراستہ کِیا ۔ ³ ۔ اُس نے اپنی سہیلوں کو بھیجا کہ شہر کے اُونچے مقاموں کی چوٹیوں پر سے پُکاریں ۔ ⁴ ۔ جو کوئی نا تجربہ کار ہو وہ میرے پاس آئے جو کوئی بے عقل ہو مَیں اُسے سے بولُوں گی۔ ⁵ ۔ آؤ میری روٹی میں سے کھاؤ اَور اُس مَے سے پِیئو جِسے مَیں نے ملایا ۔ ⁶ ۔ نادانی کو چھوڑو تاکہ زندہ رہو دانائی کی راہ میں چلو۔ ⁷ ۔ جو کوئی مسخرے کو تربیت کرتا ہَے وہ ذِلّت حاصِل کرتا ہَے اَور جو کوئی شریر کو دھمکی دیتا ہَے ۔وہ آپ ہی دَھبّہ پاتا ہَے۔ ِ ⁸ ۔ مسخرے کو تنبیہہ نہ کر تاکہ وہ تُجھ سے نفرت نہ کرے۔ دانِشمند کو تنبیہہ کر تو وہ تُجھے پیار کرے گا۔ ⁹ ۔ دانا کو تلقین دے تو وہ زیادہ دانا ہو جائے گا۔ صادق کو تعلیم دے تو وہ زیادہ عِلم حاصل کرے گا ۔ ¹⁰ ۔خُداوند کا خوف حِکمَت کا شروع ہَے۔ اَور اُس قُدّوس کی پہچان فہم ہَے۔ ¹¹ ۔ کیونکہ میرے ذریعہ سے تیرے دِن بڑھ جائیں گے اَورتیری زِندگی کے برس زیادہ ہوجائیں گے۔ ¹² ۔ اگر تُو دانِشمند ہَے تو اپنے واسطے ہَے اگر تُو ٹھٹھا کرتا ہَے تو اکیلا تُو ہی بَدی اُٹھائے گا۔ ¹³ ۔ جہالت کی دعوت احمق عورت شوروغل کرتی ہَے ۔وہ دِلفریب ہَےاَور کُچھ نہیں جانتی ۔ ¹⁴ ۔ وہ اپنے گھر کےدروازے نزدیک شہر کے اُونچے مقاموں میں چوکی پر بیٹھتی ہَے ۔ ¹⁵ ۔ تاکہ راہ کے چلنے والوں کو بُلائے یعنی اُنہیں جو سِیدھی راہ جانا چاہتے ہَیں۔ ¹⁶ ۔ جو کوئی ناتجربہ کار ہو وہ میرے پاس آئے۔جوکوئی بے عقل ہو مَیں اُس سے بولُوں گی ۔ ¹⁷ ۔چوری کا پانی میٹھا ہوتا ہَے۔ پوشیدگی کی روٹی میں لذّت ہَے۔ ¹⁸ ۔ لیکن وہ نہیں جانتا کہ مَردے وہاں ہَیں اَور کہ اُس کے مہمان پاتال کی گہرائیوں میں ہَیں ۔