¹ ۔ بِرکات توکّل اَے میرے بیٹے ! میری تعلیم کو مت بھُول بلکہ تیرا دل میرے حُکموں کو مانے ۔ ² ۔ کیونکہ وہ تیرے ایّام کی درازی اَور تیری زِندگی کے برسوں اَور سلامتی کو بڑھائیں گے۔ ³ ۔شفقت اَور سچائی تُجھ سے الگ نہ ہوں ۔ تَو اِن دونوں کو اپنی گردن کا ہار بنا ۔اَور انہیں اپنے دِل کی تختی پر لکھ لے۔ ⁴ ۔یُوں تو خُدا اَور آدمیوں کے نزدِیک مقُبولیّت اَور نیک نام حاصل کرے گا۔ ⁵ ۔خُداوند پر اپنے سارے دِل سے بھروسا رکھّ۔ اُور اپنی عقل پر اِعتبار نہ کر ۔ ⁶ ۔اپنی تمام راہوں میں اسے پہچان۔ تو وہ تیرے رستوں کو ہموار کردے گا۔ ⁷ اپنی نگاہ میں عقلمند مت بن۔ خُداوند سے ڈر اَور بَدی سےکَنارہ کر۔ ⁸ ۔کیونکہ وہ تیرے بدن کی صحت اَور تیری ہَڈیوں کی تازگی ہوگی۔ ⁹ ۔اپنے مال سے اَور اپنی ساری پیداوار کے پہلے پھَلوں سے خُداوند کی تعظیم کر ۔ ¹⁰ ۔یُوں تیرے انبار خانے اناج سے بھرے رہیں گے اَور تیرے کولھونئی مَے سے لبریز ہوں گے ۔ ¹¹ ۔ فضیلتِ حِکمَت اَے میرے بیٹے ! خُداوند کی تربیت کو حِقیر نہ جان ۔اُور اُس کی تنبیہہ سے بیزار نہ ہو۔ ¹² ۔ کیونکہ خُداوند اُسی کی تربیت کرتا ہَے جِسے و ہ پیار کرتا ہَے۔ جیسے باپ اُس بیٹے کو جس سے وہ خُوش ہَے ۔ ¹³ ۔مُبارَک ہَے وہ اِنسان جو حِکمَت پاتا ہَے اَوروہ آدمی جو دانش حاصِل کرتا ہَے۔ ¹⁴ ۔ کیونکہ اُس کا حصوُل چاندی کے حصُول سے بہتر اَور اُس کا نفع کُندن سے افضل ہَے۔ ¹⁵ ۔حِکمَت موتیوں سے زیادہ قیمتی ہَے۔ اَور تیری دولت اُس کے برابر نہیں۔ ¹⁶ ۔ایاّم کی درازی اُس کے دہنے ہاتھ میں ہَے ۔اَور اُس کے باہیں ہاتھ میں دولت اِور عزّت ہیں۔ ¹⁷ ۔اُس کی راہیں ہمدردی کی راہیں ہَیں۔ اَور اُس کے تمام رستے سلامتی کے ہَیں۔ ¹⁸ ۔جو اُسے پکڑلیتے ہیں اُن کے لیے وہ زِندگی کا درخت ہَے اَور مُبارَک ہَے وہ جو اُس سے لپٹا رہتا ہَے۔ ¹⁹ ۔خُداوند نے حِکمَت سے زمین کی بنُیاد رکھّی اور عُقلمندی سے آسمان کو قائم کیا ۔ ²⁰ ۔اُس کے عِلم سے گہراؤ کے چشمے پھوٹ پڑتے ہیں۔ اَور بادِل شبنم ٹپکاتے ہیں ۔ ²¹ ۔ اَمن حِکمَت اَے میرے بیٹے ! اِن باتوں کو اپنی آنکھوں سے دُور نہ ہونے دے۔ عقلمندی اَور تدبیر کو نِگاہ میں رکھّ ۔ ²² ۔ یُوں وہ تیری جان کی حیات اَور تیری گردن کی زینت ہوں گی۔ ²³ ۔تب تُو اپنی راہ پر اطمینان سے چلے گا۔ اَورتیرا پاؤں ٹھوکر نہ کھائے گا۔ ²⁴ ۔ جب تُو لیٹے گا تو خوف زدہ نہ ہوگا بلکہ تُو آرام کرے گا ۔اَور تیری نیند میٹھی ہوگی ۔ ²⁵ ۔ناگہانی دہشت سے نہ ڈر اَور نہ شریروں کے طُوفان سےجب وہ تُجھ پر آپڑے ۔ ²⁶ ۔ کیونکہ خُداوند تیری پشت پناہ ہوگا اَور تیرے پاؤں کو پھندے سے بچالے گا۔ ²⁷ ۔ہمسایا نہ محبّت جو نیکی کے مُستحق ہیں اُن سے دریغ نہ کر۔جب تیرے اختیار میں ہو۔ ²⁸ ۔جب تو فوراََ دے سکتا ہَے تو اپنے ہمسائےسے نہ کہہ کہ جا ۔پھِر آنا مَیں کَل دُوں گا ۔ ²⁹ ۔اپنے دوست کے خلاف بَدی کا منصُوبہ نہ باندھ۔جس حال کا وہ تیرے ساتھ بے خوف رہتا ہَے۔ ³⁰ ۔کِسی اِنسان سے بے سبب جھگڑا نہ کر ۔جب کہ اُس نے تیرے ساتھ بَدی نہیں کی ۔ ³¹ ۔ظالِم آدمی پر رَشک نہ کر ۔اَور اُس کی کِسی رَوش کو اختیار نہ کر ۔ ³² ۔ کیونکہ کَج رَو سے خُداوند کو نفرت ہَے پر راستکاروں کے ساتھ اُس کی رفاقت ہِے۔ ³³ ۔ شریر کے گھر پر خُدا کی لعنت ہَے ۔مگر صادِقوں کے مَسکن پر اُس کی برکت ہَے۔ ³⁴ ۔ٹھٹھا کرنے والوں پر و ہ ٹھٹھا کرتا ہَے۔ پر حلیِموں کو وہ فضل بخشتا ہَے۔ ³⁵ ۔دانِشمند عِزّت کے وارث ہوں گے اَور جاہِل ذِلّت اُٹھائیں گے۔