¹ ۔ جو آدمی بار بار سرزنش پاکر گردن کشی کرتا ہَے وہ نا گہاں ہلاک کِیا جائے گا اور اُس کا کوئی چارہ نہ ہوگا۔ ² ۔ جب صادِق آدمی حُکمران ہوں تو لوگ خُوشی کرتے ہَیں اَور جب شریر آدمی حُکومت کرتا ہَے تو لوگ آہ بھرتے ہَیں ۔ ³ ۔ جو اِنسان دانِش کو پیار کرتا ہَے وہ اپنے باپ کو خُوش کرتا ہَے پر جو فاحِشہ عورتوں سے صُحبت رکھتا ہَے وہ اپنا مال برباد کر تا ہَے۔ ⁴ ۔بادشاہ عدل سے مملکت کو قائم رکھتا ہَے پر جوبھاری محصُول لگاتا ہَے وہ اُسے برباد کرتا ہَے۔ ⁵ ۔ جو آدمی اپنے ہمسائے کی خُوشامد کرتا ہَے۔ وہ اُس کے قدموں کے لئے جال بچھاتا ہَے۔ ⁶ ۔ شریر کی راہ میں پھندا ہَے۔ پر صادق گاتا اور خوشی کرتا ہَے۔ ⁷ ۔ صادِق آدمی مَسکینوں کے مُعاملے کی خبر رکھتا ہَے مگر شریر اُس کی تحقیق کرنے کی پروا نہیں کرتا ۔ ⁸ ۔ ٹھٹھّے باز آدمی شہر میں آگ لگاتے ہَیں ۔مگر دانِشمند ہنگامے کو دُور کردیتے ہیں۔ ⁹ ۔ اگر دانِشمند آدمی احمق کے ساتھ جھگڑا کرے ۔تو خواہ وہ غُصّے ہو یا ہنسے اُسے آرام نہ ملےگا ۔ ¹⁰ ۔ خُون ریز آدمی بے گناہ سے نفرت کرتے ہَیں اَور راستکار اُس کی جان بچانے کی خواہش رکھتے ہَیں ۔ ¹¹ ۔احمق اپنا پُورا غُصہّ ظاہر کرتا ہَے۔ پر دانِشمند آخِر کار اُسے تھامتا ہَے ۔ ¹² ۔ جب بادشاہ جھُوٹی بات کی طرف کان لگاتا ہَے تو اُس کے سب خادِ شریر ہو جاتے ہَیں۔ ¹³ ۔مِسکین اَور ظالمِ آدمی باہم ملتے ہَیں ۔خُداوند اُن دونوں کی آنکھوں کو روشن کرتا ہَے۔ ¹⁴ ۔جو بادشاہ مِسکینوں کا راستی سے اِنصاف کرتا ہَے اُس کا تخت اَبد تک قائم رہے گا۔ ¹⁵ ۔چھڑی اَور تنبیہہ حِکمَت بخشی ہَیں مگر جو لڑکا اپنی مرضی پر چھوڑا گیا ہو وہ اپنی ماں کو شرمندہ کرتا ہَے۔ ¹⁶ ۔جب شریر لوگ غالب آتے ہَیں تو گُناہ زیادہ ہوتا ہَے اَور صادِق لوگ اُن کا گِرنا دیکھیں گے۔ ¹⁷ ۔ اپنے بیٹے کی تربیت کر تو و ہ تُجھے چَین دے گا اَورتیری جان کو مسُرور کرے گا ۔ ¹⁸ ۔ جب رُو یا نہ ہو تو لوگ پریشان ہوتے ہَیں پر جو شریعت کو مانتا ہَے۔ وہ مُبارَک ہَے۔ ¹⁹ ۔غُلام کلام سے نہیں سُدھرتا کیونکہ اگرچہ وہ سمجھتا ہَے تو بھی پروا نہیں کرتا۔ ²⁰ ۔ کیا تُو نے ایسا آدمی دیکھا جو بات کرنے میں جلد باز ہَے اُس کی بہ نِسبت جاہِل سے زیادہ اُمّید ہَے۔ ²¹ ۔جو اپنے غُلام کو اُس کے لڑکپن سے ناز میں پالتا ہَے وہ آخِر کار اُسے سرکش پائے گا۔ ²² ۔ غُصّہ ور آدمی جھگڑا برپا کرتا ہَے۔ اَور غضبناک اِنسان بہُت خطا کرتا ہَے۔ ²³ ۔ اِنسان کی مغروری اُسے پست کرتی ہَے پر جو روح کا فروتن ہَے وہ عِزّت حاصِل کرے گا۔ ²⁴ ۔جو کوئی چور کاشریک ہَے وہ اپنا ہی دُشمن ہَے اگرچہ وہ لعنت سُنتا ہَے تو بھی بتاتا نہیں۔ ²⁵ ۔آدمی کا خوف پھندا لگاتا ہَے مگر خُداوند پر تو کُّل کرنے والا محفوظ رہے گا ۔ ²⁶ ۔بہُت ہَیں جو حُکمران کی مہربانی کے خواہشمند ہیں مگر ہر ایک آدمی کا انصاف خُداوند سے ہَے ۔ ²⁷ ۔شریر آدمی صادِقوں کے نزدِیک مکرُوہ ہَے اَور راستکار شریر کے نزدِیک مکرُوہ ہَے۔