¹ ۔شریر بھاگتا ہَے اگر چہ کوئی اُس کا پیچھا نہیں کرتا پر ہر صادِق شیر کی طرح بےخوف رہتا ہَے ۔ ² ۔ مُلک کی خطاکاری کے باعِث حاکم بہُت سے ہیں اَور عقلمند عِلم دار اِنسان سے اِنتظام بحال رہے گا۔ ³ ۔ جو غنی مُحتاجوں پر ظُلم کرتا ہَے وہ اُس شدید بارش کی طرح ہَے جو روٹی نہیں دیتی۔ ⁴ ۔ جو لوگ شریعت کو ترک کرتے ہَیں وہ شریر کی تعریف کرتے ہَیں لیکن جو شریعت کو مانتے ہیں و ہ اُس سے ناخُوش ہوتے ہَیں۔ ⁵ ۔ شریر آدمی اِنصاف کو نہیں سمجھتے مگر خُداوند کے طالب سب کُچھ سمجھتے ہَیں۔ ⁶ ۔ جو مُفلس بےگُناہی سے چلتا ہَے وہ کَج روَ دولتمند کی نِسبت افضل ہَے ۔ ⁷ ۔ جو بیٹا شریعت کو مانتا ہَے وہ دانِشمند ہَے پر جو اوبا شوں سے صحبت رکھتا ہَے وہ اپنے باپ کی رُسوائی کا باعث ہَے ۔ ⁸ ۔جو اپنی دولت کو سُود خوری اَور نفع سے بڑھاتا ہَے وہ اُس کے لئے جمع کرتا ہَے جو مُحتاجوں پر رحم کرے گا۔ ⁹ ۔جو اپنے کان شریعت کے سُننے سے پھیرے ۔اُس کی دُعا بھی نفرت انگیز ہَے۔ ¹⁰ ۔ جو کوئی صادِق کو بَدی کی راہ میں بھٹکاتا ہَے وہ اپنے ہی گڑھے میں گرے گا۔راست رَو اچھّی چیزوں کے وارِث ہوں گے۔ ¹¹ ۔ دالتمند آدمی اپنی نِگاہ میں دانِشور ہے پر عقلمند مِسکین اُسے معلُوم کرلیتا ہَے ۔ ¹² ۔جب صادِق لوگ فتح یاب ہوں تو بڑا فخر ہَے۔جب شریر حُکومت کو اِختیار کرتے ہَیں تو لوگ خود کو چھُپا لیتے ہَیں۔ ¹³ ۔جو اپنے گُناہوں کو چھُپاتا ہَے وہ کامیاب نہ ہوگا مگر جو اُن کا اقرار کرکے اُنہیں چھوڑ دیتا ہَےاُس پر رحم کِیا جائےگا ۔ ¹⁴ ۔مُبارَک ہَے وہ اِنسان جو ہر وقت ڈرتا ہَے مگر جو اپنے دِل کو سخت کرتا ہَے۔ وہ مُصیبت میں پڑے گا۔ ¹⁵ ۔شریر آدمی جو مِسکین لوگوں کا حاکمِ ہو ۔وہ گرجتا ہؤا شیر اَور بھُوکا ریچھ ہَے۔ ¹⁶ ۔بے عقل سردار کثرت سے ظُلم کرتاہَے۔ پر جولالچ سے نفرت کرتا ہَے۔ وہ اپنے دِن بڑھائےگا۔ ¹⁷ ۔ جو آدمی خُون بہانے کا مُرتکب ہوتا ہَے ۔وہ قبر کی طرف بھاگتا ہَے اَور کوئی نہیں جو اُسے روکے ۔ ¹⁸ ۔راست رَو بچ جائےگا پر کَج رَو گڑھے میں گِر پڑے گا۔ ¹⁹ ۔ جو اپنی زمین کو کاشت کرتا ہَے وہ روٹی سے سیر ہوگا ۔مگر جو کاہِل آدمیوں کی پیروی کرتا ہَے وہ مفلسی سے بھرا رہے گا۔ ²⁰ ۔ قابِل اِعتبار شخص برکتوں سے معُمور ہوتا ہَے پر جو دولتمند ہونے کے لئے جلد بازی کرتا ہَے وہ بے سزا نہ رہے گا۔ ²¹ ۔طرفداری کرنا ہرگز اچھّا نہیں ایسا آدمی روٹی کے ٹکُڑے کے لئے گُناہ کرے گا۔ ²² ۔ کنُجوس آدمی دولت کا لالچ کرتا ہَے پروہ نہیں جانتا کہ غریبی اُس پر آجائے گی۔ ²³ ۔ جو کِسی اِنسان کی تربیت کرتا ہَے۔ وہ آخر کار زیادہ وقعت حاصِل کرے گا۔بہ نِسبت اُس کے جو اپنی زُبان سے خُوشامد کرتا ہَے۔ ²⁴ ۔جو اپنے باپ اَور اپنی ماں کولُوٹ لیتا ہَے۔ اَور کہتا ہَے۔ کہ اِس میں کُچھ گُناہ نہیں ۔وہ ہلاک کرنے والے اِنسان کا شریک ہے۔ ²⁵ ۔لالچی جھگڑا بَرپا کرتا ہَے۔ پر جوخُداوند پر توکُّل رکھتا ہَے۔ وہ اقبالمند کِیا جائے گا۔ ²⁶ ۔جو اپنے آپ پر بھروسہ رکھتا ہَے وہ احمق ہَے پر جو دانِش سے چلتا ہَے۔ وہ رِہائی پائے گا۔ ²⁷ ۔ جو مِسکین کو دیتا ہَے وہ مُحتاج نہ ہوگا پر جو اُس سے اپنی آنکھیں چھُپاتا ہَے۔اُس پر بہُت لعنتیں ہوں گی۔ ²⁸ ۔ جب شریر آدمی کھڑے ہوتے ہَیں تو لوگ چھُپ جاتے ہَیں۔اَور جب وہ ہلاک ہوں تو صادِق لوگ زیادہ ہو جاتے ہَیں۔