¹ ۔ جیسے گرمی کے موسم میں برف اِور فصل کاٹنے کے وقت بارش ہو۔ ایسا ہی جاہِل کے لئے عِزّت ہَے۔ ² ۔ جیسے چڑیا کا اِدھر اُدھر جانا اَور ابابِیل کا اُڑتے پھِرنا ہَے۔ویسے ہی بے سبب لعنت ہے وہ مُوثّر نہ ہوگی۔ ³ ۔ گھوڑے کے لئے چابُک اَور گدھے کے لئے لگام اَور احمقوں کی پیٹھ کے لئے چھڑی ہَے۔ ⁴ ۔ جاہِل کو اُس کی حماقت کے مطابق جَواب نہ دے ایسانہ ہو ۔کہ تُو بھی اُس کی مانند ہو جائے ۔ ⁵ ۔جاہِل کو اُس کی حماقت کے مُطابق جَواب دے ۔ایسا نہ ہوکہ وہ اپنی آنکھوں میں دانِشور ہو۔ ⁶ ۔وہ جو جاہل کے ہاتھ پیغام بھیجتا ہَے اپنے پاؤں کاٹتا اَور ظُلم کا جام پِیتا ہَے۔ ⁷ ۔جس طرح کہ لنگڑے کی ٹانگیں لڑ کھڑاتی ہَیں ۔اُسی طرح اَحمقوں کے مُنہ میں تمثیل ہَے۔ ⁸ ۔جو کوئی جاہِل کو عِزّت دیتا ہَے وہ اُس کی مانند ہَے جو موتیوں کی تھیلی کو پتھّروں میں پھینکے ۔ ⁹ ۔جیسے کہ شرابی کے ہاتھ میں خار دار ڈنڈا ویسے ہی تمِثیل جاہلوں کے مُنہ میں ہَے۔ ¹⁰ ۔ جو احمق اِور شرابی کو نوکر رکھتا ہَے وہ اُس تِیر انداز کی مانند ہَے۔ جو سب گُزرنے والوں کو زخمی کرتا ہَے ۔ ¹¹ ۔ جیسے کُتّا اپنی قَے کی طرف لوٹتا ہَے ایسے ہی جاہِل بار بار حماقت کرتا ہَے۔ ¹² ۔ تُو نے ایسے آدمی کو دیکھا۔ جو اپنی نِگاہ میں عقلمند ہَے ؟ اُس کی نسبت احمق کے لئے زیادہ اُمیّد ہَے ۔ ¹³ ۔ کاہِل مَرد کہتا ہَے کہ راہ میں شیر ہَے ۔کُوچوں میں شیرنی ہَے ۔ ¹⁴ ۔جس طرح دروازہ اپنی چُولوں پر اُسی طرح کاہِل مَرد اپنے بِستر پر کروٹ بدلتا ہَے۔ ¹⁵ ۔ کاہِل مَرد اپنا ہاتھ تھالی میں ڈالتا تو ہَے پر اُسے اپنے مُنہ تک لانا بھی اُسے مُصیبت ہِے۔ ¹⁶ ۔کاہِل مَرد اپنی نگاہ میں سات دلیل لانے والے اشخاص کی نِسبت زیادہ دانشمند ہَے ۔ ¹⁷ ۔ جو رستے چلتے ہوئے لڑائی جھگڑے میں دخل دے۔وہ گویا کُتّے کو کان سے پکڑتا ہے۔ ¹⁸ .جو پاگل کی طرح اَنگارے اَور مُہلک تیر پھینکے۔ ¹⁹ ۔ اُس کی مانند وہ شخص ہَے جو اپنے ہمسائے کو فریب دیتا اَور پھَر کہتا ہَے کہ مَیں نے تو ہنسی کی ۔ ²⁰ ۔ لکڑی کے نہ ڈالنے سے آگ بُجھ جاتی ہے اَور چُغل خور کے نہ ہونے سے جھگڑا تھم جاتا ہَے ۔ ²¹ ۔جیسے کہ انگاروں کے لئے پھُونکنی اَور آگ کے لئے لکڑی ویسے ہی فَتنہ انگیز آدمی جھگڑا بَرپا کرنے کے لئے ہَے۔ ²² چُغل خور کی باتیں میٹھے نوالوں کی طرح ہَیں ۔وہ پیٹ کے اندر تک نیچے اُتر جاتی ہَیں۔ ²³ ۔ اُلفتی لب اَور شریر دِل ٹھیکرا ہَے جس پر کھوٹی چاندی منڈھی ہو۔ ²⁴ ۔ بَدخواہ اپنے ہونٹوں سے مَکر کرتا ہَے مَگر اُس کے باطِن میں دَغا ہَے۔ ²⁵ ۔جب وہ نرمی سے بولے تو اُس کا اِعتبار نہ کر کیونکہ اُس کے دِل میں سات گُناہ مکُروہیّت ہے۔ ²⁶ ۔ جو اپنی نفرت کو مَکر سے چھُپاتا ہَے ۔ اُس کی مکاری جماعت کے آگے ظاہر کی جائے گی۔ ²⁷ ۔ جو گڑھا کھودتا ہَے وہ آپ ہی اُس میں گِرے گا ۔اَور جو پتھّر ڈھلکاتا ہَے۔وہ پلٹ کر اُسی پر پڑے گا ۔ ²⁸ ۔جھُوٹی زُبان مظلُوموں سے نفرت کرتی ہَے اَور خُوشامدی مُنہ بربادی لاتا ہَے۔