¹ ۔ باقی امثال ِ سلیمان یہ اَمثال بھی سُلیمؔان کی ہَیں۔ اِنہیں حزقیاہ شاہِ یہوداہ کے کاتبوں نے قلم بند کیا۔ ² ۔ راز چھُپانا خُدا کا جلال ہے ۔ پر بات کی تحقیق کرنا بادشاہوں کا جلال ہَے۔ ³ ۔ آسمان کی بُلندی اَور زمین کی پستی اَور بادشاہوں کے دِل کی انتہا نہیں ملتی۔ ⁴ ۔چاندی کی مَیل کو دُور کر تو سُنار کے لئے برتن نِکل آئے گا۔ ⁵ ۔شریروں کو بادشاہ کے سامنے سے دُور کر ۔تو اُس کا تخت عدل سے قائم رہے گا۔ ⁶ ۔بادشاہ کے سامنے فخر نہ کر۔ اَور بڑے آدمیوں کی جگہ مت کھڑا ہو۔ ⁷ کیونکہ اگر تُجھ سے کہا جائے۔کہ یہاں اُوپر آ ۔تو یہ اِس سے بہتر ہَے کہ تو کِسی امیر کے حضُور پست کیا جائے۔ جسے تیری آنکھوں نے دیکھا ہَے۔ ⁸ ۔اُس کے بارے میں جھگڑا کرنے کے لئے جلد بازی نہ کر نہیں تو آخِر کار تُو کیا کرے گا جب کہ تیرا ہمسایہ تُجھے ذلیل کرے ۔ ⁹ ۔اپنے دعویٰ کے لئے اپنے ہمسائے سے جھگڑپر دُوسرے کا راز فاش نہ کر ۔ ¹⁰ ۔ایسا نہ ہوکہ سُننے والا تُجھے ملامت کرے اَور تیری رُسوائی دُور نہ ہو۔ ¹¹ ۔ جو کلام اپنےوقت میں کہا جائے وہ چاندی کی رکابی میں سونے کا سیب ہَے۔ ¹² ۔ یاد رکھنے والے کے کان کے لئے دانا جھِڑکی دینے والا سونے کی بالی اَور کُندن کا زیور ہَے۔ ¹³ ۔ وفادار ایلچی اپنے بھیجنے کے لئے فصل کی گرمی میں برف کی سردی کی مانند ہَے ۔کیونکہ وہ اپنے آقا کی جان کو تازہ دم کرتا ہَے۔ ¹⁴ ۔ جو جھوٹی لیاقت پر فخر کرتا ہَے وہ بے بارِش بادِل اَور ہَوا کی مانند ہَے۔ ¹⁵ ۔ صبر کرنے سے حاکمِ مہربان ہوجاتا ہَے اَور نرم زبان ہَڈی کو توڑ تی ہَے۔ ¹⁶ ۔جب تُو نے شہد پایا تو اِتنا کھا جِتنا تیرے لئے کافی ہَے۔ ایسا نہ ہو ۔کہ تُو اُس سے بھر جائے اَور قَے کرے۔ ¹⁷ ۔اپنے ہمسائے کے گھر میں تیرے قدم بہُت دفعہ نہ جائیں ایسا نہ ہوکہ وہ تُجھ سے دِق ہو جائے اَور تُجھ سے نفرت کرے۔ ¹⁸ ۔ جو آدمی اپنے ہمسائے پر جھُوٹی گُواہی دیتا ہَے۔ وہ ہتھوڑے اَور تلوار اَور تیز تیرکی مانند ہَے ۔ ¹⁹ ۔ مُصیبت کے دِن بے وفا آدمی پر اِعتبار کرنا ٹوٹے ہُوئے دانت اَور پھسلے ہُوئے پاؤں کی طرح ہَے۔ ²⁰ ۔ غمگین دِل کے سامنے گیت گانا شورے پر سِر کہ ڈالنے کی مانند ہَے۔ ²¹ ۔ اگر تیرا دُشمن بھُوکا ہو تو اُسے روٹی کھِلا ا۔اَور اگر پیاساہو تو اُسے پانی پلا۔ ²² ۔کیونکہ تُو اُس کے سر پر آگ کے اَنگاروں کا ڈھیر لگائے گا اَور خُداوند تُجھے اجر دے گا۔ ²³ ۔ شِمالی ہَوا بارِش کو لاتی ہَے۔ اَور چُغل خور کی زُبان چہرے کی ناراضگی کو۔ ²⁴ ۔گھر کی چھت کے کونے پر رہنا جھگڑا لُو عورت کے ساتھ ایک ہی گھر میں رہنے سے بہتر ہَے۔ ²⁵ ۔ جیسا کہ پیاسے کے لئے ٹھنڈا پانی ہَے ویسی ہی وہ نیک خبر ہَے جو دُور مُلک سے آئے ۔ ²⁶ ۔ صادِق آدمی کا شریر کے آگے بےقرار ہونا ایسا ہَے جیسا کہ پانی کا وہ چشمہ جو گدَلا ہوگیا ۔ یا وہ سوتا جو بگڑگیا ہو۔ ²⁷ ۔ کثرت سے شہد کھانا اچھّا نہیں۔اَور عزت کی تلاش کرنا نازیبا ہَے ۔ ²⁸ ۔ جو اِنسان اپنی رُوح کو قابو میں نہیں رکھتا وہ شِکستہ اَور بے فصیل شِہر کی مانند ہَے۔