¹ ۔ نیک نام بڑے خزانے سےافضل اَور احسان سونے اَور چاندی سے بہتر ہَے۔ ² ۔دولتمند اَور مِسکین باہم ملتے ہَیں ۔ خُداوند نے اُن دونوں کو بنایا ۔ ³ ۔ صاحبِ عقل بَدی کو دیکھ کر چھُپ جاتا ہَے پر ناتجربہ کار آگے چل کر سزا پاتے َہیں۔ ⁴ ۔ فروتنی اَور خُداوند کے خوف کا اَجر دولت ۔عِزّت اَور زِندگی ہَے ۔ ⁵ ۔ کَج رَو کی راہ میں کانٹے اَور پھندے ہَیں ۔پر جو اپنی زِندگی کی حِفاظت کرتا ہَے وہ اُن سے دُور رہتا ہے ۔ ⁶ ۔ لڑکے کی اُس راہ کے مُوافق تربیت کر تو جب وہ بوڑھا ہوگا اُس سے نہ مُڑے گا۔ ⁷ ۔دولتمند آدمی کنگالوں پر حُکومت کرتا ہَے اَور قرضدار قرض دینے والے کا غُلام ہَے ۔ ⁸ ۔ظُلم بونے والا مُصیبت کاٹے گا۔اَور اُس کی محِنت کا پھَل فنا ہو جائے گا۔ ⁹ ۔جس کی آنکھ نیک ہَے وہ برکت پائے گا کیونکہ وہ اپنی روٹی میں سے کنگال کو دیتا ہَے ۔ ¹⁰ ۔ٹھٹھّے باز کو نِکال دے تو جھگڑا جاتا رہے گا۔ اَور لڑائی و فساد تھم جائے گا۔ ¹¹ ۔ خُداوند دِل کی پاکیزگی کو پیار کرتا ہَے۔لبوں کی لطافت بادشاہ کو پسند ہے ۔ ¹² ۔ خُداوند کی آنکھیں عِلم کی نِگہبانی کرتی ہَیں اَور وہ فریبی آدمی کی بات اُلٹ دیتا ہَے ۔ ¹³ ۔سُست آدمی کہتا ہَے۔کہ باہر شیر کھڑا ہَے اَور مَیں کُوچوں میں مارا جاؤں گا ۔ ¹⁴ ۔ بیگانہ عورت کا مُنہ گہرا گڑھا ہَے ۔اُس میں وہی گرتا ہَے جس پر خُداوند کا غضب ہَے ۔ ¹⁵ ۔ حماقت بچّے کے دِل سے وابستہ ہَے لیکن نصیحت کی چھُڑی اُسے نِکال دے گی۔ ¹⁶ ۔جو مِسکین پر ظُلم کرتا ہَے وہ اُسے فائدہ پہُنچاتا ہَے پر جو دولتمند کو دیتا ہَے وہ مُفلِسی کا باعث ہَے ۔ ¹⁷ ۔ دانِشمندوں کی باتیں اپنا کان مائِل کر اَور دانِشمندوں کی باتیں سُن ۔اَور میرے عِلم کی طرف اپنا دِل لگا ۔ ¹⁸ ۔ کیونکہ اگرتُو اُسے اپنے باطِن میں رکھّے اَور اپنے لبوں پر رواں رکھّے تو یہ لذید ہوگا ۔ ¹⁹ ۔تاکہ تیرا تو کّل خُداوند پر ہو اِس لئے مَیں آج اُس کی راہیں تُجھے جَتا دیتا ہُوں ۔ ²⁰ ۔ دیکھ ۔مَیں نے تیرے لئے مشورت اَور عِلم کی تیس باتیں لکھیں ۔ ²¹ ۔ کہ سچائی اَور قابل اعتبار باتیں تُجھے جَتاؤں تاکہ تُو اپنے پُوچھنے والوں کو اچھّا جُواب دے سکے گا۔ ²² ۔ مِسکین کو اُس کے مِسکین ہونے کے سبب سے مت لُوٹ۔ اَور مُحتاج کو دروازے میں پامال نہ کر۔ ²³ ۔ کیونکہ اُن کے مُقدّمے کے لئے خُداوند جھگڑے گا اَور اُن کےلُوٹنے والوں کی جان لُوٹ لےگا ۔ ²⁴ ۔ غُصّہ ور آدمی کے ساتھ دوستی نہ کر اَور غضبناک اِنسان کے ساتھ مت چل ۔ ²⁵ ۔ تاکہ تو اُس کی رَوشیں نہ سیکھے اَور اپنی جان کےلئے پھندا نہ بنائے۔ ²⁶ ۔ تُو اُن میں سے نہ ہو جو ہاتھ پر ہاتھ مارتے ہَیں اَور قر ضداروں کی ضمانت دیتے ہَیں ۔ ²⁷ ۔ اگر تیرے پاس ادا کرنے کوکُچھ نہیں تو تیرا بِستر نیچے سے چھینا جائے گا۔ ²⁸ ۔ جو قدیم حدیں تیرے باپ دادا نے رکھیں تَو اُنہیں مت سرکا۔ ²⁹ ۔ کیا تُو نے ایسا اِنسان دیکھا جو اپنے کام میں ماہر ہَے؟ وہ بادشاہوں کے سامنے کھڑا ہوگا وہ عام آدمیوں کے سامنے کھڑانہ ہوگا ۔