¹ ۔ مسخرہ اور شراب ہنگامہ کرنے والی ہے جو ان سے فریب کھاتا ہَے وہ دانِش مند نہیں۔ ² ۔ بادشاہ کی ہیبت شیر کی گرج کی مانند ہَے جو اُسے غُصّہ دِلاتا ہَے وہ اپنی جان سے بَدی کرتا ہَے ۔ ³ ۔اِنسان کی عَزّت اُس میں ہَے کہ وہ جھگڑے سے دوُر رہے مگر ہر احمق جھگڑتا ہَے۔ ⁴ ۔ کاہل مَرد خزاں میں ہَل چلانا نہیں چاہتا۔ تب فصل کے وقت ڈُھونڈے گا پر کُچھ نہ پائے گا۔ ⁵ ۔ مشورت اِنسان کے دِل میں گہرا پانی ہَے مگر صاحبِ فہم اُسے نِکال لیتا ہَے۔ ⁶ ۔ آدمیوں میں سے بہُتیرے اپنی شفقت مشہُور کرتے ہَیں مگر وفادار اِنسان کو کون پائے گا۔ ⁷ ۔ صادِق آدمی جو اپنی بے گُناہی میں چلتا َہَے ۔اُس کے بعد اُس کے بیٹے مُبارَک ہوں گے ۔ ⁸ ۔بادشاہ جو عدالت کے تخت پر بیٹھتا ہَےوہ خود دیکھ کرتمام بَدی کو پھٹکتا ہَے ۔ ⁹ ۔ کون کہہ سکتا ہَے کہ مَیں نےاپنے دِل کو صاف رکھّا مُیں گُناہ سے پاک ہُوں ؟ ¹⁰ ۔ دو طرح کےپیمانے اَور دو طرح کے باٹ خُداوند کے نزدِیک نفرت انگیز ہیں ۔ ¹¹ ۔ بچّہ بھی اپنے اَعمال سے جانا جاتا ہَے کہ آیا اُس کا کام پاک اَور راست ہوگا یا نہیں۔ ¹² ۔ کان سُنتا ہَے اور آنکھ دیکھتی ہَے ۔خُداوند نے دونوں کو بنایا ۔ ¹³ ۔ نِیند کو پیار نہ کر تاکہ تُو کنگال نہ ہو جائے ۔اپنی آنکھیں کھول تو تُو روٹی سے سیر ہوگا۔ ¹⁴ ۔ خریدار کہتاہَے کہ یہ ردّی ہَے ردّی ۔پر اپنی راہ پر جاتے وقت اُس پر فخر کرتا ہَے۔ ¹⁵ ۔ سونا اَور قیمتی پتھّر کثرت سے ہَیں۔ مگر عِلم کے ہونٹ بیش قیمت جوہر ہَیں ۔ ¹⁶ ۔ جو بیگانے کا ضامِن ہو اُس کے کپڑے چھین لے اَور جو اجنبی کا ضامِن ہو اُس سے کُچھ گِرو رکھّ لے۔ ¹⁷ ۔فریب کی روٹی آدمی کو مزید ار لگتی ہَے ۔مگربعدازاں اُس کا مُنہ کنکروں سے بھر جائے گا ۔ ¹⁸ ۔مشورت سے منصوبے قائم رہتے ہَیں۔ پس نیک صلاح لے کر جنگ کر۔ ¹⁹ ۔ چغلی کرنے والا بھید ظاہر کرتا ہَے ۔اس لئے تُو بکواسی سے صُحبت نہ رکھ۔ ²⁰ ۔ جو کوئی اپنے باپ یا اپنی ماں پر لعنت کرتا ہَے اُس کا چراغ اندھیرے کے درمیان بجھایا جائے گا۔ ²¹ ۔ جو مِیرَاث جلدی سے پائی جاتی ہَے۔اُس کا اَنجام مُبارَک نہ ہوگا۔ ²² ۔ تُو مت کہہ کہ مَیں بَدی کا بدلہ لُوں گا بلکہ خُداوند کا اِنتظار کر تو وہ تُجھے رِہائی دے گا۔ ²³ ۔ دو طرح کے باٹ خُداوند کے نزدِیک نفرت انگیز ہَیں اَور جھُوٹا ترازُو اچھّا نہیں ۔ ²⁴ ۔ آدمی کے قدموں کی ہدایت خُداوند کی طرف سے ہَے۔ پس اِنسان اپنی راہ کو کِس طرح سمجھ سکتا ہَے ؟ ²⁵ ۔ جلد بازی سے کِسی چیز کو مُخصوص ٹھہرانا اَور مَنّت ماننے کے بعد غور کرنا آدمی کے لئےپھندا ہَے۔ ²⁶ ۔ دانِش مند بادشاہ شریروں کو پھٹکتا ہَے اَور اُن پر گاہنے کے پَہّیے پھر واتا ہے ۔ ²⁷ ۔آدمی کا ضمیر خُداوند کا چراغ ہَے جو باطِن کی سب پوشیدہ چیزوں کا حال معلُوم کرتا ہَے ۔ ²⁸ ۔شفقت اَور سچائی بادشاہ کی حِفاظت کرتی ہَیں اَور شفقت ہی سے اُس کا تخت قائم رہتا ہَے ۔ ²⁹ ۔ نَوجوانوں کا فخر اُن کی قُوّت ہَے ۔بزُرگوں کی زِینت اُن کے سفید بال ہَیں ۔ ³⁰ ۔ کوڑوں کے زخم بَدی سے پاک کرتے ہَیں ۔اَور کوڑے باطِن کو صاف کرتے ہَیں