¹ ۔ اُس امیر کی نِسبت جو لبوں میں کَج رَو ہَے وہ غریب بہتر ہَے جو بے گناہی سے چلتا ہَے ۔ ² ۔ اَور خواہش بغیر عِلم کے فائدہ مند نہیں۔ جو چلنے میں جلد بازی کرتا ہَے وہ بھٹک جاتا ہَے۔ ³ ۔ اِنسان کی حماقت اُس کی راہ کو بگاڑتی ہَے اَور اُس کا دِل خُداوند سے بے زار ہوتا ہَے۔ ⁴ ۔دولت دوستوں کو زیادہ کرتی ہَے اَور غریب سے اُس کا دوست الگ ہوجاتا ہَے ۔ ⁵ ۔جھُوٹا گواہ بے سزا نہ رہے گا۔ اَور جھوٹی باتیں کہنے والا نہ بچے گا۔ ⁶ ۔ بہُت لوگ طاقتور آدمی کی حمایت چاہتے ہَیں اَور تحفہ دینے والے کا ہر ایک دوست ہَے ۔ ⁷ ۔ کنگال کے سب بھائی اُس سے نفرت کرتے ہَیں ۔تو کتنا زیادہ اُس کے دوست اُس سے دور ر بھاگیں گے۔ زیادہ شرارت کرنے والا شرارت کا ماہر بنتا ہے جو باتوں کا پیچھا کرتا ہَے۔ وہ بچے گا نہیں۔ ⁸ ۔جو حِکمِت حاصِل کرتا ہَےوہ اپنے آپ کو پیار کرتا ہَے۔اَور جو فہم کی حِفاظت کرتاہَے وہ بھلائی پائے گا۔ ⁹ ۔جھُوٹا گواہ بے سزا نہ رہے گا ۔اَور جُھوٹی باتیں بولنے والا ہلاک ہوگا۔ ¹⁰ ۔ آسائش احمق کے لیے مُناسِب نہیں اَور نہ نوکر کےلئے شہزادوں پر حُکومت کرنا ۔ ¹¹ ۔ برداشت کرنا اِنسان کے لیے عقل کی بات ہَے۔اَور خطا سے درگُزر کرنا اُس کا فخر ہَے۔ ¹² ۔ بادشاہ کا غُصّہ شیر کی گرج کی مانند ہَے اَور اُس کی خُوشنُودی ایسی ہَے جیسے گھاس پر اَوس ہو ۔ ¹³ ۔ احمق بیٹا اپنے باپ کے لیے مُصیبت ہَے اور جھگڑا لو بیوی پانی کے ٹپکنے کی مانند ہَے۔ ¹⁴ ۔ گھر اَور مال باپ دادا کی طرف سے میَراث ہَیں مگر عقلمند بیوی خُداوند کی طر ف سے ہَے۔ ¹⁵ ۔ سُستی گہری نیند لاتی ہَے۔اَور کاہِل آدمی بھُوکا رہے گا۔ ¹⁶ ۔ حُکموں کا ماننے والا اپنے آپ کو بچائے رکھتا ہَے اَور جو اپنی راہوں میں سستی کرنے والا مَرجائے گا۔ ¹⁷ ۔جو کوئی مِسکین پر رحم کرتا ہَے وہ خُداوند کو قرض دیتا ہَے اَور وہ اُس کے نیک کام کا اُسے اَجر دے گا۔ ¹⁸ ۔اپنے بیٹے کی تربیت کر کیونکہ اِس میں اُمیّد ہے پر اُس کے قتل پر اپنا دِل نہ لگا۔ ¹⁹ ۔ظالم اِنسان سزا پائے گا کیونکہ اگر تُواُسے رہائی دے گا توتُجھے بار بار ایسا ہی کرنا پڑے گا۔ ²⁰ ۔نصیحت کو سُن اَور اصلاح قبُول کر ۔تاکہ تُو انجام کار دانِش مند ہو جائے۔ ²¹ ۔ اِنسان کے دِل میں بہت خیالات ہوتے ہَیں۔ لیکن خُداوند کی مشورت ہی قائم رہے گی۔ ²² ۔اِنسان کی شفقت اُس کی زِینت ہَے اَور کنگال فریبی سے بہتر ہَے۔ ²³ ۔ خُداوند کا خوف زِندگی بخش ہَے ۔خُدا ترس اِطمینان سے آرام کرے گااَور مُصیبت میں مُبتلا نہ ہوگا۔ ²⁴ ۔ کاہِل مَرد اپنا ہاتھ رکابی میں ڈالتا تو ہَے پر اپنے مُنہ تک اُسے نہیں لاتا ۔ ²⁵ ۔ ٹھٹھّا کرنے والے کو مار تو ناتجربہ کار ہوشیار ہوجائے گا اَور صاحبِ فہم کو تنبیہہ کر تو وہ عِلم حاصل کرے گا۔ ²⁶ ۔ جو اپنے باپ کو دُکھ دیتا ہَے اور ماں کو ہانک دیتا ہَے وہ شرمندگی اَور رسوائی کا کام کرتا ہَے ۔ ²⁷ ۔اَے میرے بیٹے! اصلاح کے سُننے سے رُکارہ جب یہ فِقظ تُجھے عِلم کی باتوں سے بہکاتی ہَے۔ ²⁸ ۔ ناراست گواہ اِنصاف پر ٹھٹھّا کرتا ہَے اَور شریروں کا مُنہ بَدی کو نگلتا ہَے۔ ²⁹ ۔ ٹھٹھّا کرنے والوں کےلئے سزائیں تیار کی جاتی ہَیں اَور جاہِلوں کی پیٹھ کے لیے کوڑے ہَیں۔