¹ ۔ دانا عورت اپنا گھر بناتی ہَے پر جاہِل اپنے ہاتھوں سےاُسے ڈھا دیتی ہَے۔ ² ۔راستی سے چلنے والا خُداوند سے ڈرتا ہَے مگر جس کی راہیں ٹیڑھی ہَیں وہ اُس کی حقارت کر تا ہَے۔ ³ ۔جاہِل کے مُنہ سے غُرور پھُوٹ نِکلتا ہَے پر دانِش مندوں کے لب اُن کی حِفاظت کرتے ہَیں۔ ⁴ ۔جہاں بَیل نہ ہوں وہاں غلّہ نہیں ہوتا مگر بَیل کے زور سے غلّے کی کثرت ہَے۔ ⁵ ۔امانتدار گُواہ جھُوٹ نہیں بولتا مگر جھُوٹا گواہ جھُوٹ کا سانس لیتا ہَے۔ ⁶ ۔ ٹھٹھّے باز حِکمَت کی تلاش کرتا ہَے اَور اُسے نہیں پایا مگر عقلمند کے لئے عِلم آسان ہَے۔ ⁷ ۔ جاہِل اِنسان سے کَنارہ کرجا۔ کیونکہ تُو اُس میں عِلم کی باتیں نہ پائے گا۔ ⁸ ۔صاحبِ عقل کی دانِش یہ ہَے کہ اپنی راہ کو سمجھے مگر احمقوں کی نادانی اُن کا دھوکہ ہَے۔ ⁹ اُحمق گُناہ کو ہنسی خیال کرتے ہَیں مگر مقبُو لیِّت صادِقوں کے درمیان ہَے۔ ¹⁰ ۔ دِل اپنی تلخی کو جانتا ہَے اَور اجنبی اُس کی خُوشی میں دخل نہیں دیتا ۔ ¹¹ ۔ شریروں کا گھر برباد کِیا جائے گا مگر صادِقوں کا خیمہ نُمودار رہے گا۔ ¹² ۔ ایسی راہ بھی ہَے جو اِنسان کی نظر میں سیدھی ہَے مگر اُس کا اَنجام مَوت ہَے۔ ¹³ ۔ ہنسنے میں بھی دِل دُکھی ہوتا ہَے اَور خُوشی کا اَنجام غم ہَے۔ ¹⁴ ۔ جس کا دِل برگشتہ ہُؤا وہ تو اپنی راہوں سے سیر ہوگا مگر نیک آدمی اپنے اَعمال سے ۔ ¹⁵ ۔ ناسمجھ ہر ایک بات کا یقین کرتا ہَے مگر صاحبِ عقل اپنی رَوش پر غور کرتا ہَے۔ ¹⁶ ۔ دانِشمند مَرد ڈرتا اور بَدی سے کَنارہ کرتا ہَے۔ جاہِل شیخی میں رہتا اَور بے باک ہوتا ۔ہَے۔ ¹⁷ ۔کم عقل آدمی حماقت سے کام کرتا ہَے پر صاحبِ عقل صابِر ہَے ۔ ¹⁸ ۔ ناتجربہ کار شخص حماقت کی مِیراث پاتا ہَے پر صاحبِ عقل کو عِلم کا تاج مِلتا ہَے۔ ¹⁹ ۔بُرے لوگ نیکوں کے سامنے اَور شریر صادق کے دروازوں کے سامنے جھُکیں گے۔ ²⁰ ۔ کنگال سے اُس کا ہمسایہ بھی نفرت کرتا ہَے ۔مگر دولتمند کے دوست بہُت ہوتے ہَیں ۔ ²¹ ۔جو اپنے ہمسائے کی حقارت کرتا ہَے وہ خطا کرتا ہَے جو غریبوں پر رحم کرتا ہَے وہ مُبارَک ہے۔ ²² ۔جو بَدی کا منصُوبہ باندھتے ہَیں وہ گُمراہ ہوتے ہَیں مگر شفقت اَور سچائی اُن کے لیے ہَے جو خیر اندیش ہیں۔ ²³ ۔ہر طرح کی محنِت سے نفع ہوتا ہَے مگرصرف باتیں کرنے سے مُحتاجی کے علاوہ کُچھ نہیں۔ ²⁴ ۔ دانِشمندوں کا تاج حِکمَت ہَے پر جاہلوں کی حماقت ہی حماقت ہَے۔ ²⁵ ۔ سّچا گواہ جانوں کو رِہائی دیتا ہَے پر جھُوٹ کا دَم بھرنے والا فریبی ہَے۔ ²⁶ ۔ خُداوند کے خوف میں طاقتور کا بھروسا ہَے اَور اُس کے فرزندوں کے لئے پناہ گاہ ہوگا۔ ²⁷ ۔خُداوند کا خوف زِندگی کا چشمہ ہَے جو مَوت کے پھندوں سے بچاتا ہَے۔ ²⁸ ۔ رعایا کی کثرت میں بادشاہ کا فخر ہَے اَور لوگوں کی کمی میں حاکم کی تباہی ہَے۔ ²⁹ ۔ صابر اِنسان نہایت عقلمند ہَے کم صبر والاشخص بڑی نادانی ظاہر کرتا ہَے۔ ³⁰ ۔دِل کا اطمینان جِسم کی زِندگی ہَے مگر حسد ہَڈّیوں کی بوسیدگی ہَے۔ ³¹ ۔ جو غریب پر ظلُم کرتا ہَے وہ اپنے خالِق کو ملامت کرتا ہَے۔ پر جو مِسکین پر مہربان ہَے وہ اُس کی تمجید کرتا ہَے۔ ³² ۔ شریر اپنی بَدی سے دھکیلا جاتا ہَے پر صادِق اپنی بے گُناہی میں پناہ پاتا ہَے۔ ³³ ۔ صاحبِ فہم کے دِل میں دانِش ٹھہری رہتی ہَے پر احمقوں کا دلی راز فاش ہو جاتا ہَے ۔ ³⁴ ۔ صداقت اُمّت کو سرفراز کرتی ہَے اَور گُناہ قوموں کی رُسوائی ہَے۔ ³⁵ ۔عقلمند خادِم پر بادشاہ کی خُوشنُودی ہَے پر فضیحت کرنے والوں پر اُس کا قہر ہَے۔