¹ ۔ داِنشوربیٹا نصیحت کو پیار کرتا ہَے۔ ٹھٹھاباز سر زَنش کو نہیں مانتا ۔ ² ۔ نیکو کار صداقت کا پھَل کھاتا ہَے پر خطاکاروں کی خواہش ظُلم ہَے۔ ³ ۔ جو اپنے مُنہ کی نگہبانی کرتا وہ اپنی جان کی حفاظت کرتا ہَےجو اپنے لب فراخ کھولتا ہَے وہ ہلاکت کو پہنچے گا۔ ⁴ ۔ سُست آدمی کا دِل خواہش کرتا ہَے اَور کُچھ نہیں پاتا مگر محِنتی کی جان سیر ہو جائے گی۔ ⁵ ۔ صادِق آدمی جھوٹی بات سےنفرت کرتا ہَے مگر شریر نفرت اَور شرم کا کام کرتا ہَے۔ ⁶ ۔ صداقت ۔راست باز آدمی کی حِفاظت کرتی ہَے۔ مگر شرارت گُنہگار کو گِرا دیتی ہَے۔ ⁷ ۔ کوئی گویا دولتمند ہَے جب کہ اُس کے پاس کُچھ نہیں ۔اَور کوئی گویا غریب ہَے جب کہ اُس کے پاس بڑی دولت ہَے۔ ⁸ ۔آدمی کی جان کا فدیہ اُس کی دولت ہَے پر کنگال دھمکی کو نہیں سُنتا۔ ⁹ ۔ صادِقوں کا دیَا روشن ہَے پر شریروں کا چراغ بُجھ جاتا ہَے۔ ¹⁰ ۔ جھگڑا مغرُوری سے نِکلتا ہَے مگر دانائی مشورت پسند کرنے والوں کے ساتھ ہَے ۔ ¹¹ ۔ ظلُم کا مال گھٹ جائے گا مگر جو محِنت سے جمع کرتا ہَے ۔اُس کی دولت بڑھتی جائے گی۔ ¹² ۔ اُمیّد مُلتوی ہونے سے دل بیمار ہوتا ہَے۔ مگر خواہش کا حاصِل ہونا شجرِ حیات ہَے۔ ¹³ ۔ جو حُکم کی تحقیر کرتا ہَے وہ ہلاک ہوگا پر جو فرمان کا خوف رکھتا ہَے وہ اِجر پائے گا۔ ¹⁴ ۔دانشمند کی تعلیم زِندگی کا چشمہ ہے تاکہ وہ مَوت کے پھندوں سے بچا رہے ۔ ¹⁵ ۔ فہم کی دُرستی قبُولیّت بخشتی ہَے مگر رَیاکاروں کی راہ میں کٹھن ہَے۔ ¹⁶ ۔ صاحبِ عقل سب کُچھ مشورے سے کرتا ہَے مگر جاہِل اپنی حمایت پھیلا تاہَے۔ ¹⁷ ۔ شریر قاصِد آفت کا باعِث ہَے پر امانتدار ایلچی صحت بخش ہَے۔ ¹⁸ ۔ جو تربیت کا لحاظ نہیں کرتا اُس کے لئے مُفِلسی اَور رُسوائی ہوتی ہَے۔ مگر جو نصیحت کو مانتا ہَے وہ عِزّت پائے گا۔ ¹⁹ ۔ خواہش کا پُورا ہونا جان کے لئے شِیریں ہَے پر شرارت سے پرہیز کرنا جاہلوں کے نزدِیک مکرُوہ ہَے ۔ ²⁰ ۔ دانِشمندوں کے ساتھ چلنے والا دانِشمند ہوجائے گا مگر جاہلوں کا ہم نِشین شریر بنے گا۔ ²¹ ۔ شرارت خطاکاروں کا پیچھا کرتی ہَے۔ پر صادِقوں کو اَجر مِلے گا۔ ²² ۔ نیک آدمی اپنے پوتوں کے لیے مِیرَاث چھوڑتا ہَے پر خطاکار کی دولت صادِق کے لئے پڑی رہتی ہَے۔ ²³ صادِق بڑی مُدّت تک خُوشحال رہیں گے جب کہ بَدکردار جلد فنا ہو جائیں گے۔ ²⁴ ۔جو اپنی چھڑی کو روکتا ہَے وہ اپنے بیٹے سے نفرت کرتا ہَے۔مگر جو اُسے پیار کرتا ہَے وہ وقت پر اُس کی تادِیت کرتا ہَے۔ ²⁵ ۔صادِق کھاتا ہَے تو سیر ہوتا ہَے مگر شریر کا پیٹ کبھی نہیں بھرتا ۔