¹ Kirisa le piɛn o yara nama na, naa ce a da a tasi la biten na, o cere wuri canna, na yilena le pɛn yara nama won, na lura magɔsɔ san. ² Naa ce fo bisaso, apa ba a diɲɛ won jina la da lege na ma won ba, naa apa da na vamara bɛlɛ yile maa na. ³ Apa da were len vamara bɛlɛ ɲi na bɛlɛ yile ma won cɔn na, n vari kɛkɛliyɛ won na ni ma gɔsɔlege, na ni simɛ ɲuan nɛkɔrɔ na n ji jiri yii na ni ɲuan nɛ kɔrɔ na ni mɛlɛ pɛ ma gɔgɔ yalaɲa gulɔ. ⁴ Naya n de kaba ni wo epa ta nin sɛn ana yan ma ana kɛkɛliyɛ ma nɛ kɔrɔ la tan se ba. Naa ɲɛni apa yile ya. ⁵ Naa le se ko varɔ o cire ciri sayɔya na ni cɔ yala bɛn, o je na ɲe cirɛ ana na. ⁶ Naa ce jɔn ɲɔmɔ la mu ɲama la cɔ yala na, ciri cirɛ naya lema bɛn dama zolon bio, na na yen diɲɛ won, na yilena dari dapɔn, a na kunmara yala na sayɔya vampara jɛn ya. ⁷ Yii lakala zɔara were da kuisi. Apa zɛn a haciri a tamu vamara zira won. ⁸ O kɔrɔ yii lakala bɛn, apa ma ɲɔma dana fo kɔrɔnɛ na yilena ma ɲɔma la piri ma gɔsɔ jaani ɲi. ⁹ Apa cuse da ni ka ɲe tan yan jɔn ɲama ba. ¹⁰ Apa lakala ten ten lema na a pɛ yii, a vara da ma ni naa na, o da ni vamara ma canna na tele yii jaani ziɔn ci cana na. ¹¹ Le ni ɲimi jɔn ɲɔmɔ la, na dɔ dama vamara jɔn ɲama ca. Le de wali, na dɔ o mɔni ni vamara pan ni ɲɔna o na, yele lenbe ce vamara bɛn ma lakala na yezu kirisa pan won lenbe ni pan ciri ya ko o wa ɲini foo le zoere ba le zoere ba Amina! ¹² Mɛ ɲi bio lema ma ɲɔ mɛ na, ɲi tan kɔrɔgɔ le yen apa sɛrɛ won. Dama apa ni cirɛ pisan tan, a ba da kaba na san ma, dama kaba yii na apa, ¹³ naa apa bɛlɛ ɲɔmɔ na yilena apa na a tele yii kirisa pɛnmɛ na won yele ni o wa lenbe ni bɔrɔ se len wura apa bɛlɛ ɲɔmɔ o ɲɔɲani o kɔrɔnɛ. ¹⁴ Na cusa apa kirisa yila yilena, apa ke juba bi ya, na yilena lenbe kumara le ke vamara kunmara na a jinɔ yen apa bɛn. ¹⁵ Apa pɔyi ba pɛn ni apa ke la gua ca ba, wala ɲɔnru, wala ma gɔsɔ dari ci na wala len ceru ɲe boru ma won. ¹⁶ Na yilena ni lo dari ni pɛnri n ja mɔna lanaya ci ya na ba da ci na na ba, naa o ce co vamara bɛn ni na yile la na. ¹⁷ Kiri cira were la ye vamara lala san. Haya la, ni apa ni n da fala a cirɛ kiri, vamara jɔn ɲɔmɔ nuga bɛlɛ cala ji da ɲɛ? ¹⁸ Dama kitabu ni ɲinu ni wo: Ni lo cɛnsɔ kirisini kɔrɔ, la lema soere vamara cilen ba na ni ma gɔsɔ dari cala naya ji da ɲɛ? ¹⁹ Na yilena, lema ni pɛnri o mɔni vamara bɛlɛ yilena, naya da a kumara la karifɔ e dani ci vamara kole ten ci san. O tamu ma cana dari won.