¹ Kan la a sian a bara yala tan, yele ana dariya yen siɛn mɔn vamara jɔn kole ba, naya sian a da lanaya apa veri ba la yilena ni ka jɔn ma, ² Naa ce apa veri ba cana na ni co ceri na, ana sumu naa na. ³ Apa verimi ba da dama la bɛn veri na da, ɲimi ni ɲɔ suan wala sanu se veveri ni wurɔ cin cana dura na. ⁴ Naa apa se veveri da powon se veveri na da so na, na bɛlɛ zura sabali la na, na ke se veremi yii le ɲɛnaba, o yiri zɔnvamara sa tan fo kɔrɔnɛ. ⁵ Fɔn fɔn kan cin canna lema da a jigi la vamara bɛn, nariya n vɔnra a sa bɛn. Ana ka siɔn ana bara yala na. ⁶ Dama Saran mɔn Ibrahima kole ɲa le ɲɔ o komu na ni ci. Apa ko bio kaan, ni apa n de ma cana ma yɔrɔ apa haciri ba gɔgɔ ba a sua pɔyi cilen. ⁷ Na yɔrɔ mu, bala, apa mɔn a kan la ni haciri na. Kanriya o yen dama wuru len pan jifini napa ɲini na. A ce co ana bɛn, naa ce apa ke sayɔya pɛ yii cɛn, tura ci na da yan o lurɔ vamara yan, yele apa vazira la ba cirɛ ba. ⁸ Naa lakala dapɔn, apa lakala haciri da bi ten na. A da hina da san, a ma ɲɔma dana dama ɲibiri, a da makari la piyɔn da la san, a cusa a sa dana. ⁹ Apa ba magɔsɔ wɛn ni magɔsɔ na ba, ze a wɛn cusa ncusa na ba, naa ce apa turɔ juba, naa apa ko komu la naa yilena, ni wo apa na juba la ni cɛn na. ¹⁰ Kitabu la ɲamu ni wo: Sayɔya ɲɔ lena ni na yo yan a na were canala, naa sumɔ o dumala yan jɔn gɔsɔ ɲama la yan, o mɔ o ɲi lanbaran jɔn na yan. ¹¹ O turu da gɔsɔ la san, o da ma canna, o kuiri hɛrɛ yan o cungunu odan. ¹² Naa ce E ci sa yen lo cɛnsɔ bɛn, ne ceri o zara a na ziri la yan, naa E ci lamisɔ sa ma gɔsɔ dari cala yilena. ¹³ Napa n da banba ma canna dari na, wele n de ma gɔsɔ da apa san? ¹⁴ Hali apa ni pɛnri cɛnsa la yilena, apa ke jua bio wa, a ba sua ana yii yala sa cilen ba, apa haciri ba gɔgɔ ba, ¹⁵ Naa apa a ce co kirisa bɛn a bɛlɛ bio mɔnɛ ni o ci yala na. Jigi le yen apa won, lo wo lo busi apa na mayala na, apa vavara tamɔ lenwere a zamisa ana ɲi, na da se cusa na ni co ciri na. ¹⁶ Bɛlɛ bi canna tamɔ apa yan, yele ana ɲimi apa yile gɔsɔ lenwere ni wo napa ke ma gɔsɔ dari ca, apa veri ko canna kirisa san, naa dɔ apa yile ɲɛnɛmɛ cala da ci. ¹⁷ Ni vamara bɛlɛ yile ya apa pɛn ma canna dari la yilena, na labara juɛ ma gɔsɔ dari pɛnmɛ na. ¹⁸ Kirisa cɔa bisa ten ma gɔsɔ la yilena, cɛnsɔ la piyan cɛnsɔ baliya la yilena, yele o ce Pa vamara yan. O cua yara nama la sa ya, naa o na sayɔya kumara la jɛn ya. ¹⁹ O wara kumara lema yen kaso na won o wara naya da waju kumarala won. ²⁰ Naya tari ke vamara kole vula ci fɔn fɔn, vamara tari ni bani ana kole ni muɲu na Noe ɲaɲi na wara were la. La jinjɛn, na taan la lema cira min na ta ana da kisi. ²¹ Na min na da batise tomoso na, na len n de apa kirisi bisaso. Na ka yara nama fiyan na ba, naa ce na ke vamara ɲi zamisa na o lurɔ bɛlɛ bi canna won, yezu kirisa sa kɔara pan la won o lurɔ cɔ yala sɛrɛ. ²² O wa jire o wa vamara yan o jinɔ yen vamǝra juma yan. Mɛlɛkɛ yala na ni ɲɔ cala na ni pan cala ka cuso tan o na.