¹ Kkaran ja la won ba kereniya lema yen apa sɛrɛ. Mɛ n cere a kole naya na, mɛ le ke na bɔɲɔ kereni ba na, na ni kirisa pɛmɛ sɛrɛ. Lenbe le ji bɔrɔ, mɛ nɛ a tele naya won mu. Mɛ ji naya banba ni wo: ² Vamara pisi yala lema ka karifani yen apa san, a sume naya yan. Abe o da ni pan na ba, naa apa da na ni ɲɔma na o mɛni vamara bɛlɛ yile won ma na. A ba na da tɔnɔ gɔsɔ yilena ba, naa ce apa da na ni n ganiya cana na. ³ Lema da karifɔ apa san, a ba a pan ce naya bɛn ba, na dɔ bɔra ci pisurɔ jaani na yan. ⁴ Na were la pisi yɔrɔga ci ɲɔ ci je o se bɔrɔ lenwere la, apa ji na paya banfula lenbe ci len ɲɛna ba. ⁵ Na yɔrɔ kanbera la, apa da kolo ba kereniyala na. Apa lakala da ma na ni a cuso a sa dana, na yilena kitabu ni wo vamara n cire wuiri lema n ganra a sa ɲɔ, naa o nɛy pɛ yii lema ni cuso a sa. ⁶ Na yilena a cuso a sa vamara nɛ pan ci na yele o tura apa tan were cana na. ⁷ A ce a tasi ma la lakala o wa bɛn, naa ce o sumu apa sɛrɛ. ⁸ A zangali a haciri a tama a sɛlen! naa ce apa zɔgɔ suntani ni kuikuiri dama Yara zii ci. O gulɔ o na len o ji, ni kuiri na yan. ⁹ Apa cira wuri o san a zɛn a sa lanaya la won, a ɲinu apa ɲi bio lema yen diɲɛ won, na bɔɲɔn ko pɛnmɛ na naya mu. ¹⁰ Apa pɛnmɛ dapɔn were dɔni pɛ lakala ci vamara le komu apa na o lenbe le zoere ba yilena kirisa yezu won, na se je apa ɲe pusɔrɔ, apa wa cila yan o ganrɛ apa pan, o ziɛn apa. ¹¹ Se o wa yan le zoere ba o zoere ba! Amina. ¹² Mɛ gɔn so vari jin jɛn so o babu apa na Silivɛn ya, mɛ n de na jati a ɲi bi lana ci na. Mɛ guan na o da apa banba o bɔrɔ apa na o poromu ni wo na pɛ yii la ke vamara pɛ yii cana ya. Apa tari na san. ¹³ Karan ja le yen Babilɔni, naa n de apa mawali, o sa ko tɔsɔ dama apa. Mɛ bi balo Marika na mu n da ana mawali. ¹⁴ A da daa fo ni maɲɔma da ɲe ceri na. Apa lema lakala ke kirisa ɲini na, bɛlɛ zura da ni apa ɲini na.