koussoube-marc-lee_neh_text

Kǝ̀kàl-fwɛèlɛ̀ 12

¹ Nyǐ vwĩ̀-zwə́lnə bé ǹdə́ Levyi dwí rí lyì bí byɛ̀bɛ́ bə̀ tó Shəyaləcəə byǐ Zorobəbyəə nɛ ǹdə́ Zhozwe ne bə bə̀ mɔ́ yilə né: Səraya ǹdə́ Yərəməya ǹdə́ Esədəraasɛ ǹdə́ ² Amarəya ǹdə́ Məluci ǹdə́ Atushi ǹdə́ ³ Shəkanya ǹdə́ Erəwumi ǹdə́ Mərəmɔɔtɛ ǹdə́ ⁴ Shəkanya ǹdə́ Erəwumi ǹdə́ Mərəmɔɔtɛ ǹdə́ Yədo ǹdə́ Jənətoyi ǹdə́ Abya ǹdə́ ⁵ Myəmyini ǹdə́ Maaja ǹdə́ Byələga ǹdə́ ⁶ Shəmaya ǹdə́ Yoyəriibi ǹdə́ Yədaya ǹdə́ ⁷ Səlu ǹdə́ Amɔkɛ ǹdə́ Yələca e súlí Yədaya. Bə̀myɛ́ y'à wɔ́ vwĩ̀-zwə́lnə́ ǹdə́ bə̀ da-byǎ bɛ́ yó-cìnə́ Zhozwe yi ní. ⁸ 8 Levyi dwí rí lyì bí wẽ́ y'à wɔ́: Zhozwe ǹdə́ Byinəwi ǹdə́ Kadəmyɛl ǹdə́ Sərəbya ǹdə́ Yəwudə e súlí Matanya, ńmyɛ̌ ǹdə́ ń da-byǎ bɛ́ ǹdə́ byɛ̀bɛ́ bə̀ n'ê ji Yi còrhó nwísí mú. ⁹ Levyi dwí rí lyì Bəkəbucə ǹdə́ Unni y'à zhǐ bə̀ yé né bə̀ n'ê sɛ̃ bɛ tum rí rə̀myɛ́ mɔ́ wẽ́. ¹⁰ Zhozwe lùl Yoyəkim, Yoyəkim zɛ̃̀ n lù Elyəshiibi, Elyəshiibi zɛ̃̀ n lù Yɔyada, ¹¹ Yɔyada zɛ̃̀ n lù Yɔnatã, Yɔnatã zɛ̃̀ n lù Yadwa. ¹² Yoyəkim yi ní, vwĩ̀-zwə́lnə bé byɛ̀bɛ́ bə̀ y'à wɔ́ bə̀ dwə́ né yó-cìnə́ bé mó y'à wɔ́: Məraya, Səraya dwí rí yilə; Ananya, Yərəməya dwí rí yilə, ¹³ Məshəlam, Esədəraasɛ dwí rí yilə, Yɔwana, Amarəya dwí rí yilə, ¹⁴ Yɔnatã, Məluki dwí rí yilə, Zhozefu, Shəbanya dwí rí yilə, ¹⁵ Adəna, Arim dwí rí yilə, Eləkəyi, Mərayɔɔtɛ dwí rí yilə, ¹⁶ Zakarɛ, Yədo dwí rí yilə, Məshəlam, Jənətɔn dwí rí yilə, ¹⁷ Zəkəri, Abya dwí rí yilə, ..., Myənyəmini dwí rí yilə, Pyələtəyi, Mwaja dwí rí yilə, ¹⁸ Shãmwa, Byələga dwí rí yilə, Yɔnatã, Shəmaya dwí rí yilə, ¹⁹ Mətənəyi, Yoyəriibi dwí rí yilə, Uzhi, Yədaya dwí rí yilə, ²⁰ Kələyi, Sələyi dwí rí yilə, Ebɛɛrɛ, Amɔkɛ dwí rí yilə, ²¹ Ashabya, Yələkəya dwí rí yilə, Nətanəyəə, Yədaya dwí rí yilə, ²² Elyəshiibi ǹdə́ Yɔyada ǹdə́ Yɔwanã ǹdə́ Yadwa gə́ y'à wɔ́ vwĩ̀-zwə́lnə náncɛsɛ́ yi ní, bə̀ kɛ̃ Levyi dwí rí lyì bí byɛ̀bɛ́ bə̀ y'à wɔ́ dwə́ né yó-cìnə́ bé mó e súlí vwĩ̀-zwə́lnə bé yilə né yilə sɛ́bɛ́ rɛ́ wẽ́, kɔn m'e yí Pɛɛrəsɛ pyɔ̌ Dərəyuusi pyɛ̀lɛ̀ rɛ́ jú yi ní. ²³ Bə̀ kɛ̃ Levyi dwí rí byǎ bɛ́ byɛ̀bɛ́ bə̀ y'à wɔ́ dwə́ né yó-cìnə́ bé mó yilə né tənà y ywẽ̀ ré lyǐrh sɛ́bɛ́ rɛ́ wẽ́, kɔn m'e yí Elyəshiibi byǐ Yɔwanã yi ní. ²⁴ 24 Levyi dwí rí yó-cìnə́ bé y'à wɔ́: Ashabya, Shərəbya ǹdə́ Kadəmyɛl byǐ Yəshuwə e súlí bə̀ da-byǎ bɛ́ bə̀ y'à zhǐ bə̀ yésé zǎ bɛ bə̀ m'ê nún còrhó ǹdə́ nə̀bán-co nwísí, lò gakó ǹdə ǹ tum rí yi rí, kɔn tó nyí rí tɛ̀bɛ́ Yi lò Dəvyidi yà n pɔ mɔ́ nɛ. ²⁵ Bwə̀rsé dɛ̀nna Matanya ǹdə́ Bəkəbucə ǹdə́ Obaja ǹdə́ Məshəlam ǹdə́ Taləmɔ̃ e súlí Akuubi y'à n'ê yìlì wẽ̀ cṹ jààsɛ́ sə̀ y'à wɔ Yi jì y étwí-ènyə́ né səta mɔ́. ²⁶ Bə̀myɛ́ twĩ̀ bə̀ tum rí Zhozwe byǐ Yoyəkim, Yɔsadakɛ nɔ̃̌ w yi ní e súlí tənà y kə̀kàlà y yó-cə́bal Neemyi yi ní e súlí Esədəraasɛ ń yà ń wɔ́ vwĩ̀-zwə́lnə ǹdə́ Yi nyə́ né byilnə ga yi ní. ²⁷ Bə̀ gə́ tú bə lù Zhərəzalɛm byílí y bə zhɛ̀, bə zɛ̃̀ bə̀ la címsi jú bə m'e pɛ y Yi ni yi ní, bə̀ zhə̀l bə zə Levyi dwí rí lyì bí gakó bə m'e shí bə̀ cɛmɛ nɛ́ nyɛ̀bɛ́ bə̀ y'à wɔ nə̀ wẽ́ mó w gakó bə m'e bə̀ Zhərəzalɛm mùnì bə wɛ̀rhɛ́ wu-nyɔ̃̀ címsi, bə nún còrhó nwíísi, bə dú sɛmbálɛbá ǹdə́ lííribá ǹdə́ árəpɛbá bə m'e pə y Yi ni. ²⁸ Núnnə bé kùkùlə̀ né lyì bí shí kɔn gə́ y'à bwə́l Zhərəzalɛm yala nɛ́ mɔ́ nyí rí wẽ́ ǹdə́ Nətɔfwa lyì bí cɛmɛ nɛ́ wẽ́, ²⁹ e súlí kɔn zhì Bɛtɛ-Jələgal nɛ́ ǹdə́ Gəba ǹdə́ Azəmavɛɛtɛ gɔ sõ nyí rí wẽ́, bə̀ núnnə bé y'à lù bə̀ cɛmɛ nɛ́ kɔn gə́ y'à bwə́l Zərəzalɛm nɛ nyí rí wẽ́. ³⁰ Vwĩ̀-zwə́lnə bé ǹdə́ Levyi dwí rí lyì bí tɛnɛ bə̀ cìn mùnì ga bə yə̀ wárhgáá bə súlí bə tɛnɛ dwí rí mùnì ga rə yə̀ wárhgáá e súlí cɔ w bwə̀rsé ǹdə́ ò byílí y mùnì ga rə̀myɛ yə̀ wárhgáá. ³¹ A ce Zhəda yó-cìnə́ bé jì byílí y yó a zɛ̃̀ a tɛnɛ núnnə nánzhəzhɔ̌ kùrə̀ nə̀lyè a ce nə zhì. Kùr ré rə̀dù y zhì byílí y yó rə zhǐr rə vò jə̀-jĩ́ sõ kɔn zǎ Pùlú w bwə̀rə̀ y səta. ³² Oshaya ǹdə́ Zhəda yé né cìnə́ bé kə̀kàlà y y'à pú bə̀myɛ́ kùr bə̀ m'ê zhə̀lə̀; ³³ e súlí Azarəya ǹdə́ Ezəra ǹdə́ Məshəlam ǹdə́ ³⁴ Yəwudə ǹdə́ Bɛ̃zhamɛ ǹdə́ Shəmaya e súlí Yərəməya. ³⁵ Bə̀myɛ́ kwã nɛ́ è yàl vwĩ̀-zwə́lnə dwí rí lyì bí ǹdə́ bə̀ pɔ́lsɛ; Yɔnatã byǐ Zəkarya, Yɔnatã wɔ́ Shəmaya byǐ, Shəmaya zɛ̃̀ ń wɔ́ Matanya byǐ, Matanya zɛ̃̀ ń wɔ́ Myəkaya byǐ, Myəkaya zɛ̃̀ ń wɔ́ Zəkuuri byǐ, Zəkuuri zɛ̃̀ ń wɔ́ Asaafɛ byǐ ³⁶ 36 e súlí ń da-byǎ bɛ́ Shəmaya ǹdə́ Azarɛl ǹdə́ Myələləyi ǹdə́ Jələləyi ǹdə́ Məəyi ǹdə́ Nətanəyəə ǹdə́ Yəwudə ǹdə́ Anəni bə̀ y'à zɛ̃̀ bə pú ǹdə́ Dəvyidi, Yi lò mó, wò-dúúrí ń yà ń wɛ̀rhɛ́ mɔ́. Yi nyə́ né byilnə Esədəraasɛ yà ń wɔ bə̀ yé né. ³⁷ Bə̀ gə́ yú Nə̀-bùlì y bwə̀rə̀ yə́, bə̀ kwè sɔ́má y è n'ê jìl byílí y yó è m'ê la Dəvyidi Pyə̀-cɔ wa, bə̀ yé né mó, bə jì bə̀ yí Dəvyidi kɛ̀lɛ́ y yə́-pɛ̀lɛ́ wa bə súlí bə yí Nàná bwə̀rə̀ y yala nɛ, kɔn zǎ yi-púrhí səta. ³⁸ Núnnə bé kùrə̀ nə̀lyè nyǎn rɛ́ zhǐr rə vò jə̀-gwã̀ sõ; sə à cìcì mú y'à ŋwɛ́nɛ́ bə̀ kwã nɛ́ byílí y yó, àmyɛ́ ǹdə́ dwí rí kə̀kàlà yá, nə́ vò nə́ yí myǐn shə́mɛ́ nɛ́ jì y è lù e vò dɛ̃̌dɛ̃̌ mɔ́ yó w ǹdə́ Byílí Nánwowòrhó wə́, ³⁹ nə́ lyɛ̃ nə́ yí Efərəyim bwə̀rə̀ y ǹdə́ Yəshana bwə̀rə̀ y ǹdə́ Emɔ̌sɛ́ bwə̀rə̀ y ǹdə́ Ananəyɛl jì-fwɛ̀lɛ̀ nánjíjíní y è lù e vò dɛ̃̌dɛ̃̌ mɔ́ ǹdə́ Nunə Zɔ̌m jì-fwɛ̀lɛ̀ nánjíjíní y è lù e vò dɛ̃̌dɛ̃̌ mɔ́ ǹdə́ Pyììsí bwə̀rə̀ yə́. Nə́ lyɛ̃ nə́ vò nə́ gu yó Yìlnə bé bwə̀rə̀ y ne. ⁴⁰ Núnnə bé kùrə̀ nə̀lyè y zhə̀l nə zhì Yi jì y wẽ́ ǹdə́ àmyɛ́ cìcì mú e súlí bù-kárna bɛ́ bə̀ y'à ŋwɛ́nɛ́ ǹdə́ nɛ mɔ́ kə̀kàlà, ⁴¹ e súlí vwĩ̀-zwə́lnə bé: Elyəkim ǹdə́ Maasəya ǹdə́ Myənyəmyin ǹdə́ Myəkaya ǹdə́ Elyowenəyi ǹdə́ Zakarɛ e súlí Ananya bə̀ y'à n'ê wúl pɔ́lsɛ; ⁴² ǹdə́ Maasəya, Shəmaya, Eləyazaarɛ ǹdə́ Uzhi ǹdə́ Yəwɔwanan ǹdə́ Maləca ǹdə́ Elam e súlí Ezɛɛrɛ. Núnnə bé, Yəzəraya yà ń wɔ́ bə̀ yó-cə́bal mɔ́, ce bə nyɛ̀ɛ̀ bə̀ dweme. ⁴³ Dɛ̃ rɛ́ rə̀myɛ́ mɔ́ yù wə, bə zwə́l vwə̃̀ nánzhəzhɔ̌, sə è yàl wu-nyɔ̃̀, bə̀ Yi y'à pɔ bɛ wu-nyɔ̃̀ nánfɔ̀lɔ̀. Kana bɛ́ ǹdə́ bə̀sɔ́ná bɛ́ myɛ y'à n'ê fùù, sə ǹ gə yà n wɔ pyépyé myɛ, ǹ yà ǹ nyɛ̌ Zhərəzalɛm wu-nyɔ̃̀ w dweme ré. ⁴⁴ Dɛ̃ rɛ́ rə̀myɛ́ yú w mú, bə̀ ce lyì n'ê yìlì jìsí shɛ̀bɛ́ bə̀ y'à n'ê ce wẽ̀ ré byǎ nã́yə́ə́ bé e súlí kɔn rɛ́ tɛ̀bɛ́ bə̀ y'à zwẽ rə̀dù shí gakó yó w mó ne. Lyì bí bə̀myɛ́ y'à mə̌ sə bə zwẽ vwĩ̀-zwə́lnə bé ǹdə́ Levyi dwí rí lyì bí cəl ré rə̀ n'ê shí gɔ sõ cə-bwǎlsɛ́ sə̀ bwə́l cɛmɛ nɛ́ nɛ mɔ́ wẽ́ ǹdə Nyí rí gə́ y'à n'ê byili ní. Zhəda lyì bí gakó wun y'à nyɛ̀ tum rí tɛ̀bɛ́ vwĩ̀-zwə́lnə bé ǹdə́ Levyi dwí rí lyì bí y'à n'ê twĩ̀ mú yilə; ⁴⁵ bə̀ y'à n'ê twĩ̀ bə̀ Yi rí tum rí, bə̀ y'à súlí bə̀ n'ê twĩ̀ mùnì ga dwí rí yə̀ wárhgáá. Núnnə bé ǹdə́ bwə̀rsé dɛ̀nna bɛ́ myɛ y'à n'ê tó nyí rí tɛ̀bɛ́ pyɔ̌ Dəvyidi ǹdə́ ń byǐ Saləmɔ y'à pɔ mɔ́. ⁴⁶ Bə̀ shãã ga Dəvyidi ǹdə́ Asaafɛ yi ní, núnnə yé né cìnə́ y'à ŋwɛ́nɛ́ Yi còrhó ǹdə́ rə̀ nə̀bán-co nwíísi yilə. ⁴⁷ Zorobəbyəə ǹdə́ Neemyi yi ní, Esərayɛl lyì byǎ bɛ́ gakó y'à n'ê pɛ núnnə bé ǹdə́ dɛ̀nna bɛ́ cəl ré, dɛ̃ gakó, e súlí wẽ̀ ré tɛ̀bɛ́ bə̀ y'à pɔ Yi ni mú Levyi dwí rí lyì bí ni; Levyi dwí rí lyì bí myɛ y'à zɛ̃̀ bə vùr Aarɔ̃ byǎ bɛ́ cəl ré rə̀ wẽ́ bə pə bɛ.