¹ Bək'á zɔm jàn ǹdə náncɛ yé. Zɔm ǹdə mɔ ǹdə ǹ da ta, sə cící ébwá-dàlá bέ ǹdə ǹ da-byǎ ta. ² Zɔm ǹdə kana bέ náncɛsɛ ǹdə ǹ nábá ta, sə cící kə-bwəə bé gwẽ mó ǹdə ǹ nəkwá ta, ǹdə wu-pwõ. ⁴ Pə nyɔmɔ ejẽnə bé byὲbέ bə wɔ ejẽnə zhən zhən mɔ nɛ. ³ Ejẽkɛ gə zhe byǎ ǹdə nὲmέ, sə bə jὲrὲ bə wὲrhέ ǹdə bə Yi-ni-zhú mú g n'ê byili ní, bə cìcì dwí lyì bí yé né, sə bə tùntwəəné yə ǹdə bə dabá gə cèrhè bə né, bə wɔ rəmyέ Yi só. ⁵ Mɔbɔ ń wɔ ejẽkɛ zhən zhənà, ń bə lò zhe ń nə ń nyǐ ń yò, ń bùlə nə jà zhí Yi ni, ń nə ń pyέnέ ń cĩn cəcɛ ǹdə nənyɔnɔ ga ń mə ń lwəl rə sãɔ ǹdə Yi-co. ⁶ Sə mɔbɔ ń ŋwέnέ e jà lũ w wẽ dé shil zù mù mú cùwə, báá ń gə zhe nyǔ myɛ. ⁷ Byili bi ywẽ dé rəmyέ mɔ mùnì bə bək'á zə yò lò la byilu yé. ⁸ Lò mɔbɔ ǹ gə wàr ǹ kὲlέ y lyì bí ǹ nə ǹ zal cὲnὲ, ń j'à wàr ǹ cìcì dwí rí lyì bí yò ǹ nə ǹ nyǐ, sə nyǐ ń zhɔ Yi-ni-zhú mú, lò mó mɔbɔ ń də cángá ǹdə Yi mú cɔ mɔ. ⁹ Ejẽkɛ mɔbɔ ǹ la ń yil kãɔ ǹ tɔnɔ w yó mó, bək'á yə mɔbɔ ń yə byinə shí-shəldù yí yé. Ń mə sə n yə kɛ mɔbɔ ń yà ń jú byal mədù, ¹⁰ bə j'à yě ń tùm-ècənà nέ nyὲbέ ń twĩ mú yò, ń kɔn byǎ cɛnɛ, ń zwẽ zhələ ń sõ náàcὲnέ, n sã lyì ècànà nərh, n sɛ zúzúnú cìnə ne, n jà twĩ tùm-ècὲnέ dwí gakó. ¹¹ Bək'á kɛ ejẽ-kana bέ byέbέ bə wɔ kə-bwəə mó; bə bə bùlə né gə tú nə zhέrhέ, bə n'ê yǎl byənə bə jí bə yẽ Kristə kùr tó mó ne. ¹² Rəmyέ yi ní yò b'à zhì bə yó wə, bə gə yə bə nyí-bwəl lé bə y'à bwəl Kristə kùr tó yil mó pyìrh yilə. ¹³ Kɔn súlí myɛ bə myὲrhὲ bə t'â wὲrhέ kaka yé, bə n'ê tó kǎlsέ wẽ bə zhələ bə m'ê ce sɔ, bə m'ê zɔm ywẽ nyὲbέ nə y'à bə mə ǹdə zɔm mɔ. ¹⁴ Wɔ rəmyɛ yilə à n'â yǎl sə ejənə bé byὲbέ bə wɔ kə-bwəə mó jí byənə bə lù byǎ, sə bə zə bə kǎlsέ cὲnὲ, bə bək'á yẽ nə zwə bé nə bɔl bə zɔm nə sõ yé. ¹⁵ Nyǐnə ejənə jàlà yẽ sɔmá y kὲbέ è wɔ zhən nyǎ mɔ nɛ,bə k'â n'ê tó shətana nɛ. ¹⁶ Kɛ ráá bal mɔbɔ ń wɔ Kristə lò, ejənə j'à ŋwέnέ bə sõ kὲlέ wa, sə bə nyǐ bə yò, bə bək'á yẽ be bə ce Yi jì y jɔ w yé, mùnì ga Yi jì y ŋwὲnέ e nyǐ ejənə bé byὲbέ bə bə lò zhe ń nə ń sɛ bɛ mɔ yò. ¹⁷ Yi jì y yé né cìnə bé byὲbέ bə n'ê twĩ tum dí cὲnὲ mɔ, lyì bí mə sə bə nyὲ bὲ bə k'á bwérhé, sə wɔ byὲbέ bə n'ê bwəl Yi zɔmὲ rέ bə j'à n'ê byili ri mú ni bə mə sə bə wὲrhέ rəmyέ. Bə kɛ Yi zɔmὲ rέ sέbέ rέ wẽ bə wɔ: ¹⁸ Ǹ bək'á cər nɔ kɔbɔ ò n'ô twĩ kέlέ wa jíjí jòró yi ní, b'ò bək'á dɔ jíjí rí yé. Bə tùntùnnə mə ǹdə kwǎndɛ. ¹⁹ Bək'á shὲnέ bə cĩ dóó Yi jì y yé né cébal yó wə, ǹdə lyì bəlyè ráá lyì bətɔ yə ń yò w zhən byili yé. ²⁰ Byὲbέ bə n'ê wὲrhέ yə-bəlwàálɛ mɔ, ji bí búlə lyì bí gakó yé né, mùnì ga ywẽ zə bə dwã bέ. ²¹ À n'â lwəl mó rəmyέ ǹdə à wu gakó, Yi ǹdə Yəzu Kristə ǹdə Yi màlέka bέ yé né, sə wὲrhέ rəmyέ gakó ǹdə à gə byili mú ní, sə ǹ bək'á zə ǹ yírh ń cír lyì bí yé. ²² Bək'á yə làlà ń cèlè ǹ jὲrh lò yó w ń pɔ tum Yi jù w yé, sə ǹ bək'á ce ǹ cĩn lyì dwa yə-bəlàálɛ wẽ yé; ǹ cìcì mú, zə ǹ cĩn wárgáá. ²³ Bək'á cəəlè ń j'á n'ê nwὲ nɛ dúdú yé; nə ǹ nwὲ dəvɛ y námpɔlέ námpɔlέ ǹ wu w yin ní, ǹdə ǹ gə n'ê twi címsí pɔn pɔn mɔ yilə. ²⁴ Bə n'ê lwar lyì bí jàlà yə-bəlwàálέ yò làà, ǹdə bə gwẽ yə bə bùrsì kέ yé, sə kɔ y'a dɛnɛ fòró bə lwar bə jàlà nyǎn dέ yò. ²⁵ Kɔn wɔ èta ǹdə tùntwəə né nyὲbέ nə càn mɔ myɛ, bə n'ê lwar nə jàlà kùr yó, sə nə jàlà kɔn y'a dɛnɛ fòró bə lwar nə yò.