^{1 2 3} Mushule mokunga bopoto lapela, Paulo adotuma wadzidzi akawakuludzila, akawalaila akawasiya akaenda kuMakedhonia. Padopinda nomatunhu akataula mashoko mazinji asiwakuludzila, akabva aenda kuGiliki. Mushule mokupedza mwedzi mitatu, pakaita langano idoipa nomaJudha ⁴ Adopelekedzewa kule sokuAsia naSapatro aiwa mwana wamunhulume waPilo aibva Belea; Alistako naSekundo aibva kuwatendi woTesalonika; Gayo weDerbe; Timotio; naTitiko naTrofimo aibva Asia. ⁵ Asi anhulume awa wadoenda pambeli pedu wakatimilila pa Troa. ⁶ Takayambukila Filipi mazuwa ezvingwa zvisina mbiliso, mumazuwa mashanu takauya kwawali muTroa. Wakagala mazuwa manomwe. ⁷ Pazuwa lokutanga lovhiki, tainga tidosvingana pabodzi pakumhedula chingwa, Paulo adotaula kuwatendi. Ailonga kuzobuda muzuwa inotewela, adolamba asitaula kusvika pakati pousuku. ⁸ Makanga muine mwenje mizinji muimba yopadenga pawadouya pabodzi. ⁹ Pawindi paiwa nomunhulume wochidiki aiwa adogala ainzi Yutiko, aiwa adobatiwa nohope chaizvo. Paulo paailamba asipalidza, munhulume uyu, achilamba adoyenzela, akadonha pasi asibva paimba yochitatu akanhongewa atopfa. ¹⁰ Asi Paulo akadzika pasi, akazviwisila pamusolo pake, akamuvhungatila. Ipapo akati, ''Musaita bopoto, nekuti mweya wake uchili maali.'' ¹¹ Ipapo adokwila kamu paimba yopamusolo uye akamhedula chingwa akaja. ¹² Mushule mekutaula nawo ngowa lefu kusvikila kwachena, adobva aenda. Vakauya naye ali mupenyu wakanyaladziwa chaizvo. ¹³ Isu pachozvedu takatungamila pambeli paPaulo nochikepe tikayambuka ku Aso, pataiwa talangana kutola Paulo. Izvi ndizvo zvainga zvalonga kuti azoite, nokuti aida kufamba notsoka. ¹⁴ Patidosangana paAso, tikamutola muchikepe tikaenda Mileto. ¹⁵ Tidobva ipapo takayambukila takasvika mangwana acho pakatalisana nochitsuwa cho Kiyo. Nozuwa lidotewela takabata chitsuwa chepa Samo, muzuwa lomangwana acho takasvika muguta leMileto. ¹⁶ Nokuti Paulo ayiti achayambukila nopa Efeso, kuti asazopedza nguwa paAsia; nokuti waimhanyila kuwa muJelusalema pamauwa ePentekosta, izvi zvaiwa nyole kuti azviite. ¹⁷ Kubva paMileto akatuma wanhulume kuEfeso uye akadeedza wakulu wecheche. ¹⁸ Pawadouya kwaali, akati kwawali, ''Imi pachezvenyu muneziwa, kubva pazuwa lokutanga pandatsika notsokadzangu paAsia, kupedza kwandaita nguwa yangu nemi. ¹⁹ Ndabatila Ishe nekuzvininipisa nomwoyo uye nomisodzi, nokuyedzewa kudoitika kwandili nokuda kwokulangana kwowa Judha. ²⁰ Munezviziwa kuti ndakaita izvi kuti ndisachengete kuti ndisaite chakanga chisina basa kwamuli, uye kukufundisai palizinji, paimba noimba, ²¹ ndisipupula kwamuli mose maJudha nomaGikliki nekuda kwekutendeuka malinge naMwali nokutenda kuna Ishe Jeso. ²² Zvino nangalanyi, ndakuenda kuJelusalema, ndido manikidziwa paMwoya, handiziwe zvisaitika kwandili kwakaleko, ²³ asi Mwoya Mutsvene unendipupulila muguta limwe nolimwe kuti kusungiwa nokutambudzika zvakandimilila. ²⁴ Asi ini handione hupenyu hwangu hwakandikoshela, kana chete ndandopedza hwendo hwangu uye nobasa landakagamuchila kuna Ishe Jeso, kupupula shoko nenyasha dzaDedza ²⁵ Zvino nangala, ndineziwa kuti imi mose, pakati poawo wandidoenda nawo nokuda kwokupalidza humambo, hawachazoone chiso changu kamu. ²⁶ Naizvozvo ndine pupula kwamuli zuwa lakalelino, kuti ndili gazi lisina mhosva yechelo munhu. ²⁷ Zvandisina kubata chitema kumashule ndisitanga kwamuli kuda kwose kwaMwali. ²⁸ Naizvozvo ngwalilanyi pachozvenyu, uye nokuda kwoboka lose loMwoya Mutsvene uyo udokunongedzai kuwatalili. Ngwalilanyi kuwafudzi wecheche yaMwali, awo wadotengewa nogazi lake. ²⁹ Ndineziwa mushule mokuenda kwangu, mapele anepaladza asauya pakati penyu asingalege boka. ³⁰ Ndineziwa pakati penyu pasamuka anhulume vasataula zvinepesanisa kuti watsautse wadzidzi wawatewele. ³¹ Nazvozvo lindanyi. Langalilanyi pamakole matatu handinaa kumila kuyambila kumubodzi wenyu husiku nomasikati. ³² Zvino ndinekuisai kuna Mwali noshoko lonyasha, lineita kuti muwake uye kukupasai nhaka pakati poawo wose wakaitiwa wakanaka. ³³ Handina kuchochola silivheli, ndalama , kana nguwo dzomumwe munhu. ³⁴ Imi pachezvenyu muneziwa manja aya ane anonunula zvizinji zvandineda uye zvido zvowese wandaiwa nawo. ³⁵ Kune zvinhu zvose zvandido kupasai muenzaniso wokuti muneyamula wadoneta nokuwabatsila, uye kuti munelangalila senyi mashoko aIshe Jeso mashoko adetauhwa naaiye: 'Zvidokolehwa kupasa pane kutambila. ³⁶ Mushule mokutaula nonzila iyi, adopfugama uye adonamata nawo wose. ³⁷ Pakawa nokulila kukulu uye wakawila pamutsipa waPaulo wakamutsvoda. ³⁸ Wazinji wakatsamwa nokuda kwozvidotauhwa naye, kuti hawasaona chiso chake kamu. Wkamutewela kuchikepe.