¹ Zvidouya soizvi apo Apolosi paaiwa muKolinte, Paulo adopfuula nopanyika yokumusolo asiuya nomuguta lowaEfeso, akaona wadzidzi pakalepo. ² Paulo adoti kwawali, '' Mudogamuchila Mwoya Mutsvene pakutenda kwenyu hele?'' Wadoti kwaali, ''Aiwa, hatina kunzva nozvoMwoya Mutsvene.'' ³ Paulo adoti, ''Mudobhabhatidziwa nolubhabhaiidzo lipi?'' Wadoti, ''Nolubhabhatidzo laJohane.'' ⁴ Naizvozvo Paulo adopindula, ''Johani adobhabhatidza noluombeko lowanotenda. Adoudza wanhu kuti wanefanihwa kutenda kumubodzi uyo asazouya kumashule kwake, anowa, Jeso ⁵ Wanhu pawadonzva zvinhu izvi, wakabva wabhabhatidziwa muzita laIshe Jeso. ⁶ Nokudalo Paulo adoisa manja ake pamusolo pake, Mwoya Mutsvene udouya pamusolo pawo wakataula nondimi wakapolofita. ⁷ Wose waiwa wanhulume gumi nowawili ⁸ Paulo adoenda musinagogi uye akataula asingachi kwomwedzi mitatu, asitaula naye nozvo umambo hwaMwali. ⁹ Asi wamwe waJudha waiwa wadooma uye wasizvidza, wadotanga kutaula noNzila yozvidoipa pambeli pochaunga. Nokudalo Paulo adobuda pawali uye akatola wadzidzi naiye, akataulilana nawo mazuwa ose muchikolo choTilano. ¹⁰ Izvozvo zvidoitiwa kwomakole mawili, nokudalo wose wakanga wakagala paAsia wakanzva shoko laIshe, wose waJudha nowa Giliki. ¹¹ Dedza waiita zvishamiso zvineshamisa kubulikidza namanja aPaulo, ¹² nokudalo micheka nonguwo zvaibva pamuwili wake zvaisiwa kuna waihwala nozvihwele zvawo zvidowalegedza uye mwoya idoipa yakabuda pawali. ¹³ Asi paiwa nowamwe waJudha wawuki waifamba nomunzvimbo. Waishedza zita laIshe Jeso pamusolo pawaiwa nomwoya idoipa wasiti,'' Na Jeso unopalidziwa naPaulo, ndinekulaila kuti ubude.'' ¹⁴ Mupilisita mukulu wawaJudha, zita yake ainzi Skevha, aiwa nowana anhulume wanomwe waita izvi. ¹⁵ Mwoya udoipa udowapindula kwawali, ''Jeso ndine muziwa, uye Paulo ndemuziwa; asi imi ndimi ani?'' ¹⁶ Ipapo mwoya udoipa wakawamukila ukawakulila simba ukawabanzula wose. Wadobuda panze wose wakasutula wane zvilonda. ¹⁷ Izvi zvidoziwikaniwa nowose, wose waJudha nowaGiliki, waigala paEfeso. Wakabatiwa nokucha, uye zita yaIshe Jeso yakakudziwa. ¹⁸ Zvino wazinji wowaya waitenda waiuya wasileulula nekulondedzela mabasa adoipa awaiita. ¹⁹ Wazinji waiita zvomapipi wadounza mabhuku pabodzi wakayapisa munhu wese asiona. Pawadowelenga mutengo wazvo zvese, zvaisvika masilivha ano zviulu zvishanu. ²⁰ Nokudalo shoko laMambo lidopalila kwose kwose likakula nosimba. ²¹ Zvino mushule mokunga Paulo padopedza kupalidza muEfeso, akafunga muMwoya kupfula noMakedhonia nomuAkaya kuenda Jelusalema; adoti, ''Mushule mokunga ndili pano, Ndinefanihwa kuona Loma wo.'' ²² Paulo adowatuma kuMakadheniavavili vaiwashumila, Timotio na Elasto. Asi iye pachake adogala muAsia nguwa idiki. ²³ Zvino nonguwa yakaleyo bongozozo likawapo muEfeso pamusolo paNzila iyo. ²⁴ Mumwe mupfuli wosilivheli ainzi Dhemetlio, waigadzila zvifananidzo zvosilivheli zvaDhiana waifumisa chaizvo mhizha dzapo. ²⁵ Nekudalo adowasvinganidza pabodzi nowamwe wabati wozvidodalo uye akati, ''Wanhulume, muneziwa kuti basa ili tinewana mali idowanda. ²⁶ Zvino muneona uye kunzva kuti, hamusi muno chete muEfeso, asi kwese kuAsia, Paulo uyu wakatendisa nokutsaula wanhu wadowanda. Akutaula kuti hapana wana mwali wadogadziwa nomanja. ²⁷ Zvino ndiyo njodzi kuti hausi umhizha wedu kuti usazodiwa, asi zvakale tembele yamwali munhukadzi mukulu Dhiana isaonekwa seisina basa. Zvakale asapela hukulu hwake, uyo anenamatiwa noAsia yose uye noyika yose.'' ²⁸ Pawadonzva izvi , waktsamwa zvikulu uye wakalila, wasiti, Mukulu ndi Dhiana woEfeso.'' ²⁹ Guta lose lidokanganisiwa zvikulu, uye wanhu wakamhanya nomwoyo mubodzi panzvimbo paitambiwa mutambo. Wadobva watolela Paulo wanhu waaifamba nawo, Gayo na Aristarko, wadobva kuMakedhonia. ³⁰ Paulo akada kupinda nopakanga pano chaunga chowanhu, asi wadzidzi wakamudziwilila. ³¹ Zvakale, nowamwe wakulu woguta waAsia waiwa shamwali dzake wakatumila shoko wasikumbila kuti asapinde paitambihwa mutambo. ³² Wamwe wanhu waishedzela chinhu chibodzi, wamwe wasishedzela zvimwe, nokuti chaunga chakanga chawa nonyonganiso. Wazinji waisaziwa zvaita kuti waungane pabodzi. ³³ Chimwe chaunga chidobuditsa Aleksandlo, uyo waisandudzihwa kumbeli nowaJudha. Nokudalo Aleksandlo akasimudza janja lake, asida kuzvidziwilila pambeli powanhu. ³⁴ Asi pawadoziwa kuti muJudha, wose wadolila kwonguwa dzinenge mbili nodzinga libodzi, wasiti, ''Mukulu ndiDhiana woEfeso. ³⁵ Zvino munyoli woguta wakanyalalidza chaunga, akati, ''Imi wanhulume woEfeso, munhu ndeupiko asingaziwe kuti guta lawaEfeso itembeli inochengeta mukulu Dhiana uye chifananidzo chidonha kubva kudenga? ³⁶ Usiona kuti zvinhu izvi hazvilambike, unefanihwa kunyalala uye hamufanihwe kumhanya. ³⁷ Nekuti mauya nowanhulume awa kudale wasat wali mbavha dzotembele kana washoli wamwali mukadzi wedu. ³⁸ Naizvozvo, kana Dhametlio uye nodzimwe mhizha dzinaye wanemhosva nomumwe munhu, mitongo yavhuhwa uye watongi walipo. Nawakwililane hawo. ³⁹ Asi kana musitsvaka dzimwe mhosva, zvisagalihwa pasi paungano yakafanihwa. ⁴⁰ Nokuti chokwadi tili panjodzi pazuwa lanhasi. Nokuti hapana chakonzela bope ili, uye hatikwanisi kuzvitsanangula.'' ⁴¹ Paadotaula izvi, adobva akumutsa wanhu.