¹ Thia da asang hegeru ithai do nang: Oyu omiru homok do othulo di wangan aferi ha afure nanyong. ² Ti tek akemio aindu do othulo na arami ha monyo, ongida othulo isuka ha afure nanyong, ara athulo isuka ho ondee lonyong. ³ Ongida ondee oferi ha afure nanyong iring na fiyo inyong, ara dang afure ahorik ahuan nanyong do ondee lonyong iring na wak inyong. ⁴ Ikara afure owon ha akolon di huan honyong hama, ondee lonyong lowon. Ahani dang, awang ondee howon ha akolon da ahuan nayong, ti afure anyong nawon. ⁵ Heluothi ahuandek hathai di feri, harihari ara eruk itha bokolong karik do omiru tibai ho otehi, di isak iyee ahuan nahoi di mojo. Ithai ikoti ifunu amaji aboithe, da awang sitan okemio ie da awangan nahoi ethakolio ahuan. ⁶ Ti achama nang asang hune do thai tha amojo ikara the eringio. ⁷ Kodien ithai bokolong iring nang. Ti ohothai abok abok isak ohothai isoritha hamahama, ne ikela tha nabo. ⁸ Do ha kaang omuthayo ha hayee ondia ajo nang oyu do song do puahan kuong amuthayo, iring nang. ⁹ Ti ara awang isong ho ongongu, tho muthaye. Oyu do song di muthayo tha awilitha. ¹⁰ Thia do ohothing ha muthayo esak neng dothai arul- ikara nang ti Lamolo: "Afure tha awang ho opeha tho ondee lonyong." ¹¹ Ti ara opeha tho ondee lonyong, inyong esuka kuong amutha kuya inyong emora honyong. Karik, "Ondee tha wanga he ida afure nanyong." ¹² Ti ajo nang do bokolong (Nang, ike Lamolo) ara owon lobo olai ha afure na awang eruk amuno esuka honyong, awang ho ongaterek inyong. ¹³ Ara owon dang athulo nagoruo ho ondee la awang eruk amuno esuka honyong, inyong tha awang ho ongaterek inyong. ¹⁴ Acha ofithohini de ondee tha afure tha nayong neruk, ara dang owon athulo na awang he eruk afithohini the eruhon tho no ondee lonyong. Aduring hahoi awang ho olibori, ti afithohini isong ¹⁵ Ti ara olo na awang ho own iring achristianohyen, idehin inyong thelo. Do hune, awang olai kuya ahani hedep opthitha hosong. Owak Ojok ohothai thesukai thanalik. ¹⁶ Angai itek itha , angoruo, ijan ithaluahu ithai ondia hothai? Dia angai itek ithai, obusuha, kuya ilwahu ithai angoruo hathai de? ¹⁷ Oyihoi aboithe isukathi haham oyihoi lathuk Lamolo esahina ithai, le longorik isong Ojok. Oyihoi hindang lo da athuahio ha amojo. ¹⁸ Abongie lobo thothai de eruhon nanyong? Inyong tha awang he duhu akeritha ha abongo nanyong. Abongie lobo thothai di thifotho honyong? Inyong tha awang ho obongoi. ¹⁹ Awang he handio aring nabo ebongo ie dia kabong. Aning nako bebe inyong abangan na efahitha ho Ojok. ²⁰ Ongida ithai hamahama isuka da asang hewon ithai dia he longunere itha Ojok di eruhon. ²¹ Isuka ie ara ongacha do omiru le longorik ie Ojok?He gigilo hua. Ti ara ahohini ie ijaa, igigiloi. ²² Ara le elongo Lamolo ara ongacha inyong lo Lamolo la awang owon ha arami. Iring loburahini ibu inyong owon he eruk owon ara ongacha lo Kristo. ²³ Iyanai ie the enyanga, he wona tha iring ongachani ho ohothing. ²⁴ Olarok ha ahanerok, dia ainyong amanya imanya ithai do omiru le longorik ohoi itha di eruk, hapuahatha ahanyia. ²⁵ Do hullo ha kaang ho omuthayere, awang nang awon he efahit tho Lamolo, ti esahina nang tho nag holefeng iring lesak tha amiehunu tho no Lamolo le thanigio ohothing. ²⁶ Thene, egigilo nang tha arami tha ha abolori, oyu do othulo di isuka iring nesukarik inyong. ²⁷ Ikokolok ie da athulo na angoruo the epitha tha na amutha? Hethifeyo edadaha ija tho ne. Ahouni ie tha afure dia awangan na amuthayo? Hethifeyo afure. ²⁸ Ti ara imuthayo ie, kaang ie iyau. Karik ara omuthayo athulo na kaang omutnayo, kaang inyong iyau eyau nabo. Ti hamuthayo awoni ha aruaji di manya hosong, awak nang afithohina ithai tho song. ²⁹ Ti ajo nang ahana olarok ha ahanerok: Osuk omiru. Thene adihithemi, ohothing ho owon ha afuretho the sukai iring ha awang ho owoni ha afuretho. ³⁰ He kori ongida ojihithi ha kaang he kor; ho omuno iring ha kabong ho omuno; henyangu atitoni, iring ha awang aning naboling, ³¹ hegema ha ahap iring ha awang owon ha aning nabo nehandie honyong, acha asang ha tha ahap ne hafuni de etohe. ³² Awak nang ithai the sukai kuong egigilitha halwa. Ha kaang ho omuthayo the gigiloi asang ho Lamolo, angai itha munoye inyong. ³³ Ti la muthayo igigiloi asang ho tho hop, angai ithamunoye afure. ³⁴ Ibua. Ahani dang do othulo la kaang omuthayo ha hakaang otek ohothing dia ahathing igigiloi asang ha Lamolo, angai ithaliborie ahuan ho ohoile. Ti athulo na muthayo ahani dang, igigilo asang ha ahap, angai ithamunoye ondee. ³⁵ Ajo nang ahani da ayiji nathai, ike di ithorohojo ithai, ti tha abisan, disak itha ahuandek do Lamolo kuong arami hamok ³⁶ Ti ara igigilo lobo awang inyong idefetho amotek tha abangan acha oko awahan bebe, tho omuthaye iring nawak inyong. Oke eyau ne. ³⁷ Ti ara athuk inyong ajaran awang inyong omuthayo, ibu aruha awang, inyong ethawejo eruhon, oyu de donyong ara idehi inyong amuthayo inyong. ³⁸ Thene othulo lo omuthayo amote ihandio nayu, ara lonyimu awangan na amuthayo ehandio nayu bebe. ³⁹ Okokolok athulo nagoruo do ondee lonyong ara amanya nasong. Ti ara oyee ondee lonyong, onyimu inyong ohomuthani lonyong iring nawak inyong, ti do Lamolo titi. ⁴⁰ Ti do oyirik lobo la angocho omuno inyong bebe ara isuka inyong kuong amuthayo ikoti.Egigilo nang awon nang dang ho Ohoile lo Ojok.