¹ Ara ithethena lobo thothai ho lobo, olo inyong do olokiko lo miri do ohongothoni la awang he eruk, tho santohyen? ² Awang itek ijan osantohyen ofuni ingocho ahap? Ara ingocho ie ahap, awang ie ingohi ara hawang ho bolo bebe? ³ Awang ie itek ohothai ifuni ingocho angelohyen? Angai iwang ohothai ingocho arami ha esuka ne? ⁴ Ara engocho ie arami ho operak ha amanya, anyo isak ie arami hajak ahani di hithemi ho ohothing ha awang ho owon iring ha athua na amojo? ⁵ Ajo nang ahani do onyo ie ariri. Awang lobo thihiji hothai holofereho di thaferihina eththena dihiji ho olarok ha ahanerok? ⁶ Ti iring na won, aboithe leruk alo di lokiko ho lobo leruk, eahini arami di hithemi ho ohongothoni la awang heruk! ⁷ Ara owon arami di hiji ho Christianohyen onyahi apuaharu do thai. Anyo awang ie ingongok amonyori? Anyo awang ie isak ahuan nahoi thethatumie? ⁸ Ti eriavu ie karik ethatumio ie homok, olarok ha ahanerok ha/hohoi hulia! ⁹ Awang ie itek ijan awang ohepalak ho oruthak ahabuore no Ojok? Heruk edualitha. Elerujok, ohomojok do ojohi aria, ho overetho ha angoruo hohothing, elerujok ho obusuha, obusuha ho oferorik obusuha, ¹⁰ ohoholak, owudorok, ohebothok, ohomongak ho ohothing, ohethadimak- awang tho song leyaru ahabuoro no Ojok. ¹¹ Ahani ojak homok hothai. Ti athuhi itha amurayo, ti esahini itha alibori, ti esahini ithai abisan ho Ojok tho ofure tho la Lamolo Yesu Kristo karik tho Ohoile Ojok lo ohothai. ¹² "Asang bokolong iring najo omanyitha do nang"- ti awang asang bokolong olobori. "Asang bokolong iring najo omanyitha do nand- ti awang nang egema iring najo isong. ¹³ "Angiriang da ahohe, ahohe da angiriang"- ti iyaru de Ojok isong adi. Ti ahuan ike ara ne eleru, ti ahuan no Lamolo, ara Lamolo esarak da ahuan. ¹⁴ Ara Ojok ethadothu bokolong arehai Lamolo karik ohothai tha akolon tha nayong. ¹⁵ Awang itha itek ijan ahuandek hathai owoni ara ho Kristo? Eyaru nang ahuandek ho Kristo ethamorik ha amuahi? Awang ho ochihi. ¹⁶ Awang ithaiitek ijan othulo le eharuo ha amuak awon ara aboite honyong. Iring negero da manini ho Ojok ijan, "Ara arehai awoni ara aboithe." ¹⁷ Ti leharuo ho Lamolo owon ho ohoile aboithe honyong. ¹⁸ Ingerotho adi tho amanyitha he lamuak! "Eyatha hamok heyau othulo awang owoni ditha ahuan opuahi di inguai"- ti othulo le leru iyau tha ahuan tha nanyong. ¹⁹ Awang ie he tek ijan ahuan nahoi owon ara atemplo no Ohoile lo Olibo, le suka di tha hoi, lo oindu tho Ojok aea ahuan nahoi awang ho owon iring nahoi? . ²⁰ Inyanguni ie enyanguna. Thene imamajie Ojok tha ahuan tha nahoi.