¹ Ening ohoi ijan owon eleru na monyo hothai, eleru na awang ohothing homok heruk juk ho Gentiles. Ojo arami ijan owon lobo thothai ho feri ha afure no monye. ² Imuno ie (ethadara) tha athariha? Ohehandani la arami hune ongida aduhuni adi thehiji ho thai. ³ Juk awang ahuan hindang thia ti awon nang tho ohoile, athuk nang angocho othulo le handio arami hune, iring na ajahithere nang la awon dia. ⁴ Ara ithai hesuduha tho ofure tha la Lamolo lo hothai Yesu, awon ohoile hindang dia karik da akolon(ohobie) lo Lamolo lo hothai Yesu- Athuk nang angocho arami ho othulo lia, ⁵ di tha fothohina odelia do Sitan di thorohojo ahuan, di isu ohoile di faning ho Lamolo. ⁶ Awang oyu aminya nahaoi. Awang ie itek ijan omundo ithaije amugathi bokolong? ⁷ ithaliboyethe ahuandek hathai tho omundu ongoro di won itha ara emuak angejuk (ajin)- ijahitha itha thene amugathi kwong omundo. Do Kristo, oker lo olangit, esorohini. ⁸ Hamunothi eyom, ike tho omundo ongoro, omundo ho osukatha ho omonyo ha eleru, ti ha amugathi na awang omundo dgwang karik diri diri. ⁹ Egerok nang do thai di tha amanini hindang da awangan nesuka ho ohothing elerujok. ¹⁰ Awang nang ohothing ho monyo ha ahap ne, dia owudorok, dia ohoholak ha abilatha, dia hullo awang oteh Ojok aboite, acha di suka ara na lama tho song awak ijan olo othulo adi tha ahap ne. ¹¹ Ti thene nang le gerio do thai da awangan nesuka ho thulo lobo le longoi olai kuya ahani do Kristo ti lomanya omanyitha he eleru, dia lowudo dia l eruk ojohi aria, dia lo onguo ochamitha, dia ohebothoni, dia ohoholani. Henyo anyari ho othulo lojak ahani. ¹² (Angai angocho nang arami ho ohothing ha awang ho own di thua ha amojo), Awang ie ingocho hullo owon di thua ha amojo? ¹³ Ti ongocho Ojok ohothing ho thelenguai: "Iduhuna othulo lo ohoile lo omonyo tho thai adi."