¹ Ahana iruk othulo imijo do ohoi- ohoi ongachani ho Kristo heyanu arami diri ho Ojok hedima. ² De eririha na, ongida ohothing he yanu arami ha diri hulia oyiji (eruk isong ohothing). ³ Ti donang owon aning na mutha ne ngocherek ithai nang kuya tho olokiko lo ohothing. Acha nang angocho ahuan dindang. ⁴ Awang nang atek ohipale le sahini do nang, ti awang ne ho onyahi ijan awang nang awon ho ihipale. Lamolo inyong ongocho nang. ⁵ Thene he lecho angocho da aring nabo kaan omiru, kaang Lamolo iduong. Iyanu de da afarara asang hedima ho omudue ethaliehi aisong hawon di thua othajia. Thia efotuni abok abok ethahuyo tho Ojok. ⁶ Thene, olarok karik ahanerok, iyaru nang omanyitha hulia do nang karik Apollos tha ahuandek tha hathai, acha thohoi italimu ithai ochame lojo, "Helo thele ainyong negero,"Acha da awang lothai hesahini di muno lobo eda lobo. ⁷ Ara otehu lobo ekela dihiji hothai ho homok? Ainyong ne won ie honyong na awang ie ifotu ija? Ara ifotu ie ija, anyo ithadara ie iring la awang hefotu ijaa? ⁸ Ewon ie ha asing hewak ruk ie iwahan! Ethuk ie awonen iring ohobarani! Esuka ie ara ohobusik- ithai hamaring kuong ohoi! Diri awak nang ongida ithai iwon ara ohobuore, di lahobu ohoi hothai. ⁹ Egigilo nang isak ohoi Ojok ho lefahat di loyo iring ho thoholu ho ohorit la abara karik iring ohothing ha angothohini diyee. Ewon ohoi iring ohothing hengengelie di tha ahap- da angelohen karik do ohothing. ¹¹ Ohoi obuyangak tha ahuan tho no Kristo, ti ilafioro ithai do Kristo. Ijon ohoi, ti oko ithai. Obang ithai ohothng, awang ohothing obang ohoi. ¹⁰ Man do omiru lia oleng ohoi ahure karik ohibothit, awang ohoi iyovo iring nayu, obahie ohoi iring na monyo, awang ohoi iwon ha ahangithek. ¹² Igema ohoi bebe, igema ohoi tha ahinasik tha hahoi. Ara ohoi ha awang ohobie, ohoi ithahuyo. Ara ohoi ha amni, ohoi ingongio. ¹³ Ara ohoi hacahamai iring na monyo, ohoi ichama tha nayu. Ethuk ohoi awonen, homijo ohothing do ohoi iring hedari di tha ahap kari asing ha anguo bebe tha asang bokolong. ¹⁴ Awang nang egerio asang he di sahina do thai ariri, ti di nyahina do thai oihoi loyu iring akailifinok ha amuno nang bebe. ¹⁵ Juk iwon ie ha amiyaha tomon the enyahit tomon ohetienang do Kristo, awang ie iwon ho omonyehio olware, awon nang iring le monye doKristo tha evangelio. ¹⁶ Thene awak nang ithai di miraruna nang. ¹⁷ Inyong nefahak nang do thai Timothy, lamuno nang oitho leruk Lamolo. Ithayihi ithai de oyihothing hunda do Lamolo, juk etienio da amasik bokolong karik da amsik ha amojo. ¹⁸ Thene owon homok hothai hethadara, ihandie asang iring nang la awang ha anyahu do thai, ¹⁹ Ti aindu nang de koko do thai ara owak Lamolo.Da aningori nang ikara titi ochamitha ho ohethadarak, ti ha atehuna akolon na song. ²⁰ Acha ahabuore no Ojok awang ara achama ti akolon. ²¹ Ainyong iwak ithai? Aindu nang do thai ho othelek dia amuno karik ohoile le elatuat (ayiji)?