¹ Othifeye amuno karik egemai bebe di rumahaina esoritha ho ohile, okalaru di rumahina elaprophetas. ² Acha lo owon ho ohuthuk awang ho ochama do ohothing ti do Ojok., acha awang lobo lo otek ainyong ochama inyong acha ochama inyong asang he dima do ohoile. ³ Ti lonyahi arami ho muai, ochama do ohothing di huhumio isong, ithanerejo isong, karik di ithaliborio othajia hosong. ⁴ Lo ochama ohuthk ithaijo ahuan nanyong, ti lonyahi arami ho muai ihuhumio athua no Ojok. ⁵ Awak nang kodien ithai di chama ohuthuk, ti nakalaru fodok, Awak ithai di nyahina arami ho muai. Lonyahi arami ho muai obolo tho lo ochama ohuthuk(harihari ara owon lobo le loicho tha ahuthuk tha na atehi), do obobolororo Athua no Ojok. ⁶ To do ne olarok ha ahanerok ara aindu nang do thai nang achama to ohuthk la awang itha itek, ainyong irumak ithai nayu de, harihari ara achama nang do tha anyahina, dia tha atehan, kuya tha anyahina arami ho muai? ⁷ Ara asang ha ahuthai kuya ha abahie iring asakile,dia ahadori awang he iyane omurut lo le kela, angai de oteh lobo ijan nani ehidong nabahie nya? ⁸ Ara ohuthai oburuji kuong omurut lo oyu, angai de otek lobo ijan awon omiru lo ovuarik di fere? ⁹ Dia owon hohoi: ara eramu ie ochme la awang ho ojinga di hosi ho ohothing, angai otek homok ainyong ichama ie? Ichama ie ti awang lobo lo oteh inyong ichama ie. ¹⁰ Owon ohuthuhie alware ho otek ohothing di tha ahap, bokolong oyiji do ho otek. ¹¹ Ti ara awang nang atek ainyong ojo inyong ohuthuk, awon de ara laindu ainduna do ohochamani, ara ohochamani awon ara loindu ainduna do nang. ¹² Iring dothai: Da awahan nathai aleyori no ohoile, igemathi bebe iring na akalaru di ihuhumio athua na amojo . ¹³ Lo ochama ohuthuk tho omojoi ijan di iloicho inyong ohuthuk tho lobo. ¹⁴ Acha ara amojo nang tho ohuthuk, omojo ohoile hindang , ti awang ahu dindang orumak aning nabo. ¹⁵ .Ainyong ehandio nang? Amojo nang ho ohoile hindang, ti amojo nang dang ha ahu hindang. Edolo nang ho ohoile hindang, nang edolo dang ha ahu hindang. ¹⁶ Ainyong ayiji, ara ithahuye ie Ojok ho ohoile, angai de ojo lothengua "Amen" ara isarak ie humo, ara awang inyong otek ainyong ijo ie? ¹⁷ Esak ie humo iring nayu ve, ti awang othulo lobo le he huhuma iring nayu. ¹⁸ Ajo nang humo do Ojok di chama honang ohuthuhie holwa tho thai, ¹⁹ ti di mojo oyu do nang di ichama ochamitha miet ha atek nang de etieniere nang homok, di chama ochamitha amiyaha esihi tomon tho ohuthuk tho lo oko. ²⁰ Olarok ha ahanerok, he gigilothi iring akalifinok hoho mutha, Ara, da arami ho sitan, isukathi iring aduru hatik, ti igigilothi iring ha abolo. ²¹ Di osukatha ha amanya egero, "Tho othulo tho loko ohuthuk karik tho obiuha tho hekela Achama nang do ohothing hulia; juk awang isong ho oning nang," ojo Lamolo. ²² Thia ohuthuhie owoni ara anyahina, ike do he eruk, ti do ha awang eruk. Ti anyahina arami ho tho hithemi ara anyahina, ike do ha awang he eruk, ti do he eruk. ²³ Ara, osuduha athua no Ojok aboithe achama ohuthuk aboithe, ara ohothing hothodak ha ohothing ha awang eruk avunidithua, awang isong de hojo inananga ie? ²⁴ Ti ara ithai ara honyahi arami ho muai ara ha awang eruk kuya hothenguai avuni di thua, ongochie de inyong tha arami bokolong ha ning inyong, Angochie inyong tha arami tha hachamai bokolong, ²⁵ karik anyahini asang hedima dithaji honyong, do opuaharu inyong tha ahomok, di mojori Ojok anyahi ijan owon Ojok diri dihiji hothai. ²⁶ Ara ainyong koti, olarok ha ahanerok? Ara ithai hevunu ara aboithe, ithai abok abok iwon ithai ho oyele, etienio, anyahina, ohuthuk kuya ohothaloithoni. Egemathi asing bokolong di ithabolorierek athua no Ojok. ²⁷ Ara ochama lobo tho ohuthuk, isong thewana ahehai omonyo omonyo ahunihoi, ethalefoi ethalefo; ara lobo eloicho ochamitha ho ochamai. ²⁸ Ti ara owang ohethaloithoni lo ochamitha, isong abok abok tho odularu di thua ho Ojk ara inyong achama da ahuan nayong ho Ojk. ²⁹ Oprophetan arehai tho ochamai, ara homok ethanigio tuhudik da arami ha achamai. ³⁰ Ti ara esahini atehan do lo woni da amaji negema othulo le ithabuho achama tho odularu. ³¹ Acha ithai abok abok ipropheta di elimo aboithe aboithe karik ara ithai idhu akolon, ³² Acha ohoile lo prophetas owon di hinang ho oprophetas. ³³ Acha Ojok lo okara ara Ojok le thorohojo ohothing, ti le emora. ³⁴ athulo na angoruo tho odularu di thuahio ha amojothihien. Acha awang isahini isong di chama, ti ongida isong iruhi, iring najo omanya. ³⁵ Ara owon aning nawak isong ethalimo, isong thefiye ondia hosong di hang.Awang ho oyu da athulo nangoruo dichama da amaji na amojo. ³⁶ Oyindu ochame lo Ojk thohoi?Do hoi hamaring oindu inyong? ³⁷ Ara igigilo lobo ijan inyong opropheta dia ohoile, ongida inyong otek ijan asang he gerok nang do thai ofuni ara esingitha tho Lamolo. ³⁸ Ti ara owang lobo omijo isong iring hayu, awang de dang otehi inyong. ³⁹ Thene. olarok ha ahanerok, omijethe di iwonan ela propheta, karik heluothi lobo di chama tho ohuthuhe holwa. ⁴⁰ Ti the handie iring nayu tho oyihoi tho olibo.