¹ Ara achama nang tho ohuthuk tho lo ohothing karik lo angelohyen, ti ara awang amuno, awon nang ara ongong kuya ara ehathir. ² Karik ara awon nang ha esorit na prophetas nang atek arami ha diri ha awang ho oleyori ha arami bokolong, karik ara awon nang ha eruk di idohotherek odongiok, ti ara awang nang awon ha amuno, okara nang ara aning naboling. ³ Karik ara esarak nang asang ha awon nang hosong ditha nyerek ha awang ha asing hamok, karik ara esak nang ahuan hindang tho omudie, ti ara awang nang ha awon ha amuno, ikara nang aning nabo. ⁴ Amuno inyong ethalihina no othaji; awang amuno ohain kuya ithadara, ikara aminya ⁵ kuya engere. Awang ho omijo da ahuan nanyong awang he izuhio epalitha ho ohthing. ⁶ Awang ho omuno do ohothing ha awang oyu, ti omuno da arami ha diri. ⁷ Ongongio iyaru asang bokolong, eruk asang bokolong, awang ho bang da asang bokolong, omanya mak tha asang bokolong. ⁸ ohuthuhie, owethai de; ara owon atehan, olithoi de adi. ⁹ Acha itek ohothai tibai ohothai dang ipropheta tibai, ¹⁰ Ti ara lo olibo laindu, lakabong othuho alo adi. ¹¹ Do omiru la awondere nang ara okalifonit, egigilo nang iring okalifonit, achama nang irirng okalifonit. Aja nang awon ara othulo la abolo, nang esak adi asang he elakalifinok. ¹² Dia etihio di miraya, iring ditha arijori neriok, ti da ahomong ha ahomong. Thene atek nang tibai, ti atek de nang fodok iring na ateharik nang. ¹³ Ti do ne owon asang ahunihoi hohofithoro: Eruk, awangan na abangi, karik amuno; ti na abolo tho song bebe inyong amuno.