¹ Da esoritha ho ohoile, olarok ha ahanerok, awang nang edehi itha ara ha awang ho oteh arami. ² Itek itha do omiru honya iwonarik itha ara apagani, ithaliche ithai do ojohi ha awang obucho ahuthuhie, ara ithai eruk isong di thalicho ithai. ³ Thene awak nang ithai atehan ijan awang lobo lochama tho Ohoile tho lo Ojok ajo, " Yesu inyong elama," karik awang lobo lojo, "Yesu inyong Lamolo," harihari tho Ohoile lo Olibo. ⁴ Dia owon esoritha hamahama, ti ohoile aboithe. ⁵ Karik owon elongitha hamahama, ti inyong Lamolo aboithe. ⁶ Karik owon egemathihiet hamahama, ti inyong Ojok aboithe loyeu egemathihietndo othing bokolong. ⁷ Dia isahini da abok abok aleyori no tho lengua no ohoile da ayiji no ohothing bokolong. ⁸ Esahini do lobo ohoile ochame le elfioro, do lobo atehan tho inyong ohoile lia aboithe. ⁹ Do lobo esarak eruk tho ohoile lia aboithe, karik do lobo esorio nethaijo no ohomuak tho ohoile aboithe lia, ¹⁰ Karik do lobo egema na akolon, karik do lobo prophetas, do lobo akolon ne ebuayo ohoilehio, do lobo achama ohuthuhie holwa, karik do lobo enyanyahio no ohuthuhie. ¹¹ Ti inyong ohoile lia boithe igema da asang hune, isarahinda esoritha da aboithe aboithe hamahama, inring nawak inyong. ¹² Acha iring nawondere ahuan aboithe awon ha apehitha ara isong awon ara apehitha ha ahuan aboithe ne, ahani dang do Kristo. ¹³ Acha do ohoile aboithe ibaptisie ohothai da ahuan aboithe, jia Ojude kuya Ogrik, ongacha dia lesuka iring nawak inyong, ehuhumie bokolong di matha ohoile aboithe. ¹⁴ Ike ahuan issuka tok aboithe,ti olware. ¹⁵ Ara ojo aheju, "Ikara nang ahine, ikara nang da ahuan," Awang ho own ara ahuan. ¹⁶ Karik ara ojo ehiok, "Acha ikara nang ahonyek, awang nang tha ahuan," Awang ho owon ara ahuan. ¹⁷ Ara owon ahuan bokolong ara ahonyek, dingai iruk ehiok isuka? Ara owon ahuan bokolong ara ehiok, dingai iruk ohimok isuka? ¹⁸ Ti ofethak Ojok asang ha ahuan iring nawak inyong. ¹⁹ Karik ara isong ara aboithe, dingai iruk ahuan iwonen? ²⁰ Dia olwari apehitha, ti ahuan aboithe. ²¹ Awang ahonyek ojo da ahinang, "Awang nang awak ie." ²² Ti apehitha ha ahuan ha awang ho oleyo iring hayu owoni he egema nabolo bebe. ²³ Da apehatha ha ahuan ha ajak egeme nasong holeyo, he sahina do song abangan nabolo, ara ahuandek hahothai hawang ho oleyo ara hayu awoni ha ayiji. ²⁴ Dia ahuandek hahothai haleyo awang ho otihie iring hayu, ahca owoni honyong, ti athuk Ojok emorihina apehatha aboithe, esak abolori do do ha awang hosong. ²⁵ Ihandio inyong ahani da awang dihuan, ti apehatha omijie ihuandek hosong amuno aboithe . ²⁶ Ara omuai nabo apehatha, bokolong amuai isong. Dia ara ithahuye nabo, amuno hamok huna honyong aboithe. ²⁷ Dia ithai ahuan no Kristo ara abok abok apehatha hanyong. ²⁸ Ara Ojok anyimok di thua ha amojo helefahat ara ohethemok, opropheta ara ho othifok, ohetienak ara ethahunihi, dia ohegemak ha asang hahitua, karik esoritha halwahierek ohmuak, hesak alwaha, hullo hegema iring hedafetho ohothing bokolong, karik ho chama ohuthuhie holwa. ²⁹ Ara ohothai dang helefahat? Igema ohothai asang habolo bebe? ³⁰ Iwon ohothai ha esoritha hethayijerek ohomuak? Ichama ohothaimohuthuhie holwa? ³¹ Tha amuno othifeyethe esoritha ha bolo. Ethayithak nang oyihoi lo oyu bebe.