¹ Popele nali bwene lulu lya bukumo ne kyalo kya bukumo, pakuchi lulu lya kutonga ne kyalo kya kutanga fya pitaila nekufumapo, nefishiba tafyalipo koku. ² Kambona ne mushi wa mushilo, Yelusalema wabukumo, kalukwikila panshi ukufuma mwiulu kuli ba Lesa, kateyanishiwa koti wakupwa kuli mwata wakwe. ³ Kangumfwe shiwi lya kuchi ukufuma pa bufumu kalilabila, ''Boneni! Impense apakwikala ili ne bantu, kabili akekala nabo. Bakaba bantu bakwe, Naba Lesa abene bakaba nabo kabili akaba ni Lesa wabo. ⁴ Ye akashimanganya kabili ta kukabapo nemfwa libili yowo, neli kubombomana, neli kulila, neli kusomena. Ifintu fya kale fyapitaila. ⁵ Na uyo umo uwaikele petebe lya bufumu kalabila, ''Boneni! Napanga ifintu fyonse ukube fya bukumo.'' Kalabila, ''Ngaulembe fi panshi aya amashiwi akuketekela aalemene kabili akine.'' ⁶ Kalabila kuli nemo,'' Ifi fintu fyakichikwa! Ena Alufa na Omeka, ukutanga ne kushila. Kuli uyo uli ne kilaka nkamupela ifya kunwa ukwakubulo kulipa Ukufuma kuntulo ya menshi a mweo. ⁷ Uyo ukinfya akaswamo ifi fintu, kabili nkaba nji Lesa wakwe, kabili akaba mwana wangi umwalalume. ⁸ Pakuti kuba mwenso, abakulengulula, abakite fya bnya, neba tupondo, neba chende, ne ñgannga sha kubuka, apapupo tulubi, na bonse ababufi, impunsha yabo ikaba nimu kintengwa kya kishiba kya mulilo uwaka, iyi emfwa ya bubili. ¹⁰ Umo uwa muli ba malaika shisanu na shibili kaisa kuli nemo, ni uyo uwali ne tubakuli shisanu katwiswilwe ne myalo shisanu ishakupelako, kabili kalabila ''Isa kuno. Nakukubila nabwinga, umukashi wa mbelele.'' ⁹ Popele kampinta mumupanshi ne kuntwala kulupili ulwakuchi ubutali ne kundangisha nemo umshi uamushilo Yelusalema kalukwika panshi uufuma kuli ba Lesa. ¹¹ Yelusalema wali ne buleme bwa ba lesa, nakubekauka kwakwe kwali koti libwe lya mutenyo lya kilala, koti lya Kilishitu- ilipulankene yashipe. ¹² Lyali ne kibumba ikyakuchi, ubutali ne milyango ikumi na shibili, Naba malaika ikumi na shibili pa mulyango. Pamilya kalembwa amashina amishobo ikumi na shibili isha ba na bakwa Isilaeli. ¹³ Kumutulesuba kwali imilyango shitatu, nakukabeta ka buyeke imilyango shitatu kumbonshi imilyango shitatu, nakubulenge nako imilyango itatu. ¹⁴ Ifi bambalo fya mushi fyali ne mifulo ikumi na ibili, palisho pali amashina ikumi na ibili aba kutunwa ba mbelele. ¹⁵ Nauyo umo ualabile nanemo ali ne lutambo lwa kupimako ulwapingulwe na golide uwakupimako mushi, ifiibi ne fibanda fyakyo. ¹⁶ Ne mushi walyanshikilwe posonde mukulinganya; Mukutalimpa kwaiko kayesakana na mubwipi bwaiko. Kaapima umushi ne lutambo lwa ku piminako, Amasausande ikumi na ibili aakimo mubutali (ubutali bwaiko, ubwipi, na mu kiimo fyaliso pamo). ¹⁷ Kabili kaapima ne kibamba kyakiko, Ama kyubichi umwanda umo nemakumi ane nemakumi t ane peulu ukuchikama mu kupima kwabu muntu (uko ukuli kimo ne kupima kwaba malaika). ¹⁸ Ikibanba kakisompwa na Yasipa ne mushi ne polide uuli tuu, koti likalashi lya kupulaila. ¹⁹ Umufula wa kibanba kabaubika na shonse mishobo sha mabwe abuleme. Ilya kutanga Yasipa, ilya bubili safile, ilyabutatu lyali agate; Ilya bune lyali Emalode, ²⁰ Ilya busano lyali Onyekese, ilya busanu na limo lyali Kanely busanu natutatu natubili lyali Kilisolite, ilya busanu natutatu lyali lya beli, ilya busanu na tune lyali lya Topaze, ilye kumi lyali lya Kilisopalase, ilye kumi na kamo lyali lya Yasinte, nelye kumi natubili lyali lya amatesite. ²¹ Ifimbi fye kumi na tubili fyali ikumi na tubili ifya kutubuluka; kimo kimo ikiimbi kyali pangilwe ukufuma kuli kimo ikitubulukile. Ifiibi fya mushi fyali fya golide iine, koti likalashi ilijakupula nkana. ²² Nshamweneno itenpelo mumushi, pakuti ba Shikulu abene ba Lesa bamakosa ne mbelele etempele lyauko. ²³ Umushi nali kufwaikwapo akasuba nagaba mwenshi uwengatubisha palye pakuchi ubuleme bwa ba Lesa kabubonekelapo pali kyo, ne nyali yakiko ni mbelele. ²⁴ Ne kyalo kikendela mu kyeya kya uulyo mushi. Imfumu sha pakyalo shikaleto buleme bwashiko muli kyo. ²⁵ Ifimbi fyakiko tabakafisala mu mpindi ya kasuba, kabili takukabapo ne bushiku kulya yowo. ²⁶ Bakaleto buleme ne mukishi wa fyalo muli kikyo, ²⁷ Lomba takukabapo ifya busali ifi kaba po ne kwingila mukachikakiko, Neli umo uukita ifya mwenga ne fya kongola, Lomba benkabo abali ne mashina anembelwe mwi buku lya mbelele ilya mweo.