¹ Penka malaika kabwenesha umulonga uli ne menda a bumi, alinekilola kwati ni kilishitalaPenka alikufuma ukufuma kwitebe lya ba Lesa na ku mwana wa mbelelele ² mwali ni mukazhi kamushi mumusebo, na kulubali limo ulwa mulonga mwali ne kichikya bumi. Kyalikwikata ifisepo ikumilimo nababili, kabili fyalikwikata ifisepo umweshi onse. Ne mabula afichi alibelene kubuka ifyalo fyonse. ³ Penka lukoso takukapo nangu ni umbi uwa kushinina. kukipuna kya ba Lesa kabili nangu ni kumwana wambelele ukali kuba mumushi, kabili ababofi bakwe akabapulusha nabo. ⁴ Penka akali kumona ifilungi fybo, ne kumona amashina abo mukuba pafilungi fyabo. ⁵ Penka lukoso takwakabepo nangu bushiku, penka tabakabepo ne kufwaya ukutuba nangu ninyali nangu kasuba pakwebati ba Lesa bakaba ne kutuba kulibo. Bena baba nekuteka umuyayaya. ⁶ Naba malaika kabalabila kuli nemo. ''Iya amshiwi ali aketekelwe kabili abukine. Na baShikulu, naba lesa aba mipashi iyaba kutulisha, kabapitwa ne kubalangisha umupyungishi wabo pakwebati ifi fibe ne kuboneka bukumo.'' ⁷ ''Mona! Nemo koisa bukumo! Alishukile uyo umo uba mukukatalila amashiwi aba bakutulisha ne amulili ibuku.'' ⁸ Nemo Yoane, nemo nibo umo uyo uuufwa kabili nekumpna ifi ifintu. Penka ilyo amona ne kufwa kulifi, ena kapona panshi ne kulukulenye penka pamolu aba malaika abo abali ne kumulangisha ena ifi ifintu. ⁹ Naye kalabila kuli nemo.'' Tekukite ifyo! Nemo nine umubofi pamo na mwebo, pamo na kubakwasu ne bakutulisha, kabili pamo nabonse abo abakatalila amashiwi amulili ibuku. Lemyeni ba Lesa!'' ¹⁰ Penka ena kalabila kuli nemo,'' webikapo akeshibilo apo ne mashiwi aku baa kutulisha ukufuma mulili ibuku, penka ishita ili pabwipi. ¹¹ Penka umo uyo ukita ifibipile, mulekeni ena atwalilile ukuba mububi fyekefyo. Penka umo uyo uli mulungami, mulekeni ena atwalilile mumukita ubulungami, penka umo uyo ushilile, mulekene atwalilile ukuba ushililile.'' ¹² Ifilambo fyangi fili kuli nemo, ifyo kapana kuli umo ukulingana kuli fyo akichile. ¹³ Nemo ndi Alufa na Omeka, ne kutatula kabili ne kupolako, kabili uwakutatwilako kabile na pelo. ¹⁴ Balishukelwe abo aba wamya ifyakufwala pakwebati babe nesambu isha kulya kukichi kya bumi kabili ne kwingila mumushi ukupichila mu milyango ¹⁵ Pesonde pali bwa ne ñganga ishibuka, ne bucecemeshi, ne bakwipanyañgana, ne kupepa utulubi. kabili na onse uyo ulinekutemwa mukufikita ne kulukubepa ubufi. ¹⁶ Nemo, Yesu, kaba ne kutuma ba malaika ati bakalumbulule kuli mwebo pakuti ifyo fyonse fintu ifya ku makelesha. Nemo ndi mbuto kabili uwa mukikata kya kwa Dafiti, ne ukutuba kwati Lutanda lwakumakya.'' ¹⁷ Penka umupanshi ne wakupwa kalabila. ''Isa!'' Lekeni umo uyo ukoufwa alabile, ''Isa!'' uyo onse uli ne kilaka mulekeni alabile ati isa. Kabile noyo onse uwapwaisha naye, mulekeni akakuluke mukupoka amende abumi. ¹⁸ Nemo kabulishisha na kuli onse uyo ufwa amashiwi afuma kubakutulisha mwenka mulili ibuku. Inga kya kwebati onse ukabikako kulyaya, ba Lesa bali ne kumubikilako ena imyalo pakuti ilibele ne kulembwa mwenka mulili ibuku. ¹⁹ Inga kya kwebati umo abane kufumyako kulyaya amashiwi mulili ibuku ilya bakutulisha, ba Lesa baka ba ne kufumyako kufyakwabana kuliki ikichi kyabumi na muli uyu mushi ushilile pakuti ali uyo ulembelwe mwi buku. ²⁰ Penka umo uyo ukafikilisha kuli ifi fintu fyonse kalabila, ''Ee! nemo ndi ne kwisa bukumo, ''Ameni! Iseni, baShikulu Yesu. ²¹ Penka ubupe ubufuma kuli ba Shikulu Yesu bube muli bonse, Ameni.