¹ Kabili nali mwene malaika ali kufuma mwiulu. Alikwete nefungulo shakukiliji kyakubula impelo, kabili alikwete no munyololo wukulu mukuboko kwakwe. ² Ena ali mukwete kongamato, mulolo wakale, uyo uli umulwani, kabili no kumukaka isausande limo imyaka. ³ Ali muposele mukilindi ikyubula impelo. Ali kinshikile nekubikapo akeshibilo paliye. Iki nipakwebati techiongole ifyalo nali bili imyaka ma sausande iya kupitapo. Ukupita ifyo, bakamwekako mupindi inini. ⁴ Kabili nali mwene amatebe. Abakelepo nibabo abapelwe isambu ishakupingula . Kabili nali mwene imyeo shababo abaputwilwe imitwe pali bumboni bwa ba Yesu napa mashiwi yaba Lesa. Bali kene ukumulemya lukiswango ne kimpashanya kyakwe, kabili baili bali kene nakupoka akeshibilo pafilungi nangu nipakuboko. Baliwelele kubumi, nekuteka na Kilishitu imyaka sausande. ⁵ Paba shelepo abafwile tababwelele kubumi ukufika nakumyaka sausande iyapwile. Uku ekubuka ukutanshi. ⁶ Upalilwe kabili uwa mushilo niuyo upichilemo ikiputulwa kyantanshi ikyakubuka! Palifi ikya ikyabubili imfwa taikwetepo amakosa. Bakaba ba papatilishi ba ba Lesa naba Kilishitu kabili bakateka nakwe imyaka sausande. ⁷ Penka pakupwa myaka, satana baka mukakulula ukufuma mukaleya. ⁸ Akaya mu kongola ifyalo fyonse mumakona ane aya pano bakyalo - Gogine magogi - mukubaleta pamo mukonelo. Bakaba abengi kwachi musenga uwa kishiba. ⁹ Balile ukupichilila ilunga lya kyalo nekushinguluka inkambi yaba Lesa iya bantu babo ba Lesa aba shilile mumushi uwa kutemwa. Pakuti mulilo waishile panshi ukfuma mwiulu nekubonula. ¹⁰ Umulwani, uwabongolwe, bali muposele mukishiba ikyali kwambuka sulifere, uko ikiswango kabili nebakutu aba bufi nabeni posolwemo. bakakyula akasuba nebushiku umuyayaya ne muyayaya. ¹¹ Kabili nalimwene itebe lyakutuba ilikulu newaikelepa fyekefyo. Efyo ikyalo neulu fyali butukile ukufumapo payakwe; Lelo takwalipo ikifulo ukwakuya. ¹² Nali mwene abafwile - abamakosa naba ne basulilwe kabemakene kwitebe, nemabuku yalishikwile. Penka nebuku limbi lya kalishinkulwa - Buku lya mweo. Abafwile bali bapingwile pali fyo fya bakitile mwi buku, ukulinganemi kichile yabo. ¹³ Nekushiba kyali fiswilile abafwile. Ifwa ne shiwi fyali fisulwile abafu aba limo. Nebafwile bali mpingwilwe ukulingana nemi kichile yabo. ¹⁴ Imfwa ne sheou fyali poselwe, mukishiba kya mulilo. Iyi nifwa ya bubili - ya kishiba kya mulilo. ¹⁵ Ngakya kwebati uli onse talembelwepo mwibuku lya mweo, uyo akaposwa mukishiba kya mulilo.