¹ Pakupita ifi fintu nalyufwine ikya ufwanikile kwachi kilulumo ne shiwi ilikulu ilya bantu abengi mwiulu ilyalikwita, ''Aleluya ipusukilo, ubuleme, ne makosa fya ba Lesa. ² Ubupingushi bwabo bwakine nekololoka, pantu ali pingwile pite umukulu uwa onawule kyalo kubukenge bwakwe. Abweshanya umulopa wabasha bakwe kumaboko akwe.'' ³ Bali labile libili: ''Aleluya! Ikyushi kyalimine ukufuma kulye muyayaya muyayaya.'' ⁴ Itangishi amakumi yabili natune nefintu ifyumi fine fyaliponene pashi neku bakindika ba Lesa, abaikele petebe . Nekulabila, Ameni. Aleluya!'' ⁵ Kabili ishiwi lyalifumine kwitebe, nekulabila ati, ''kindikeni ba Lesa, mwense mweba bomfi bakwe, mwemumukina, bonse abanini neba kulu.'' ⁶ kabili nalyufwile kilulumo ikikula ikya bantu abengi, kwati kubuluma kwameshi ayengi, kabili kwacha kutobaulwa kwakululuma, nakulabila ati, ''Aleluya! Ba Shikulu bakoteka, ba Lesa benu, abamakosa. ⁷ Iseni tusekelele ne kutemwa nekubapela ubuleme! Pantu bwinga nekusangalala kwa mwana wambelele kwa isa, kabili shibwinga aliteyamya. ⁸ Ali pelwe isambu ishakufwikwa isalu ibekele iweme iteshimine'' (pakuchi isalu ibekele bololoka bwafitwa ifyabana abashilile aba ba Lesa). ⁹ Malaika alilabile kuli nemo, ''Lemba iki: Bashukilwe abo abaitwa ku malila ya kyupo kya mwana mbelele. ''Alilabile kuli nemo.'' Aya mashiwi ayakine aya ba Lesa.'' ¹⁰ Nali ponene pamolu yabo ne kubalambila, kabili kuli nemo, ''Wikita iki! Ndimubomfi munobe kabili naba ba kwanu abaweti imilaya ya ba Yesu. Lumbanya ba Lesa, ba milaye yapali ba Yesu emupashi wakwaula.'' ¹¹ Kabili nali mwene iulu lyashinkula, kabili nkambona imbongola iyakutuba. Umo uwalikuyensha alikwita ati wa kinshika nekine. Kili ne bupingushi kabili alapingula ne kilambu fya kondo. ¹² Amenso yakwe yali kuti kimbilimbili, napamutwe wakwe pali ingalala ishingi. Ali neshina ili lembelwe palye pakuchi tapalipo uwinglishiba sombi umwine. ¹³ Alafwala umukaju uyo bantupile mumulopa, neshina lyakwe ishiwi lya ba Lesa. ¹⁴ Ne fita fya mwiulu fyalikumunkonka pa mbongolo ishakutuba, kabafwala isalu ishiweme ishiteshimine, ishakutuba kabili ishitashikwete ifiko. ¹⁵ Mukanwa kakwe mulafuma ulupanga ulutwile ulo asomeseshako ifyalo akatulama nankolo ya kyela. Alanyantaula muibala lyamwangashi napa bukali bwapa kyalo ubwa ba Lesa. ¹⁶ Ali neshina ili lembelwe pakyakufwala kyakwe napa kiso infumu ya mfumu kabili kapa wa kapa.'' ¹⁷ Nalimwene malaika kaimakene pakasuba. Achile ne wishiwi ilikulu kufypni fyonse ifyalikupita pa mitwe, ''iseni bunganeni pamo kumalila aba Lesa. ¹⁸ Iseni ne kulya iminefu ya mfumu, iminefu ya filolo iminefu ya makosa, ne minefu shambongolo neba shensha ne minefu shabantu, bonse abakakulikilwe, nabasha, nebasulilwe, aba makosa. ¹⁹ Nali mwene ikinamo nesha mfumu shapo kyalo ne fita fyabo. Bali bungene pakuti batatike inkondo naumo uwa enseshe imbongolo nefita fyakwe. ²⁰ Ne kinamo bali kikwete pamo nababufi abakwaula abakichhile utwishibilo pa menso akwe. pali utwishibilo alyongwele abo abali ne keshibilo kyakinama nekupupa ikimpesho. Bonse babili baliposelwe abomi mukushiba kya mulilo uwa nkamfwa. ²¹ Aba shelepo bali pailwene lupanga ulo lwafumine mulanwa kaumo uwa endele pa mpongolo. Nefyoni fyonse fyalilile imili shabo.