¹ Pakupita ifi fintu nalimwene malaika ubi alukwisa pashi ukufuma mwiulu. Ali nesambu, ne kyalo kyali saminwe ne buleme. ² Ali bilikishe neshiwi ilikulu, nokulabila, ''Wapona, wapona Babiloni umukulu! Waikalikwa mushi wamipashi yaba Demona, umwakufisama imipashi yonse yakubipa. Kabili mwakufisama imipashi yonse ne fyani. ³ Pakuchi bonse abekanshi bapa kyalo ba mwako umwangashi wakwe wabakali bwakwe. Nefumu ahapa kyalo nashoshakita ubu kende nakwe. Nabafuma pa kyalo baba nefumu pa makosa pamulandu wa bukende eshila yabwikalo.'' ⁴ Penka kangufwa ishiwi libili ukufuma kwiulu lili kulabila,'' Fumenimo mwebantu bangi, pakuchi mwelibikamo mukibipile, napa kwebachi mwepokako imyalo. ⁵ Ububi bwafika pakimo kabili bwafika mwiulu, naba Lesa baanuka imikinto yabubi. ⁶ Ukubweshesha ifi apele abankwe, kabili bakamupela pabili pamikinto; mulikapuasakanya, ukusakanya nokubungisha. ⁷ Fweka alabile umwine kabili no kwikala ukwangala, mupeleni ubupingishi nokumubikilapo ukumanikwa ne kubobomana. pakuchi alalabila mumutima wakwe, 'Ndikele mukipana kyafumu iyanakashi. Shili mukafwi lwa, kabili kamonepo ukulila; ⁸ Pakuchi mubushiku bamo imyalo ikesa: ifwa, ukulila, ifipowe, Akonaulwa ne mulilo, penka ba Shikulu Lesa muli amakosa. kabili amupingushi.'' ⁹ Penaka ifumu shapa kyalo abakitile ubakende bwabulalelale balifumine mushila naye bakalila nakutamauka paliye. Ili bakamona ikyushi kyakwe kilukupya. ¹⁰ Bakemakana apatali, nokututuma pakonaulwa, nakulabila, ''Afingwe, Afingwe umushi umukulu, Babiloni, umushi wa makosa! pakuchi mukapindi kanini ukumanikwa kwaisa.'' ¹¹ Nabasulu bapa kyalo bakalila nokubombomana pali ye pakuchi takulipo ubusala nangu bumo - ¹² Ubusalushi bwa Ngolide, Siliva, nanambi amabwe amutengo, Amatashiti, Kilishitu, Sik,Sikaleti, Nefiti fyatwino fyonse, namakosa yameno, nefyonse fyepangilwe kifichi fyamutengo, Bulozo, nefyela, tubwebwe, ¹³ Kinamona, sipaci, ukufutumuna, mala, nabakishika bafinukile, nomwangashi, amafuta, bunga, witi, Iñonbe ne mbelele, ipunda na amakalaki ne mibili, nemweo yabantu. ¹⁴ Ne fisepo mwaikalilemo makosa fyafumishiwapo pali mwebo. Na onse amangolo nokulitonta fyapwa nokubulwa kumoneka libili. ¹⁵ Na basulu bafifi fintu aba nokele paliye bakemakana apatali ukufuma pali yapatafu pakulina u-konaulwa, ukulila nokulila apakulu. ¹⁶ Bali nokulabila, ''Afingwe, afingwe umushi umukulu uyo wafwite mufyakufwala fyakukashiluka, kabili kafwite ngolide. Nemabwe ya golide, Namabwe ayemutengo. ¹⁷ Mukapindi kanini bonse ubunoshi bwa onaulwa.'' Netangishi shamanto, naonese pakishiba nabakwende, abobeshi nabonse abalukulenga ubwikalo pafishiba balimakene apatali ne tafu. ¹⁸ Balililile elyo ba nwene ikyushi kakili kwaka. Kaba labila, ''Mbanisa mushi uli kwachi mushi umukulu?'' ¹⁹ Kabaposa ulukungu pamitwi yabo, nokubilika, nakulila, nemisoshi, ''Bafingwe, bafingwe kumushi umukulu uuli bonse abakwete amanto pafishiba balikele abafuma ukufuma mubunoshibwabo. mukapindi kanini kaonaulwa.'' ²⁰ ''Sangalaleni paliye mweulu, mwebantu aba swetele mwebatemwa nabakutulisha, pakuchi ba Lesa baleta ubupingushi paliye!'' ²¹ Malaika ukosele kaimya ilibwe kwachi ipelo nokuposa mukishiba, nokulabila, ''mushila iyi, Babiloni, umushi mukulu, akaposwa panshi nobupondo kabili takamonekepo. ²² Kabalisha ikilulumo ikyapangilwe ne fyobesho, abakulisha, kabemba, netolopita tafyakofwanike muli mwebo. Tamwakabepo bakabasa abakasangwa muli mwebo. Tamwakofwanike ukupela tamukofwanikapo libili. ²³ Ikyeya kyelapi takya kasamepo pali mwebo, neshiwi ilyakwa shibwinga na nabwinga talyakofwanikepo muli mwebo. Pakuchi abasulushi shili nefuma pa kyalo, ne kyalo kyalibepelwe kubufi. ²⁴ Muliye imilopa yaba kutulisha nabana bakwa Lesa balisangilwe, nemilopa ya bonse abo baipeye pa kyalo.''