Umwimbo.Amasamo akwa Asafwa. ¹ Balesa, mukutumana! mwetusula fwebo kabili ne kubula ukwenda, balesa. ² Boneni, abalwani benu balukupanga ikiwowo, kabili abo abamipatile bainuna imitwi yabo. ³ Balababukila abantu benu nekumfwana bonse pamulandu wa baboabafishilwe abenu. ⁴ Bobalalabila ati, "isa, kabili twendeni tubonaule kchi kikota kyabantu. Kabili neshina lya Isuleli talyakanukwepo." ⁵ Balyumfwangene abene mumulanguluko umo; bali pangile ukulayana ukubipile pali mwebo---- ⁶ Amatente aku Edomu na abena Eshimeli, namoabu kabili na Angalechi, ⁷ Gebala, Amon, Amaleki; kabili na Filisitiya kabili nebekashi baku Tila. ⁸ Asilya naye kasankana nabo; balibele kuboko kwabashakulu bakwa loti. ⁹ Kiteni kulibo fyenkefi mwakitile kuli Midyani, fyenkefi mwakitile kuli Shisela kabili na kukuliyabina kunika ya Kishoni. ¹⁰ Bonse balifwile ku Edoli kabili balibolele nekwaluka bubole bwamushili. ¹¹ Bakiteni abakulu babo amamukinshi kochi ni Olebi na Zebi kabili bonse abana bamfumu kochi ni Zaba na Zalamuna. ¹² Balilabile ati, "twendeni tupinte fwebene apekala ba lesa." ¹³ Balesa bangi, bakiteni kochhi ulukungu lwakashululu, koti busli batwala kumwela, ¹⁴ kochi muilo uyo uokya impanga, kabili kochi ninjimi shamulilo ishibika imitumba mumulilo. ¹⁵ Batamfyeni nemwela wenu ukosele, kabili mubatinye kukipupu kyenu ikikulu. ¹⁶ Isusheni ifilungi fyabo nensoni pakweba ati kochi bafwaya ishina lyenu, ba yawe. ¹⁷ Kochi bengabikwa kunsoni kabili ne kutinishiwa umuyayaya; bengalinga ukufwa munsoni. ¹⁸ Kabili bakeshiba ati mwebo mwenka, bayawe, emwe bene abakilile pakyalo kyonse.