Masamo wakwa Asafi. 1 Ba Lesa baimakana mukachi ka kilonganino ikya mushilo; mukachi katu ba Lesa emo apela ubupingushi. 2 Impinji inga iyo mukapingula ifya lufyengo ne kutangisha ukuwama kumbifi? 3 Kingilileni abapengele na bashili na bawishibo; twalilileni ne nsambu sha bachichikishiwe ne bakalilwe. 4 Pokololeni abapengele na babo abapengelwe; bafumyeni mu kuboko kwa mbifi. 5 Tabeshibapo nangu kumfwa; balashinguluka mu mfinshi; ifi tendenkesho fyonse ifya kyalo fyasuukana. 6 Nali labile, ''Muli tu ba lesa, na mwebo bonse mwebana ba upulilemo. 7 Nangu nifyo mukafwa kwachi bantu fye ne kupona kwachi umo mubana bamfumu abanakashi.'' 8 Imeni, ba Lesa, pinguleni ikyalo, pakuchi mwebo muli nefyabupyani mufyalo fyonse.