Kumukulu waba kemba; uwapekenye musango wa Gititi. Isama lya kwa Asafi. ¹ Imbeni ne kubilisha kuli balesa bamakosa besu; bilisheni pa kusekela kuli balesa bakwa Yakobo. ² Imbeni ulwimbo kabili ne kulisha akaoma, akakoto akalila bwino na mbanjo ya kalinji. ³ Lisheni ulupenga pa bushiku bwa mwenshi wa bukumo, pa kasuba ka mwenshi umututulu, apo ubushiku bwesu bwa kulya ne kesefya butendeka. ^{4 5} Pakuchi ikipope kya ba Isuleli, ifunde ilyapelwe ne balesa bakwa Yakobo. ⁵ Balilipele ukuba lifunde muli Yosefi ili afumine mu kyalo kya Ijipiti, uko naumfwile ishiwi iyi shaishibile yoo: ⁶ "nalifumishe ikipinto ukufuma pa kipeya kyakwe; amaboko akwe alikakulukile kukukwata ikilukwa. ⁷ Mukupelwa kwenu mwalichile, kabili nalimwasukile ukufuma mwikumbi lya kufita ilya lebuluma. Nali mweseshe ku menshi a Miliba. ⁸ Kuchikeni, bantu bangi, pakuchi kumukengesha, Ishileli, inga kyakwebachi mwanfwa lukoso kuli nemo. ⁹ Mwikasangwa muli mwebo lesa umbi; mwikatota lesa umbi. ¹⁰ Ni nemo bayawe balesa wenu, uwamifumishe mu kyalo kya Ijipiti. Shinkwisha akanwa kobe, kabili nakukesusha. ¹¹ LOmba abantu bangi tabakuchikile ku fyebo fyangi; Ishileli tanakile nemo yoo. ¹² Kanshi nalibapele abene ku Shila yabo yabumunshololwa pakuchi bakite ifimonekele bwino kulibo. ¹³ O, nga abantu bangi balofwa kuli nemo; O,nga abantu bangi balenda mumashila angi. ¹⁴ Penka inga bwangu bwangu nalinakishe abalwani babo kabili ne kwalulwila ukuboko kwangi ku babakyusha. ¹⁵ Lekeni balya abapachile bayawe bakwatwene mwenso kuli bo! lekeni balengeshiwe nsoni muyayaya. ¹⁶ Kuchi nalisha Ishileli ne bunga ubunga ubuweme bwa mukate; kuchi nami kusha ne buki ukufuma mwibwe."