Ku mukulu wa ba kemba, abika imibele shaba shoshanimu Eduti. Isamo lyakuba Asafu. ¹ Poseniko amano, umwembeshi waba ishileli, mwebo mwe batangilila Yosefi kwali litanga; mwebo mwebekele peulu ukukila ba kelubi, sameni pali fwebo! ² Mu menso akwa Efilemi naba Benjamini nama Manase, imyeni amaka enu; iseni kabili tupususheni. ³ Ba Lesa, tusangululeni; lengeni ikilungi kyenu kisamine pali fwebo, kabili tukapuluka. ⁴ Mweba Yawe ba mabumba, muka twalilika linga ukufichilwa abantu benu anga ba lomba? ⁵ Mwabalisha nomukate wa minsoshi kabili nokubapela imisonshi shakunwa ishingi. ⁶ Mulatulenga fwebo ikintu abena mupalamano bali pachikilapo, kabili abalwani besu pakachi kabo. ⁷ Mwe ba Lesa bama bumba, tusangululeni; lengeni ikinso kyenu kitusamine fwebo, kabili tukapuluka. ⁸ Mwalifumishe ikichi kya faina ukufuma mu Ijipiti; mwalifumishemo ifyalo kabili nokufilimbulula. ⁹ Mwaliwamishe umushili wakyo; kyalifumishe imishashi ne kwisusha umushili. ¹⁰ Impili shali fimbilwe kukinfute kya kyo, nefichi fyashida ifya ba Lesa ne misampi ya fyo. ¹¹ Kyalifungulwile imisampi ya kiko ukufika na kukishiba kabili utusampi twa kiko twafika na kunika ya Efuleti. ¹² Nindo mwatobela panshi ikibumba kyakyo pakuti bonse abalepita kumusebo baleswa ifisabo fyakyo? ¹³ Ingulube ukufuma mupanga shilakyonaula, kabili nefinama fya mumalimi filalyako. ¹⁴ Bweleni, ba Lesa bamabumba; kebeni panshi ukufuma mwiulu kabili mumone kabili mukisunge bwino kino ikichi. ¹⁵ Uno emushashi ukuboko kwenu ukwalulyo kwalimbile, umushashi uyo mwalengele ukukula. ¹⁶ Kyaoya kabili bakitema; baonaulwa pamulndu wenu uwa kubakalipila. ¹⁷ Ukuboko kwenu kube pa muntu uwa kukuboko kwalulyo kwenu, pamwana wamuntu uyo mwapele inkosa pali mwebo mwebene. ¹⁸ Elo tatwakalulukile ukutali ukufuma kuli mwebo; tusangululeni, kabili tuketa peshina lyenu. ¹⁹ Ba Ywe Lesa wamabumba, tusangululeni; Lengeni ikinso kyenu kibeke pali fwebo, kabili tukapuluka.