¹ Kumukulu waba kemba, pafilimba fyatambo. Amasamo yakwa Asafi, ulwimbo. Ba Lesa balipanga abene ukwishibikwa mu Yuda; ishina lyakwa likulu mu Isuleli. ² Intete lyakwe lili mu Salemu; ne mwakwiksls mwakwe ni mu Ziyona. ³ Kulya ali mokowile imifwi ya buta, ikyakusolelemo, impoko, nefilwilo fyonse ifya nkondo. ⁴ Mulasamisha nekufisukula ubuleme bwenu, ili muli kwikila ukufuma ku mpili, uko mwaipaile abo mwapanikile. ⁵ Abakwete imichima ikosole balyo nawilwe; kabalala mutulo. Bonse aba nkondo tabakwetepo amakosa. ⁶ Pakukalipa, ba Lesa bakwa Yakobo, fyonse fibili imbongolo ne wali kuyensha kabalala. ⁷ Webo, ee webo, mulingilwe ukuchinwa; ninani uwinge makana ku menso enu ili mwafitwa ⁸ Ukufuma kwiulu mwalikichile ukupingula ukwaumfwikile; ne kyalo kyali ne mwenso nakelele. ⁹ Ili mwebo, ba Lesa, mwaimine nekupingula imilandu nekupokolola bonse aba manikilwe aba mu kyalo. ¹⁰ Kyakine ukupingula kwabukali paba bantu kukaleta uku mitoteni; mukake mwebene nefyashalapo ifya bukali bwenu. ¹¹ Pangeni amalayo kuli ba Yawe ba Lesa benu neku yasunga. Bonse abo abamushingukile leteni ifya bupe kuliye ulingile ukuchinwa. ¹² Alaputula imipashi shabana ba mfumu; alatinwa ku mfumu sha mu kyalo.