Uwa mwine umukulu waba kemba; Uwa pa Al Taseti. Amasamo akwa Asapi, ulwimbo. ¹ Tulapela ukutotela kuli mwebo, ba Lesa; Twamipela ukutotela, pakuchi mulalimwesha ukubapo kwenu; Abantu balalabila pa mibombele yenu iya kukumya. ² Papindi ba sonta nkapingula bwino. ³ Nangu ikyalo nabe kalamo bonse balasunkana ne mwenso ndapanga amapanda akosele akylo. ⁴ Kansabila kubalitota, ''Mweba kulitota,'' ne kubakubifya, ''Mwesuntula ulusengo peulu. ⁵ Mwe suutwisha ulusengo lyenu peulu; mwe labila ne mukoshi ukosele.'' ⁶ Ta kifuminepo ku kabanga nangu kumboshi, kabili takifuminepo mumatololo ikya kusuntulwa peulu. ⁷ Lomba ba Lesa ebasololweshi; balabwesha panshi ne kusuntula peulu. ⁸ Pakuchi ba Yawe ba kwata ikomeki iya mfaina ifumya akapofu, ifya kuchanga ne fitobele, ne kufichila. Ikine ababi bonse pakyalo bakainwa ne kupwisha. ⁹ Lomba nkatwalilila ukubeba ifyo mwakita; Nkemba iya kulumbanya ba Lesa bakwa Yakabo. ¹⁰ Ala labila, ''nkaputulako amasengo onse ambifi, Lomba amasengo a mulunami akemishiwa peulu.''