¹ Masikili wakwa Asafi. Ba Lesa, mba nikindo mwatukanina fwebo imyaka yonse? Mbanikindo ubukali bwenu bwakila ne kwalukila imikoko ya kwitanga lyeni? ² Ibukisheni abantu benu, abomwashichile mu pindi ya kale, umutundu yo mwapuswishe ukuba ubupyani bwenu, kabili ne lupili lya Zioni, umu mwikala. ³ Iseni mu moneni ku fyanaulwa ukupwililika, ukonailwa uko abalwani bakita mu mpunsha yamushilo. ⁴ Abalwani benu balabuluma pakachi ka mpunsha yenu mwesalile; baimya ne mbandela yabo iyabulwi. ⁵ Balitemawile ne tupasa kwachi ni mumpanga. ⁶ Balipumawile ne kutobaula fyonse ifyabaswa; balifitobawile ne tupasa kabili ne masando. ⁷ Balyokele inanda yenu yamushilo ne mulilo; bashilulula apo mwikala, ukukiposa panshi. ⁸ Balilabile mu michima yabo, ''tukaba naula bonse.'' Baokya amapusha enu onse aakukumaninamo aali mu kyalo. ⁹ Tatumonapo ifishibilo yoo; takulipo nangu kasesema umo koku, kabili takuli nangu umo muli fwebo uwishibile impindi kya kubane kutwailileki. ¹⁰ Ubutali shani, ba Lesa, ili abalwani bakalasa amatuka kuli mwebo? Bushe abalwani bakatwalilika kulabila ifibipile kwi shina lyenu umuyayaya? ¹¹ Mba nikindo mwasungilaso kuboko kwenu panuma ukuboko kwenu ukwa kulyo? Fumyeni ukuboko kwenu ukwa kulyo mu kyaku fwala kyenu kabili ne kubonaula. ¹² Sombi ba Lesa batwalilika ukuba imfumu yangi ukufuma lukoso ku pindi ya kale, ukuleta ipusukilo pa kyalo kya panshi. ¹³ Mwalyakenye ikishiba ne nkosa yenu, mwali pamawile imitwa ya bakongamato bamu menshi. ¹⁴ Mwalifyotakekye imitwi ya sunguni; mwalilimulishishe kubalya abaleikala mu matololo. ¹⁵ Mwaliswile ututumputupu ne tunika; mwalikamine amanika aapita amenshi. ¹⁶ Ubushiku bwenu, kabili ne fishi nayo yenu; mwalibikile akasuba ne mwenshi mu punsha. ¹⁷ Mwibika imipaka yonse ya kyalo kya panshi; mwalenga impindi ya lusuba ne mwela. ¹⁸ Ibukisheni ifi abalwani bami kushile amatuka, ba Yawe, kabili achi abantu abatumpile ukupunika ishina lyenu. ¹⁹ Mwipela ubumi bwa kunda ku nama ya mu panga. Mwilubako kikupu ubwikashi bwa bantu benu abakyushiwa. ²⁰ Ibukisheni ikipangano kyenu, pakuti amakende akupita akyalo aliswilwe ne mapusha abupondoshi. ²¹ Mwileka abakyushiwa ukubweshiwa panuma mu nsoni; lekeni abapengele kabili ne bakyushiwa ukutota ishina lyenu. ²² Imeni, ba Lesa; kingeni ubuleme bwenu mwebene, ibukisheni ifyo ifipuba fimituka ubushiku bonse. ²³ Mwilubako ishiwi lya balwani benu nangu ukubilisha kwa balya abamitufya ipindi yonse.