Amasamo akwa Solomoni. ¹ Paneni kumfumu ubulungami bwenu, balesa, ubulungami bwenu kumwana wamfumu. ² Ye akapula imilandu yabantu bobe mubulungami nebapengele umolokele. ³ Lekeni impili shikalete umutende kabantu; lekeni utupili tukaleta umutende. ⁴ Ye akaputulwila imilandu abapengele abantu; ye akabapuluhsa abana babakalilwe ne kumokaula mufipifwa abapenshañgana. ⁵ Balilingele ukumilemyeni ili akasuba kakiliko, kabili nangaba umwenshi alakokola mufi ⁶ Nga akese kuchi nimfula pafyani fyakuseba, kochi mindondo iyo itapisha ikyalo,kabili nga kukabe umutende upusene ukufika nemwenshi ili takamonekepo. ⁷ Pakuti ne makosa ukufuma pakishiba ukufika na pakishiba kimbi, kabili ukufuma panika nakumpelo yakyalo. ⁸ Akaba ne makosa ukufuma pakufika na pakishiba kimbi, kabili ukufuma panika naku mpelo yakyalo. ⁹ Nga kuli babo abekala mukyalo bafukame panshi kumenso akwe; abalwani bakwe bakamyanga ulukungu. ¹⁰ Imfumu shaku Tashishi ne shapakitafu shikupana imilanbu; imfumu shakusheba na Seba shipane imilambu. ¹¹ Ikine, imfumu shonse shikapone panshi kuli ye; kabili ifyalo fyonse fikamupyungila. ¹² Pakuti alanfwa abantu abakalilwe abo abalila, kabili ne bantu abayanji aba tabakwete bambi aba kubofwaako. ¹³ Ali nenkumbu kubayandi nekakalilwe, kabili alapulusha ubumi bwa bantu abakalililwe. ¹⁴ Alalulula ubumi bwabo ukufuma mukunyachililwa nefyongo, kabili inmilopa yabo iweme kumenso akwe. ¹⁵ Ngaekale! na golide yakwa Sheba ngaipanwe kuli ye.abantu lyonse balatembela pali ye; balesa balamupala akasuba konse. ¹⁶ kukaba ukufula kwakyalo kanseko mumushili; peulu yamitumba ifyakulya fyabo filukusunkana, kabili ifisepo fyabo fyabo fikalukuli kochi ni Lebanoni; lekeni abantu bakasekela mumishi kochi fyani fyamumabala. ¹⁷ Lekeni ishina lyakwe likekalikwe umuyayaya; lekeni ishima lyakwe likatwalila kochi nifyenka ifili akasuba; abantu bonse nga bapalwe muliye; nefyalo fyonse fikamwite ati upalilwe. ¹⁸ Bayawe lesa, balesa wabena Isuleli, ngabapaalwe, bo benka abakita ifintu ifiweme. ¹⁹ Ubuleme bweshina lipalwe umuyayaya, kabili ne kyalo kisule ubuleme bwabo. Amen amen. ²⁰ Nematembelo akwa Dafiti umwana wakwa Jesi apwa.