Kumwine umukulu wangomba iyaku Shushani Eduti. Amuchitama wakwe Dafiti, ifya kusambilisha; ili alwile na Alam Nahalaimu kabili Alam Zoba, na Yoabu ukubwela nokwipaya amaka ikumi naabili abena Edomu mukilungululungu kyamukele. ¹ Balesa, mwatuposa fwebo; mwatoba ubukingo bwesu; mwalifichilwe; tubwesheni libili fwebo. ² Mwalengesha umushili ukututuma; kabili mwakitabauka; bukeni ifya panduka, pantu kikosunkana. ³ Mwalengesha abantu benu ukumo ifintu fyakukatasha; mwalengesha fwebo ukunwa umwangashi uwa kutalangila. ⁴ Kuli babo abamilenye mwebo, mwabemakanila imbandela no kuitandabika kuli babo abapinta ubuta bwamufwi.Sela ⁵ Pakuchi balya mutemenwe mukabapulusha, tupulusheni no kuboko kwenu ukwa lulyo nokungasuka nemo. ⁶ Balesa balabila mulibu mushilo, "nkasangalala nebo," nkabanya shekemu ne kwabanya ikinkunenke kya Sukoti. ⁷ Kiledi wangi, Namanase wangi; Efuleimu naye kisochi kyangi; Yuda emwa kubutukila nemo. ⁸ Muabu enongo emo nkasambilila nemo; pali Edomu epo nkaposa isapato shangi; nemo nkabilikisha mukukimfya pamulandu wa filishiti" ⁹ Banani aba kabwesha nemo mumushi uukosele? banani aba kantungulula nemo ku Edomu? ¹⁰ Kabili mwebo, balesa, tamutukanine fwebo? tamukoya kunkondo pamo nebashilika besu. ¹¹ Tupeleni fwebo ubwafwalisho paba lwani, pantu ubwafwilisho bwabantu bwa kubula kintu. ¹² Tukakimfya nobwafwilisho bwaba lesa; pantu akabanya ntaula panshio abalwani abalwani besu.