Kumwine umukulu wakwimba; ubikilwe kuli Aletasheta, uwa Masamo akwa Dafiti. Mikitame; ili saulo atumine, kabili balimubelamine kunganda ati nba mwipaye. 1 Mpulusheniko kubalwani bangi, balesa wangi; mbikeni apatuntukile kufuma kuli babo aba ngimakani ne nemo. 2 Musunge umutende mubamilimo yabubi, kabili nekumpulusha kubantu abali nekilaka kya milopa yabantu. 3 Pakuti, bona, balukupembelela mukupinta ubumi bwangi. Abamakosa abalalume balalibunga pamo abene pamulandu wangi nemo, talipo nipamulanddu wakupula ifunde nangu papubi bwangi, ba yawe. 4 Balapekanya ukumbutukila nangu nshikwetepo ikilubo; buka ne kungofwa nemo nekumona. 5 Mwebo, bayawe lesa wamabumba, lesa wabena Isuleli, imakaneni mupenshe fyonse ifyalo; mweba nenkumbu kuli onse unakile kufyakubifya, Sela 6 Balabwela ikingulo, nekuwowankana kochi nimbwa kabili nekushinguluka mumushi. 7 Bona, balapikamo lukoso ne tunwa twabo; imafumo ali kumilomo yaba, pakuti balabila ati, "mba ninani uyo utumfwa fwebo?" 8 Sombi mwebo, bayawe, basekeni bonse; mulikete ifyalo fyonse mumakosa onse. 9 Balesa, makosa angi, nkulukuteyako umuchima kuli mwebo; muli kiteba kyangi ikitali. 10 Balesa wangi, bakumana nanemo nemulaye wabukine; balesa bakandeka ati mone ukufwaya kwangi ukwapabalwani bangi. 11 Tekwesha ukubepaya, nangu abantu bangi bakalubamo. Bukabapalanganye nemakosa enu kabili nekubaponya, balesa abakufisamamo. 12 Pakuti ububi bwa patunwa twabo kabili nemashiwi apa milimo yabo, balekeni babekate mukulyumfwa kwabo, kabili napamilandu ne bufi ubu balimwenesha. 13 Bashimanganyeni mufyakukatasha , bashimanganyeni pakweba ati bakabule ukumonekapo libili; balekeni beshibe ati balesa abatangilila muli Yakobi kabili ukufika nakumpelo yakyalo .Sela 14 Ikingulo balabwelele, ili babosa koti nimbwa nkulukushinguluka mumushi. 15 Balepitangana lukoso ili bafwaya ifyakulya kabili balenyinyita kochi nimbwa ngatabekuchile. 16 Lomba bakemba pamulandu wamakosa enu, ukupichilile kabili ulukelo nkemba pamulandu wukutemwe kwenu uku pakuti mwali kiteba kyangi ikitali nekikyufisamamo mubushiku bwa kupelelwa kwangi. 17 Kuli mwebo, mwebamakosa angi, kemba isha kumitota; pakuti balesa kiteba kyangi ikitali, balesa bulayano ulwa bukine.