Kumukulu wa ngomba; uwabikilwe ku Alatasheti. Isamo lyakwa David.Emakitami. ¹ Mweo mwentangishi mulalabila bukine? mulapingula umulungeme, mwe bantu? ² Yowo, mulapange fya bubi mumichima yenu; mulabanye fya bulwani ukupula monse mukyalo ne maboko enu. ³ Ababi balaya mumbi nangu ili bakili munda; balaya mumbi pakufyalwa, ukulabila fya bufi. ⁴ Ubulembe bwabo buli kochi ni makata uushika matwi akwe, ⁵ Yetaposako amano kwishiwi lya batekenesha, nangu ba bengaba abeshibishe. ⁶ Mokauleni ameno abo mutunwa twabo, balesa; mokauleni ameno ankosa aababokwe banini, bayawe. ⁷ Balekeni basunguluke kochi menshi ayo aabutuka ukufuma; ili balase imifwi shabo, balekeni babe kochi tabalipo ne tukoto. ⁸ Balekeni baba kochi ni kofwa uyo uusunguluka nekupita, kochi mwana wafyalwa ku mwanakashi kya kupulumuna, uyo tamonapo imitetemga ya kasuba. ⁹ Ili inongo yenu taingofwa ukusonkaula kwa kupya kwa kibe, akabapinta ukufumako nekipupu kya kabesha, imyunga sha katapa katapa ne myunga shikopya fyalipasha. ¹⁰ Umulungami akasangalala ili akamona kushikanya kwaba lesa; akasamfya amolu akwe mumilopa sha mubi, ¹¹ Ukwebati abantu abalalume bakalabila achi, "kine, kuli kilambu ku muntu umulungami; kyakine ekobali ba lesa abapingule kyalo.