Kumukulu wabakemba; uyu babikile Ala Tasheta.Masamo akwa Dafiti. A michitam; ulu apulukile kuli Saulo, mwilinga. ¹ Beni nenkumbu kuli nemo, mwebalesa, beni nemkumbu na nemo, pantu nkalu kufisama muli mwebo nefi ifyakukatasha fyangi fikapwa. Nemo njikele munshi yamapindo enu mukukingilila ukufika nendi fyakukatasha fikapwe. ² Nkabalila ba lesa abapeulu, apene, balesa, abankichila fyonse nemo. ³ Bakatuma ubukwasho ukufuma mwiulu mukumpokolola nemo, balaba nebukali kuli babo abanyantaula.Sela balesa bakantumina ukutemwa kwakulekanya nabu kishinka bwabo. ⁴ Ubumi bwangi bulimumabokwe; njimukachi kababo abalupekanya kungonaula nemo. Njimukachi kabantu abali nemeno mafumo nemifwi, abali nenjimi ishitwile kochi mipeni ishitwile. ⁵ Ngamu suntulwe, balesa, ukukila meulu; lekeni ubuleme bwenu bube peulu yakyalo kyonse. ⁶ Balitandabwile ubukonde pankasa shangi, nali akemwe. Balisepele ikinji kuntanshi yangi bo abene ba ponenamo mukachi kakiko! ⁷ Umuchima wangi alikebele, mwe balesa, umuchima wangi; alikebe, nkalukwimba, ee nkalukwimba ishakutota. ⁸ Buka, webuleme bwangi! buka wekankonto nebwesele nanemo nkabuka kumakya! ⁹ Nkalukupela ukutota kuli mwebo, bashikulu mukachi kabantu; nkalukwimba ishakutota kuli mwebo mukachi kafyalo. ¹⁰ Ubukulu bwenu kutemwa ukwakubula kufika nakumeulu, kabili bukishinka bwenu nakuma kumbi. ¹¹ Musuntulwe, balesa, ukukila ameulu; ubuleme bwenu busuntulwe peulu yakyalo kyonse.