Uwamwine umukulu wabakemba; pa filimba ifya ntambo. Masikili wakwa Dafiti. 1 Teyeni ukutwi kwenu kukulomba kwangi, balesa; kabili mwelifisa mwebene ku kupapata kwangi. 2 Nteyeni amano nemo kabili ugasukeni nemo; nshilipo ne kutusha mu makatasho angi 3 umulandu weshiwi lya balwani bangi, umulandu wakukyula ku babi; abaleta ifya kukatasha pali nemo neku nkyusha mubukali. 4 Umuchima wangi mukachi alatutuma, kabili umweuso uwafwa wamfikila nemo. 5 Umwenso ne kututuma fyaisa pali nemo, kabili umwense wangikata ponse. 6 Nali labile, "o, nga nalifye ne fyapi kwachi ni nkunda! nga na pupukila kumbi kabili nekuba ne kutusha. 7 Moneni, elo nga nalile ukutali sana; nga nalikele mu matololo. 8 Nga nabutukila umwakwikala ukufuma kukabesha wamabimbi ne kiukunkwila." 9 Bonauleni, bashikulu, lufyakanyeni umulaka wabo! pakuchi namona ubunaushi ne bulwi mumushi. 10 Akasuba ne bushiku balashinguluka pa fibumba; ifyakubifya ne makatasho fili pakachi kakiko, 11 ifya kubifya fili pakachi kakiko; ubukyushi ne bufi tafishapo amashila afiko. 12 Pakuchi tawalipo umulwani uwankene nemo, elo nshakiposeleko amano; nangu nga ali niulia umpachile nemo uwalimishe umwine mu kungimakanina nemo, nga nali mufisamine. 13 Lomba wali ni webo, umuntu uwesakene pamo na nemwine, umutemwikwa uwangi kabili umunangi sana. 14 Twali ne kumfwangana pamo bwino twalyendele yaba lesa ne bumba. 15 Lekeni imfwa ise mukwangufyanya pali bena; lekeni baye abomi pausha ku Sheoli, pantu ifya kbifya fili emo bekala, mukachi kabo. 16 Ifili nemo,nketa pali balesa, kabili ba yawe bakampususha nemo. 17 Mu kyungulo, kumakya, ne kasuba ndalilishanya ne kulila; akomfwaishiwi lyangi. 18 Akakula umweo wangi mumutende kubulwi ubwangimakanine nemo,pantu abalelwa na nemo bali abengi. 19 Balesa, mwebo mwebatangilila ukufuma akale, akabomfya bena ne kubalengesha insoni.Taba kingyapo, kabili tabachina balesa. 20 Umunangi atanika amaboko akwe ukwimakanina balya ebo alinabo mumutende; tapelepo umukishi ku kupangano kilya alinakyo. 21 Akanwa kakwe kali weme kwachi mafuta, lomba umuchima wakwe wali nekondo; amashiwi akwe ali anakishe ukukila amafuta amukaka, kanshi balifye fipanga ifitwile ikyakine. 22 Utwike ifisendo fyobe pali bayawe, kabili akakukoseshea webo, takasuminishe umuntu umulungami ukutenkena. 23 Lomba mwebo, balesa, mukaleta ababi panshi mufilinji ifya bonaushi; abatapangana, nebalalume ababufi taba kekalepo neli panini kwachi abanabo, lomba nkaketekela muli mwebo.